tu jab nahin thaa saamne tere khayaal se — Syed Kamran Zubair Kami

aansu miri aankhon se nikal jaate hain aksar
vo daur-e-mohabbat kabhi bhulaa to nahin huun

fikr-e-jahaan nahin hai umid-e-vafaa nahin
jiine kaa koi bhi to bahaana nahin rahaa

ghar ke sannaaTe tire halqa-e-aaghosh mein huun
mehrbaan tu ne mujhe dasht mein jaane na diyaa

marhun-e-iltifaat-e-faraavaani-e-sitam
aashufta-haal dasht mein laayaa gayaa mujhe

sab pe kaifiyyat 'ayaan hoti nahin hai 'ishq ki
mubtalaa-e-'ishq par khultaa hai ye raaz-e-nihaan

darakhshaan chaand se rukh ne miri viraan aankhon mein
bahut se bhar diye jugnu chamak in mein ubhar aai

vo chaand hai to aks bhi paani mein aaegaa
kirdaar khud ubhar ke kahaani mein aaegaa

mujh se kyaa baat likhaani hai ki ab mere liye
kabhi sone kabhi chaandi ke qalam aate hain

kai chaand the sar-e-aasmaan ki chamak chamak ke palaT gae
na lahu mire hi jigar mein thaa na tumhaari zulf siyaah thi

ik raat chaandni mire bistar pe aai thi
main ne taraash kar tiraa chehra banaa diyaa

kis tarah khush hon shaam ko vo chaand dekh kar
aataa nahin hai mashal-e-mah kaa dhuaan pasand

mahlon mein ham ne kitne sitaare sajaa diye
lekin zamin se chaand bahut duur ho gayaa