bas main maayus hone vaalaa thaa — Zubair Ali Tabish

bichhaD kar bhi huun zinda rahne vaalaa
tu hotaa kaun hai ye kahne vaalaa

is dar kaa ho yaa us dar kaa har patthar patthar hai lekin
kuchh ne meraa sar phoDaa hain kuchh par main ne sar phoDaa hai

us ke khat raat bhar yuun paDhtaa huun
jaise kal imtihaan ho meraa

apnaa kangan samajh rahe ho kyaa
aur kitnaa ghumaaoge mujh ko

koi titli nishaane par nahin hai
main bas rangon kaa pichhaa kar rahaa huun

aaj to dil ke dard par hans kar
dard kaa dil dukhaa diyaa main ne

vo na aaegaa hamein maalum thaa is shaam bhi
intizaar us kaa magar kuchh soch kar karte rahe

gham hai na ab khushi hai na ummid hai na yaas
sab se najaat paae zamaane guzar gae

zamaana mujh se judaa ho gayaa zamaana huaa
rahaa hai ab to bichhaDne ko mujh se tu baaqi

tumhein fursat ho duniyaa se to ham se aa ke milnaa
hamaare paas fursat ke sivaa kyaa rah gayaa hai

shaahraahein dafatan shoale ugalne lag gaiin
ghar ki jaanib chal paDaa hai shahr gheraa kar tamaam

pyaaso raho na dasht mein baarish ke muntazir
maaro zamin pe paanv ki paani nikal paDe