har nafs utni hi lau degaa 'siraaj' — Siraj Lakhnavi

Takraaun kyuun zamaane se kyaa faaeda 'siraaj'
khud apne raaste se haTaa jaa rahaa huun main

na mohtasib ki khushaamad na mai-kade kaa tavaaf
khudi mein mast huun apni bahaar mein gum huun

qafas bhi bigDi hui shakl hai nasheman ki
ye ghar jo phir se sanvar jaae aashiyaan ho jaae

har ashk-e-surkh hai daamaan-e-shab mein aag kaa phuul
baghair shama ke bhi jal rahe hain parvaane

abhi rakkhaa rahne do taaq par yunhi aaftaab kaa aaina
ki abhi to meri nigaah mein vahi meraa maah-e-tamaam hai

diyaa hai dard to rang-e-qubul de aisaa
jo ashk aankh se Tapke vo daastaan ho jaae

main baDaa ho gayaa huun magar bachpanaa
mere dil se kabhi bhi gayaa hi nahin

'saif' andaaz-e-bayaan rang badal detaa hai
varna duniyaa mein koi baat nai baat nahin

dil-e-sad-chaak miraa raah yahaan kab paae
kucha-e-zulf mein phirtaa hai tire shaana kharaab

raat yuun dil mein tiri khoi hui yaad aai
jaise viraane mein chupke se bahaar aa jaae

har sadaa par lage hain kaan yahaan
dil sambhaale raho zabaan ki tarah

chang o nai rang pe the apne lahu ke dam se
dil ne lai badli to maddham huaa har saaz kaa rang