ek jumbish si sitaaron mein hui — Tilok Chand Kausar

vo ta'alluq bhi thaa kitnaa maasum
ham ne paidaa jo khataaon se kiyaa

gul kiyaa jis ne vo thaa aur magar
shama ne shikva havaaon se kiyaa

jugnu bhi ghar se niklein sitaare bhi aaein saath
miTTi ke ik diye pe musibat kaa vaqt hai

na chaand kaa na sitaaron na aaftaab kaa hai
savaal ab ke miri jaan tire javaab kaa hai

kabhi tegh-e-tez supurd ki kabhi tohfa-e-gul-e-tar diyaa
kisi shaah-zaadi ke ishq ne miraa dil sitaaron se bhar diyaa

gham ke taarik ufuq par 'aabid'
kuchh sitaare sar-e-mizhgaan guzre

kab khulegaa ki falak paar se aage kyaa hai
kis ko maalum ki divaar se aage kyaa hai

itnaa nuur kahaan se laaun taariki ke is jangal mein
do jugnu hi paas the apne jin ko sitaara kar rakkhaa hai