phir yuun huaa ki sabr ki ungli pakaD ke ham — Unknown

meri taqdir mein manzil nahin hai
ghubaar-e-kaarvaan hai aur main huun

dil TuTne se thoDi si taklif to hui
lekin tamaam umr ko aaraam ho gayaa

duniyaa mein vahi shakhs hai taazim ke qaabil
jis shakhs ne haalaat kaa rukh moD diyaa ho

miri namaaz-e-janaaza paDhi hai ghairon ne
mare the jin ke liye vo rahe vazu karte

ye hamin hain ki tiraa dard chhupaa kar dil mein
kaam duniyaa ke ba-dastur kiye jaate hain

log kaanTon se bach ke chalte hain
main ne phulon se zakhm khaae hain

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

kuchh phulon ki khaatir bhi kuchh phulon kaa
sab se achchhaa rang churaanaa paDtaa hai

sabza o gul kahaan se aae hain
abr kyaa chiiz hai havaa kyaa hai

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

qaatil tiri gali bhi badaun se kam nahin
jis ke qadam qadam pe mazaar-e-shahid hai

main ne dekhaa hai bahaaron mein chaman ko jalte
hai koi khvaab ki taabir bataane vaalaa