aaine se aankh laDi hai — Abul Khair Nashtar

"vo ahd-e-mukhlisaana ab kahaan hai laDakpan kaa zamaana ab kahaan hai vahi hai chaand taare bhi vahi hain mohabbat vaalihaana ab kahaan hai saraab-e-zindagi aankhon mein raushan nigaah-e-taairaana ab kahaan hai ayaan zulmat ke pahre basti basti vo azm-e-faatehaana ab kahaan hai tajassus mein hamaari umr guzri muhaajir kaa Thikaana ab kahaan hai sanad kaa zoam zehn-o-dil mein lekin shuur-e-aalimaana ab kahaan hai koi 'ghaalib' koi 'iqbaal' 'nashtar' vo mansab shaairaana ab kahaan hai"

"khudaa karim hai itnaa karam hi farmaae main us ko bhulnaa chaahun vo mujh ko yaad aae fazaa mein nuur havaaon mein us ki khushbu hai Thahar ai vaqt ki jaan-e-bahaar aa jaae vafaa khulus-o-mohabbat ki ye amaanat hai gham-e-hayaat ki surkhi jabin pe lahraae tumhaari chaah tarab-khez vaadiyon kaa safar hamaare saath hain mahrumiyon ke sarmaae giraa ke barq jalaayaa hai aashiyaan dil kaa tire labon pe tabassum kuchh aise lahraae kahaan misaal hai raushan jamaal ki 'nashtar' badan ko chhu ke jise chaandni bhi sharmaae"

"khauf-e-zulmat se larazti hai fazaa ab ke baras zahr mein Duub gai baad-e-sabaa ab ke baras chain saDkon pe mayassar na sukun hai ghar mein is tarah phaili hai dahshat ki vabaa ab ke baras dil ki aankhon ne haqaaeq se churaa liin nazrein oDh li fikr ne barfili ridaa ab ke baras paanv mein Daal di zanjir havaa-e-shab ne phir bhi aazaad hai mausam ki anaa ab ke baras main bhi guzraa huun junun-khez maraahil se magar phaaD kar pheink di vahshat ki qabaa ab ke baras kaise aaegaa yahaan koi parinda 'nashtar' karb-angez hai maujon ki sadaa ab ke baras"

"ye ahd kar ke nikalnaa bahut zaruri hai safar mein samt badalnaa bahut zaruri hai zamin ki kokh use baanjh kar gai varna chaman kaa phulnaa phalnaa bahut zaruri hai faqih-e-shahr ye zulmat pasandiyaan kab tak mizaaj-e-shahr badalnaa bahut zaruri hai ajiib log hain khud-kaar daaeron ke asiir hadon se un ki nikalnaa bahut zaruri hai shikasta azm ki divaar Dhah na jaae kahin qadam qadam pe sanbhalnaa bahut zaruri hai tamaam umr tajassus pe inkishaaf huaa khudaa ke hukm pe chalnaa bahut zaruri hai ye irtiqaai andheron kaa ahd hai 'nashtar' charaagh-e-fikr kaa jalnaa bahut zaruri hai"

"mujh ko khud se milaa de baabaa jivan paar lagaa de baabaa shahr-e-dil mein ghor andheraa man ki jot jalaa de baabaa dariyaa dariyaa pyaas kaa manzar amrit-ras chhalkaa de baabaa gum-sum chauraahe pe khaDaa huun apni raah dikhaa de baabaa main tujh ko likhne baiThaa huun apnaa ruup paDhaa de baabaa main bolun aavaaz ho teri dil se dil ko milaa de baabaa suraj chaand sitaaron jaise fikr-o-amal chamkaa de baabaa zakhm-e-dil ko jagaa de 'nashtar' vo fankaar banaa de baabaa"

"ab ke mausam kaa khvaab likh denaa Daali Daali gulaab likh denaa ham ne likkhaa hai chaand saa chehra tum use maahtaab likh denaa khud ko likhnaa ki paarsaa huun main mujh ko khaana-kharaab likh denaa zindagaani ke har varaq paDh kar roz-o-shab kaa hisaab likh denaa irtiqaai uruuj kaa haasil khaana khaana itaab likh denaa fikr-o-fan ke safar pe niklaa huun ai khudaa kaamyaab likh denaa jab bhi guzro saraab se 'nashtar' har qadam aab aab likh denaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"