adab se aari darinda-sifaat logon mein — Ejaaz Tawakkal

"ishq jo vaalihaana hotaa hai khud ko hi aazmaanaa hotaa hai sirf alfaaz hi nahin hote sher puuraa zamaana hotaa hai kashtiyaan aur log laate hain main ne dariyaa banaanaa hotaa hai mubtalaa be nishaan nahin hote un kaa apnaa gharaanaa hotaa hai log karte hain ishq ki baatein main ne karke dikhaanaa hotaa hai vasl tanhaa nahin hai us ke janaab hijr shaana-ba-shaana hotaa hai ham kisi ko payaam dete hain sher to ik bahaana hotaa hai main mizaajan faqir huun meraa har sukhan aajizaana hotaa hai"

"ye un se milti hai mubtalaa naiin havaa darakhton ki daashta naiin vafaa kaa sun kar malaal mat kar ye peshkash hai mutaalba naiin yaqin se ishq ho rahaa hai kisi ko fikri mughaalta naiin fasurda logon pe hansne vaalo ye bad-tamizi ki intihaa naiin nazar nazar se sukhan karegi ye lab-kushaai kaa marhala naiin main chal paDungaa kisi bhi lamhe thakaa huaa huun shikasta-paa naiin ye hijr hai apne saath rahnaa ye vaqt khud se gurez kaa naiin mujhe bahut dekhti hai duniyaa magar main duniyaa ko dekhtaa naiin"

"ho ke baarik mil rahi hai mujhe har khabar weak mil rahi hai mujhe khush bahut hain ham ek dusre se zindagi Thiik mil rahi hai mujhe phuul hai ishq kaa suhulat-kaar is se tahrik mil rahi hai mujhe mutmain huun ke saahabo har chiiz ghar ke nazdik mil rahi hai mujhe mah-vashon ko duaaein detaa huun husn ki bhiik mil rahi hai mujhe main tayaqqun ki khoj mein thaa miyaan aur tashkik mil rahi hai mujhe"

"maarne vaali umangon ki tarah hotaa hai ishq baarudi-surangon ki tarah hotaa hai raushni mujh pe bhi itnaa hi asar karti hai meraa jalnaa bhi patangon ki tarah hotaa hai baa'd mein aati hai tahzib-e-mohabbat saahib har koi pahle lafangon ki tarah hotaa hai us se bachnaa hi munaasib hai zaraa dhyaan rahe hijr saffaak nahangon ki tarah hotaa hai hai miri ishq ki dargaah se nisbat so miraa baiThnaa uThnaa malangon ki tarah hotaa hai ye hai jazbaati makinon kaa ilaaqa 'ejaaz' so yahaan amn bhi jangon ki tarah hotaa hai"

"darun-e-ishq ajab taanaa-baanaa bantaa hai zaraa si baat kaa kitnaa fasaana bantaa hai miyaan ye shaakh-e-mohabbat tumhaare saamne hai banaao us pe agar aashiyaana bantaa hai hamaare dard paDe hain chahaar samt yahaan so muskuraao yahaan muskuraanaa bantaa hai chhupaae phirtaa huun aankhon mein ashk ke moti ki jama karne se daulat khazaana bantaa hai ye dasht hai yahaan divaangi zaruri hai har ek shakhs junun kaa nishaana bantaa hai miri vafaaon ko ab eatibaar haasil hai so us ke ghar mein miraa aanaa-jaanaa bantaa hai tumhaare jaisi hai us ke mizaaj mein shokhi ye rang meri nazar mein uDaanaa bantaa hai use bataate hain 'ghaalib' ke rishta-daar hain ham hamaare saamne jo bhi 'yagaanaa' bantaa hai rahi hon paanch chhe pushtein darun-e-dasht tabhi mire aziiz junun kaa gharaanaa bantaa hai"

"ye bhi mumkin hai miyaan aankh bhigone lag jaaun vo kahe kaise ho tum aur main rone lag jaaun ai miri aankh mein Thahraae hue vasl ke khvaab mein tavaatur se tire saath na sone lag jaaun mujh ko har chiiz mayassar hai mohabbat mein so ab raaegaani main tire daagh na dhone lag jaaun itni khush-fahmi mein nuqsaan na ho jaae kahin main koi paai hui chiiz na khone lag jaaun jaa-ba-jaa bikhre hue hain mire khvaab aur khayaal main ye saamaan kahin aur na Dhone lag jaaun jhiil mein paanv utaare hain kisi ne 'ejaaz' kyon na ab main bhi yahaan haath Dubone lag jaaun"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"