یہ جو بیدار دکھائی دیا ہوں آخری بار دکھائی دیا ہوں وہاں مشکل تھا سنائی دیتا شکر ہے یار دکھائی دیا ہوں آ حراست سے چھڑا ہجراں کو میں گرفتار دکھائی دیا ہوں پاؤں باندھے ہیں وفا سے جب نے تیز رفتار دکھائی دیا ہوں جھیل میں چاند گرا تھا اور میں جھیل کے پار دکھائی دیا ہوں مجھ پہ تصویر لگا دی گئی ہے کیا میں دیوار دکھائی دیا ہوں جانتا خود کو نہیں ہوں احمدؔ خود کو بیکار دکھائی دیا ہوں

ye jo bedaar dikhaai diyaa huun

40 views

غزل · Ghazal

چراغ طاق طلسمات میں دکھائی دیا پھر اس کے بعد میرے ہاتھ میں دکھائی دیا میں خوش ہوں کمرے میں پہلی دراڑ آنے سے چلو میں اپنے مضافات میں دکھائی دیا کئی چراغ بنا لوں گا توڑ کر سورج اگر کبھی یہ مجھے رات میں دکھائی دیا ہزار آنکھوں نے گھیرے میں لے لیا مجھ کو میں ایک شخص کے خدشات میں دکھائی دیا اک اور عشق مجھے کہہ رہا تھا آ احمدؔ اک اور ہجر مری گھات میں دکھائی دیا

charaagh taaq-e-tilismaat mein dikhaai diyaa

40 views

غزل · Ghazal

دانۂ گندم بیدار اٹھانے لگا ہوں خاک ہوں خاک کا آزار اٹھانے لگا ہوں کرۂ ہجر سے ہونا ہے نمودار مجھے میں ترے عشق کا انکار اٹھانے لگا ہوں لو نے سردار کیے رکھا ہے شب بھر تم کو اے چراغو میں یہ دستار اٹھانے لگا ہوں یہ کھلی جنگ ہے اور جنگ بھی ہے اپنے خلاف اس لیے اپنے طرف دار اٹھانے لگا ہوں ایک آواز مری نیند اڑا دیتی ہے ابن آدم ترے آثار اٹھانے لگا ہوں

daana-e-gandum-e-bedaar uThaane lagaa huun

40 views

غزل · Ghazal

تو زیادہ میں سے باہر نہیں آیا کرتا میں زیادہ کو میسر نہیں آیا کرتا میں ترا وقت ہوں اور روٹھ کے جانے لگا ہوں روک لے یار میں جا کر نہیں آیا کرتا اے پلٹ آنے کی خواہش یہ ذرا دھیان میں رکھ جنگ سے کوئی برابر نہیں آیا کرتا چند پیڑوں کو ہی مجنوں کی دعا ہوتی ہے سب درختوں پہ تو پتھر نہیں آیا کرتا اب مجاور بھی قلندر سے بڑے ہو گئے ہیں اب مزاروں پہ کبوتر نہیں آیا کرتا

tu ziyaada mein se baahar nahin aayaa kartaa

40 views

غزل · Ghazal

تمہارے ہجر کو کافی نہیں سمجھتا میں کسی ملال کو حتمی نہیں سمجھتا میں یہ اور بات کہ عاری ہے دل محبت سے یہ دکھ سوا ہے کہ عاری نہیں سمجھتا میں چلا ہے رات کے ہمراہ چھوڑ کر مجھ کو چراغ اس کو تو یاری نہیں سمجھتا میں میں انہماک سے اک انتظار جی رہا ہوں مگر یہ کام ضروری نہیں سمجھتا میں مری وفا ہے مرے منہ پہ ہاتھ رکھے ہوئے تو سوچتا ہے کہ کچھ بھی نہیں سمجھتا میں

tumhaare hijr ko kaafi nahin samajhtaa main

40 views

غزل · Ghazal

خواب یوں ہی نہیں ہوتے پورے جان و تن لگتے ہیں پورے پورے راس آئے گی محبت اس کو جس سے ہوتے نہیں وعدے پورے چھوڑ آئے ترے حصے کے دوست ہم نے منظر نہیں دیکھے پورے گفتگو ہوش ربا ہے اس کی اس کی باتیں ہیں صحیفے پورے ہجر اور رات تقابل میں ہیں اشک پورے کہ ستارے پورے یاد ہوں آدھا سا خود کو احمدؔ نقش آئینے میں کب تھے پورے

khvaab yuun hi nahin hote puure

40 views

See all 10 Ghazals →

Similar Poets