aaj to dil ke dard par hans kar — Zubair Ali Tabish

bichhaD kar bhi huun zinda rahne vaalaa
tu hotaa kaun hai ye kahne vaalaa

is dar kaa ho yaa us dar kaa har patthar patthar hai lekin
kuchh ne meraa sar phoDaa hain kuchh par main ne sar phoDaa hai

us ke khat raat bhar yuun paDhtaa huun
jaise kal imtihaan ho meraa

apnaa kangan samajh rahe ho kyaa
aur kitnaa ghumaaoge mujh ko

koi titli nishaane par nahin hai
main bas rangon kaa pichhaa kar rahaa huun

bas main maayus hone vaalaa thaa
aur maulaa ne tujh ko bhej diyaa

gham hai na ab khushi hai na ummid hai na yaas
sab se najaat paae zamaane guzar gae

jab ki pahlu se yaar uThtaa hai
dard be-ikhtiyaar uThtaa hai

ishq udaasi ke paighaam to laataa rahtaa hai din raat
lekin ham ko khush rahne ki aadat bahut ziyaada hai

husn jalva dikhaa gayaa apnaa
ishq baiThaa rahaa udaas kahin

udaas aankhon se aansu nahin nikalte hain
ye motiyon ki tarah sipiyon mein palte hain

udaasiyon ko to aangan hi chaahiyein khaali
chhaton pe chaandni raaton kaa silsila rakhnaa