SHAWORDS

aankh aur niind ke rishte mujhe vaapas kar de — Fay Seen Ejaz

Home›Fay Seen Ejaz›Ghazal
"aankh aur niind ke rishte mujhe vaapas kar de mere khvaabon ke jazire mujhe vaapas kar de tujh ko manzur nahin mujh ko hai ab bhi manzur meri qurbat mire bose mujhe vaapas kar de apne maathe ke chamakte hue suraj ki qasam meri aankhon ke savere mujhe vaapas kar de zindagi saaya-e-gesu se nikal kar chup hai meri zanjir ke halqe mujhe vaapas kar de na to parde hain, na gul-daan, na faanus koi ghar ke khush-rang saliqe mujhe vaapas kar de putliyaan hilti thiin jaapaan ki guDiyaa ki tarah khvaab aankhon ke dariche mujhe vaapas kar de ek makhluq ko jhuknaa thaa mire qadmon par mere mahkum farishte mujhe vaapas kar de meri qadrein mire maazi ki vo sachchi qadrein meri tahzib ke rishte mujhe vaapas kar de meraa chehra miri qaamat miri 'azmat ke nishaan meri taarikh ke safhe mujhe vaapas kar de bech dene pe bhi ghar lauT kar aa jaate the vo vafaadaar parinde mujhe vaapas kar de aa paDi aisi zarurat ki lahu pi jaaun ab mire khuun ke rishte mujhe vaapas kar de kis liye chhin rahaa hai tu mire ghar kaa sukun mere bachchon ke khilaune mujhe vaapas kar de kaun kahtaa hai ki jaane de miri laash ko ghar bas mire khuun ke kapDe mujhe vaapas kar de mil rahi hai mujhe naa-karda gunaahon ki sazaa mere maalik mire sajde mujhe vaapas kar de muntashir hain miri bheDein unhein yakjaa kar luun mere ruhaani vasile mujhe vaapas kar de laa idhar, saamne laa, TuuTi hui kashti ko main salaamat huun vo takhte mujhe vaapas kar de tu jinhein bech ke khush-haal nahin hotaa hai qissa-go aise latife mujhe vaapas kar de khel phir in ke binaa khel na rah paaegaa zid na kar taash ke patte mujhe vaapas kar de"
Urdu

آنکھ اور نیند کے رشتے مجھے واپس کر دے میرے خوابوں کے جزیرے مجھے واپس کر دے تجھ کو منظور نہیں مجھ کو ہے اب بھی منظور میری قربت مرے بوسے مجھے واپس کر دے اپنے ماتھے کے چمکتے ہوئے سورج کی قسم میری آنکھوں کے سویرے مجھے واپس کر دے زندگی سایۂ گیسو سے نکل کر چپ ہے میری زنجیر کے حلقے مجھے واپس کر دے نہ تو پردے ہیں، نہ گلدان، نہ فانوس کوئی گھر کے خوش رنگ سلیقے مجھے واپس کر دے پتلیاں ہلتی تھیں جاپان کی گڑیا کی طرح خواب آنکھوں کے دریچے مجھے واپس کر دے ایک مخلوق کو جھکنا تھا مرے قدموں پر میرے محکوم فرشتے مجھے واپس کر دے میری قدریں مرے ماضی کی وہ سچی قدریں میری تہذیب کے رشتے مجھے واپس کر دے میرا چہرہ مری قامت مری عظمت کے نشاں میری تاریخ کے صفحے مجھے واپس کر دے بیچ دینے پہ بھی گھر لوٹ کر آ جاتے تھے وہ وفادار پرندے مجھے واپس کر دے آ پڑی ایسی ضرورت کہ لہو پی جاؤں اب مرے خون کے رشتے مجھے واپس کر دے کس لئے چھین رہا ہے تو مرے گھر کا سکوں میرے بچوں کے کھلونے مجھے واپس کر دے کون کہتا ہے کہ جانے دے مری لاش کو گھر بس مرے خون کے کپڑے مجھے واپس کر دے مل رہی ہے مجھے ناکردہ گناہوں کی سزا میرے مالک مرے سجدے مجھے واپس کر دے منتشر ہیں مری بھیڑیں انہیں یکجا کر لوں میرے روحانی وسیلے مجھے واپس کر دے لا ادھر، سامنے لا، ٹوٹی ہوئی کشتی کو میں سلامت ہوں وہ تختے مجھے واپس کر دے تو جنہیں بیچ کے خوش حال نہیں ہوتا ہے قصہ گو ایسے لطیفے مجھے واپس کر دے کھیل پھر ان کے بنا کھیل نہ رہ پائے گا ضد نہ کر تاش کے پتے مجھے واپس کر دے

Hindi

आँख और नींद के रिश्ते मुझे वापस कर दे मेरे ख़्वाबों के जज़ीरे मुझे वापस कर दे तुझ को मंज़ूर नहीं मुझ को है अब भी मंज़ूर मेरी क़ुर्बत मिरे बोसे मुझे वापस कर दे अपने माथे के चमकते हुए सूरज की क़सम मेरी आँखों के सवेरे मुझे वापस कर दे ज़िंदगी साया-ए-गेसू से निकल कर चुप है मेरी ज़ंजीर के हल्क़े मुझे वापस कर दे न तो पर्दे हैं, न गुल-दान, न फ़ानूस कोई घर के ख़ुश-रंग सलीक़े मुझे वापस कर दे पुतलियाँ हिलती थीं जापान की गुड़िया की तरह ख़्वाब आँखों के दरीचे मुझे वापस कर दे एक मख़्लूक़ को झुकना था मिरे क़दमों पर मेरे महकूम फ़रिश्ते मुझे वापस कर दे मेरी क़द्रें मिरे माज़ी की वो सच्ची क़द्रें मेरी तहज़ीब के रिश्ते मुझे वापस कर दे मेरा चेहरा मिरी क़ामत मिरी 'अज़्मत के निशाँ मेरी तारीख़ के सफ़्हे मुझे वापस कर दे बेच देने पे भी घर लौट कर आ जाते थे वो वफ़ादार परिंदे मुझे वापस कर दे आ पड़ी ऐसी ज़रूरत कि लहू पी जाऊँ अब मिरे ख़ून के रिश्ते मुझे वापस कर दे किस लिए छीन रहा है तू मिरे घर का सुकूँ मेरे बच्चों के खिलौने मुझे वापस कर दे कौन कहता है कि जाने दे मिरी लाश को घर बस मिरे ख़ून के कपड़े मुझे वापस कर दे मिल रही है मुझे ना-कर्दा गुनाहों की सज़ा मेरे मालिक मिरे सज्दे मुझे वापस कर दे मुंतशिर हैं मिरी भेड़ें उन्हें यकजा कर लूँ मेरे रूहानी वसीले मुझे वापस कर दे ला इधर, सामने ला, टूटी हुई कश्ती को मैं सलामत हूँ वो तख़्ते मुझे वापस कर दे तू जिन्हें बेच के ख़ुश-हाल नहीं होता है क़िस्सा-गो ऐसे लतीफ़े मुझे वापस कर दे खेल फिर इन के बिना खेल न रह पाएगा ज़िद न कर ताश के पत्ते मुझे वापस कर दे

Fay Seen EjazFay Seen EjazZindagiMaaKhushiGul
aañkh aur niiñd ke rishte mujhe vāpas kar de
Fay Seen Ejaz
Fay Seen Ejaz
Fay Seen Ejaz
poet41 quotes

More by Fay Seen Ejaz

View all →
Quote
"baadal ki na be-naam navaazish ki taraf jaa is chhat se Tapakti hui baarish ki taraf jaa in honTon ki sukhi hui papDi ko nahin dekh honTon pe ubharti hui khvaahish ki taraf jaa ab tujh se bhi mujh ko koi ummid nahin hai beTe tu miri aakhiri khvaahish ki taraf jaa apne liye logon mein mohabbat ko nahin dekh tu apne khilaaf apni hi saazish ki taraf jaa ro-ro ke tire apne tujhe qatl kareinge jazbaat ki mat jhuTi numaaish ki taraf jaa jaa dekh tujhe kis tarah vo luuT rahaa hai ghaafil kabhi dushman ki rihaaish ki taraf jaa"
Fay Seen EjazFay Seen Ejaz
MaaMohabbat
Quote
"duniyaa tujh se chand bundon ki savaali kyon baadal teri jholi itni khaali kyon itni phiki itni hai be-rang bahaar har Tahni har Daali khaali khaali kyon ik din us ki chhaati par chaDh baiThaa main puchhaa kyon detaa hai maan ki gaali kyon jin ki lakiron par bhi haq nahin bantaa kuchh niind uDaaein vo aankhein matvaali kyon ishq mein ik minnat kaa dhaaga baandhaa thaa yaadein chhoD gai marqad ki jaali kyon apne chehre bhi hain ghair nigaahon mein duniyaa tu ne itni dekhi-bhaali kyon ek khanak sunni thi chaae ki pyaali ki tu ne ye naazuk farmaaish Taali kyon barf ke jaise saare sutun the shishe ke ham ne un par apni imaarat Dhaali kyon ik gungaa saa rishta qaaem kar baiThin khiDki se do aankhein bholi-bhaali kyon"
Fay Seen EjazFay Seen Ejaz
YaadMaa
Quote
"diyaa jalaa ke koi chaand par rakhaa hogaa usi ke saae mein vo ham ko DhunDhtaa hogaa koi to zid mein ye aa kar kabhi kahe ham se ye baat yuun nahin aise thi yuun huaa hogaa tumhaaraa ghar sar-e-mahtaab jo banaa Daale tumhaaraa beTaa nahin vo khudaa rahaa hogaa vo aankhein abr ki maanind ro rahi hongi vo ziina khvaab mein mahtaab par Tikaa hogaa ye kyaa zaruri hai aankhon mein der tak rahnaa khayaal aap hi tasvir ban gayaa hogaa sunahre pinjre ki apni hi haisiyat hogi parinda khush hai magar khuub chikhtaa hogaa kahaa hai ek nujumi ne tum miloge hamein zamin se chaand talak ek raasta hogaa khudaa kare ki bahut jald tum ko dekh aaein tumhaare ghar mein ab ik phuul khil uThaa hogaa"
Fay Seen EjazFay Seen Ejaz
MaaChaand
Quote
"us ki har baat ne jaadu saa kiyaa thaa pahle kitnaa dilchasp kahaani kaa khudaa thaa pahle khvaab-lamha tiri khushbu mein basaa thaa pahle be-khabar niind mein ik phuul khilaa thaa pahle koi taasir thi jo gham ko bhulaa deti thi tere andar koi fankaar chhupaa thaa pahle ye badan ab tujhe be-ruh khanDar lagtaa hai is haveli mein ik insaan jiyaa thaa pahle vaqt par maut ki lazzat bhi nahin de paayaa mujh ko vo aadmi hiiraa hi lagaa thaa pahle ik sweater ne baDhaa di thi javaani meri tum ne mere liye ik khvaab bunaa thaa pahle main jo kahtaa thaa vahi baat huaa karti thi mere ghar mein koi jaadu kaa diyaa thaa pahle kaise aataa hai dabe paanv gunaahon kaa khayaal kitni khaamoshi se darvaaza khulaa thaa pahle jo bhi chehra thaa vo apnaa saa lagaa kartaa thaa mai-kada raqs mein jab jhuum rahaa thaa pahle uTh gayaa hai to ab is shahr ko le Dubegaa vahi tufaan mire andar jo dabaa thaa pahle"
Fay Seen EjazFay Seen Ejaz
DilMaut
Quote
"baghair naqshe ke saare makaan lagte hain ye jitne ghar hain qazaa ki dukaan lagte hain kabhi to sach kabhi bilkul gumaan lagte hain nafis log hain jaadu-bayaan lagte hain ye Thekedaar 'imaarat ke ye zamin vaale gire jo ghar to bahut be-zabaan lagte hain main un mein aaj bhi bachpan talaash kartaa huun main khush nahin huun jo bachche javaan lagte hain vo meraa bhaai nahin par vo koi vaar sahe miri bhi piiTh pe niile nishaan lagte hain qarib aaein to chhoTaa saa qad nikaalte hain ye log duur se kitne mahaan lagte hain"
Fay Seen EjazFay Seen Ejaz
MaaBachpan
Quote
"sabhi yuun roeinge to meraa ronaa kaun dekhegaa sambhaalo dosto khud ko corona kaun dekhegaa idhar qahr-e-khudaavandi udhar aThkheliyaan un ki siyaasi logon kaa ye jaadu-Tonaa kaun dekhegaa hamesha ek hi manzar ye T-v band kar Daalo karoDon logon kaa ye ronaa-dhonaa kaun dekhegaa maqaam-e-khairiyat vo ho jahaan aa kar koi puchhe tu jis goshe mein rotaa hai vo konaa kaun dekhegaa are kam-bakht tu curfew mein bhi ghar nahin jaataa sahaafi teraa akhbaari bichhaunaa kaun dekhegaa agar qudrat na ho to kaam ye mumkin nahin hotaa ghazal mein aisi baaton kaa samonaa kaun dekhegaa hamein mahfuz rakhnaa tu zamaane ki balaaon se khudaa jab ham na honge teraa honaa kaun dekhegaa"
Fay Seen EjazFay Seen Ejaz
Maa

More on Zindagi

View all →
Quote
"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"
Farooque AdilFarooque Adil
ZindagiMaa
Quote
"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"
Ata AbidiAta Abidi
ZindagiMaa
Quote
"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"
Anees QalbAnees Qalb
ZindagiRaat
Quote
"zindagi dushvaar hogi ye kabhi sochaa na thaa vo bagule gham ke uTThe jin kaa andesha na thaa saamne tum aa gae ho to bataa duun jaan-e-jaan jaise dil dhaDkaa thaa ab ki vaise dil dhaDkaa na thaa ye iraada kar liyaa thaa ham na bichhDeinge kabhi TuTeinge ik pal mein rishte ye kabhi sochaa na thaa yaad-e-maazi miT rahi hai vaqt ki raftaar se ab tasavvur mein hamaare koi bhi chehra na thaa sakht hairat ho rahi hai dekh kar apnaa vajud dhuup mein the sab ke saaye par miraa saayaa na thaa shauq-e-manzil dekh meri dekh meraa hausla shahr-e-dil ke raaston mein main kabhi Thahraa na thaa 'qalb' ko sahraa-navardi raas kyaa aati bhalaa vo kabhi aavaargi mein dar-ba-dar bhaTkaa na thaa"
Anees QalbAnees Qalb
ZindagiYaad