tujh bin saari umr guzaari — Nasir Kazmi

kuchh yaadgaar-e-shahr-e-sitamgar hi le chalein
aae hain is gali mein to patthar hi le chalein

vo raat kaa be-navaa musaafir vo teraa shaair vo teraa 'naasir'
tiri gali tak to ham ne dekhaa thaa phir na jaane kidhar gayaa vo

akele ghar se puchhti hai be-kasi
tiraa diyaa jalaane vaale kyaa hue

girafta-dil hain bahut aaj tere divaane
khudaa kare koi tere sivaa na pahchaane

jurm-e-ummid ki sazaa hi de
mere haq mein bhi kuchh sunaa hi de

nae kapDe badal kar jaaun kahaan aur baal banaaun kis ke liye
vo shakhs to shahr hi chhoD gayaa main baahar jaaun kis ke liye

kam-umri mein sunet hain
mar jaate hain achchhe log

umr bhar kaun nibhaataa hai ta'alluq itnaa
ai miri jaan ke dushman tujhe allaah rakkhe

main tujh se saath bhi to umar bhar kaa chaahtaa thaa
so ab tujh se gilaa bhi umar bhar kaa ho gayaa hai

zindagi tu bhi hamein vaise hi ik roz guzaar
jis tarah ham tujhe barson se guzaare hue hain

is zindagi mein itni faraaghat kise nasib
itnaa na yaad aa ki tujhe bhuul jaaein ham

yuun mohabbat ko umr-bhar paDhnaa
zindagi imtihaan ho jaise