muddat hui hai dast-o-garebaan hue hamein — Yaseen Zameer

mumkin hai ashk ban ke rahun chashm-e-yaar mein
mumkin hai bhuul jaae gham-e-rozgaar mein

har aankh ik savaal tahi-dast ke liye
kab tak marungaa mere khudaa baar baar main

kuchh vaqt apne saath guzaarungaa main 'zamir'
khud se agar milaa jo kabhi ku-e-yaar mein

kis se karun main apni tabaahi kaa ab gila
khud hi kamaan-ba-dast huun khud hi shikaar main

zanjir zulf-e-siyaah samundar nigaah-e-shokh
jaaun kahaan faraar kaa rasta koi to ho

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

gham hai na ab khushi hai na ummid hai na yaas
sab se najaat paae zamaane guzar gae

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

pyaaso raho na dasht mein baarish ke muntazir
maaro zamin pe paanv ki paani nikal paDe