ye apnaa apnaa muqaddar hai is ko kyaa kahiye — Athar Nadir

aadmi kaa amal se rishta hai
kaam aataa nahin nasab kuchh bhi

kis darja mire shahr ki dilkash hai fazaa bhi
maanus har ik chiiz hai miTTi bhi havaa bhi

dekho to har ik rang se miltaa hai miraa rang
socho to har ik baat hai auron se judaa bhi

raat aangan mein chaand utraa thaa
tum mile the ki khvaab dekhaa thaa

gham-gusaari ke liye ab nahin aataa hai koi
zakhm bhar jaane kaa imkaan na huaa thaa so huaa

jo dekhiye to zamaana hai tez-rau kitnaa
tulu-e-subh abhi hai to vaqt-e-shaam abhi

mujid jo nuur kaa hai vo meraa charaagh hai
parvaana huun main anjuman-e-kaaenaat kaa

dariyaa ko kinaare se kyaa dekhte rahte ho
andar se kabhi dekho kaisaa nazar aataa hai

kudurat nahin apni tab-e-ravaan mein
bahut saaf bahtaa hai dariyaa hamaaraa

pahaaD kaaTne vaale zamin se haar gae
isi zamin mein dariyaa samaae hain kyaa kyaa

vaaiz ki aankhein khul gaiin piite hi saaqiyaa
ye jaam-e-mai thaa yaa koi dariyaa-e-nur thaa

baaz aa saahil pe ghote khaane vaale baaz aa
Duub marne kaa maza dariyaa-e-be-saahil mein hai