banaate nahin hain jo kirdaar apne — Basir Tonki

"jahaan mein aise kuchh insaan bhi hain ki jin se sar-nigun tufaan bhi hain Dubo kar duur saahil par khaDe hain tamaashaa ban ke khud hairaan bhi hain bure kaamon kaa dete mashvara hain yahaan insaan-numaa shaitaan bhi hain khalaa mein taaqatein do hain muqaabil tabassum-rez kuchh tufaan bhi hain na parvaane jalaa ai sham'-e-mahfil adab kar ye tire mehmaan bhi hain ta'alluq un se ulfat mein hai mushkil ki vo bhule bhi hain anjaan bhi hain karam un ke ginaaun ab main kyaa kyaa jafaaon ke bahut 'unvaan bhi hain khudaa kaa fazl kyaa kam hai ye 'baasir' ki ab ham saahib-e-divaan bhi hain"

"khud apne fan mein jo kaamil nahin hai jahaan mein vo kisi qaabil nahin hai vahi nakhl-e-tamannaa kyon haraa ho ki jaD mohkam jise haasil nahin hai safina kyon hamaaraa Dagmagaae ki bach aane ko kyaa saahil nahin hai jo parda zehn-e-insaan par paDaa thaa vo parda uTh gayaa haail nahin hai ye ilm-o-fan ki duniyaa hai ai 'baasir' mukammal jo abhi haasil nahin hai"

"dil mein chhupaa ke dil mein liye jaa rahaa huun main yuun husn se nibaah kiye jaa rahaa huun main phulon ke saath hain mujhe sab khaar bhi 'aziz kitnaa hasin saath diye jaa rahaa huun main barq-e-jamaal se huaa kab koi faizyaab khud apne dil mein ghaur kiye jaa rahaa huun main rahmat hai khud panaah khudaa-e-karim ki rahmat ko apne saath liye jaa rahaa huun main fard-e-amal siyaah na karnaa gunaah se zaahid tujhe ye pand kiye jaa rahaa huun main vaqt-e-shabaab khuub hi 'baasir' guzar gayaa rukhsat hui javaani jie jaa rahaa huun main"

"rukh pe zulfon ki jo un ke ye ghaTaa chhaai hai ru-e-taabaan pe chamak aur ubhar aai hai kis ne raa'naai-e-jalve pe nazar Daali hai laaiq-e-did tiri raunaq-o-zebaai hai tu vo hasti to nahin hai ki bhulaa duun dil se mujh ko har dam shab-e-furqat tiri yaad aai hai raunaq-e-bazm tire dam hi se hai ai saaqi vaah kyaa khuub tiri anjuman-aaraai hai ye mahakti hui khushbu ye chaman ki raunaq aap ke dam se chaman mein ye bahaar aai hai khud vo aate bhi nahin mujh ko bulaate bhi nahin qaabil-e-did miraa ‘aalam-e-tanhaai hai dil lagaanaa bhi musibat hai kisi se 'baasir' ye haqiqat mire dil ne mujhe samjhaai hai"

"hain naadaan jo bhi insaan un ki naadaani nahin jaati vo laDte rahte hain aur khu-e-haivaani nahin jaati salaf ne jo banaae the vo aivaan miT nahin sakte khaDe hain sar uThaae shaan-e-aivaani nahin jaati jahaan mein nek khaslat nek niyyat jo bhi hote hain javaani mein bhi un ki paak-daamaani nahin jaati sitaaron se fazaa shab ko munavvar hoti rahti hai magar un mein jo poshida hai viraani nahin jaati takhayyul mein tasavvur mein vo mere paas hote hain nigaahon se zaraa un ki nigahbaani nahin jaati zamaane mein hamaaraa khuun bahut arzaan hai ai 'baasir' kisi surat hamaare khuun ki arzaani nahin jaati"

"fart-e-nashaat un ke gham-e-bekaraan mein hai ye daulat-e-hayaat dil-e-kaamraan mein hai aisaa hai kaun jis ko shaghaf husn se nahin jalvagari to husn ki kaun-o-makaan mein hai mahv-e-khiraam-e-naaz vo hon jis chaman mein bhi saari bahaar jaise usi gulsitaan mein hai karnaa zarur hai hamein raushan charaagh-e-rah taarikiyon kaa saath rah-e-kaarvaan mein hai rahmat khudaa ki ham pe barasti hai raat-din har dam khudaa kaa shukr zabaan-o-bayaan mein hai saare jahaan mein bhi mayassar kahin nahin jo raahat-o-sukun mire hindostaan mein hai qaid-e-gham-e-hayaat se 'baasir' mafar kahaan ye zindagi tamaam rah-e-imtihaan mein hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"