rishta rahaa ajiib miraa zindagi ke saath — Syed Shakeel Desnavi

'shakil' hijr ke zinon pe ruk gaiin yaadein
isi maqaam par aa kar Thahar gai shab bhi

ahrman kaa raqs-e-vahshat har gali har moD par
barbariyyat dekh kar hai khud qazaa sahmi hui

maut ke khunkhaar panjon mein sisakti hai hayaat
aaj hai insaaniyat ki har adaa sahmi hui

gard-e-safar ke saath thaa vaabasta intizaar
ab to kahin ghubaar bhi baaqi nahin rahaa

us se bachhDaa to yuun lagaa jaise
koi mujh mein bikhar gayaa saahab

phir koi choT ubhri dil mein kasak si jaagi
yaadon ki aaj shaayad purvaai chal rahi hai

kam-umri mein sunet hain
mar jaate hain achchhe log

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

intizaar aur dastakon ke darmiyaan kaTti hai umr
itni aasaani se to baab-e-hunar khultaa nahin

maani hain main ne saikaDon baatein tamaam umr
aaj aap ek baat miri maan jaaiye

ab zindagi se koi bhi shikva nahin mujhe
tu mil gayaa to koi tamanna nahin mujhe