bechaini ke lamhe saansein patthar ki — Zulfiqar Naqvi

sadiyon ke baad hosh mein jo aa rahaa huun main
lagtaa hai pahle jurm ko dohraa rahaa huun main

ab zamin par qadam nahin Tikte
aasmaan par uqaab dekhaa hai

khinch li thi ik lakir-e-naa-rasaa khud darmiyaan
faasla-dar-faasla-dar-faasla honaa hi thaa

jab ki pahlu se yaar uThtaa hai
dard be-ikhtiyaar uThtaa hai

gham hai na ab khushi hai na ummid hai na yaas
sab se najaat paae zamaane guzar gae

ye aansu ponchh lijiye aur muskuraaiye
chaara nahin hai koi bhi rukhsat kiye baghair

main akelaa huun tu bhi tanhaa hai
ham bhi kitne hain be-sahaare dekh

sunti hai roz naghma-e-zanjir-e-aashiqaan
vo zulf bhi hai silsila-e-ahl-e-chisht mein

husn jalva dikhaa gayaa apnaa
ishq baiThaa rahaa udaas kahin