chaahiye hai mujhe inkaar-e-mohabbat mire dost — Ahmad Kamran

raas aaegi mohabbat us ko
jis se hote nahin vaade puure

ik pal kaa tavaqquf bhi giraan-baar hai tujh par
aur ham ki thake-haare masaafat se gurezaan

miri vafaa hai mire munh pe haath rakkhe hue
tu sochtaa hai ki kuchh bhi nahin samajhtaa main

chand peDon ko hi majnun ki duaa hoti hai
sab darakhton pe to patthar nahin aayaa kartaa

mujh pe tasvir lagaa di gai hai
kyaa main divaar dikhaai diyaa huun

tu ne ai ishq ye sochaa ki tiraa kyaa hogaa
tere sar se main agar haath uThaa letaa huun

bil-aakhir thak haar ke yaaro ham ne bhi taslim kiyaa
apni zaat se ishq hai sachchaa baaqi sab afsaane hain

shama bujh kar rah gai parvaana jal kar rah gayaa
yaadgaar-e-husn-o-ishq ik daagh dil par rah gayaa

na paak hogaa kabhi husn o ishq kaa jhagDaa
vo qissa hai ye ki jis kaa koi gavaah nahin

sabhi se jab mohabbat chaahte ho
mohabbat kyon nahin karte sabhi se

nahin vo sham-e-mohabbat rahi to phir 'aasim'
ye kis duaa se mire ghar mein raushni si hai

kin manzilon luTe hain mohabbat ke qaafile
insaan zamin pe aaj gharib-ul-vatan saa hai