bekali se mujhe raahat hogi — Hasrat Mohani

"dard-e-dil ki unhein khabar na hui koi tadbir kaargar na hui koshishein ham ne kiin hazaar magar ishq mein ek mo'tabar na hui kar chuke ham ko be-gunaah shahid aap ki aankh phir bhi tar na hui naa-rasaa aah-e-aashiqaan vo kahaan duur un se jo be-asar na hui aai bujhne ko apni sham-e-hayaat shab-e-gham ki magar sahar na hui shab the ham garm-e-naala-haa-e-firaaq subh ik aah-e-sard sar na hui tum se kyunkar vo chhup sake 'hasrat' nigah-e-shauq parda dar na hui"

"taabaan jo nur-e-husn ba-simaa-e-ishq hai kis darja dil-pazir tamaashaa-e-ishq hai arbaab-e-hosh jitne hain bimaar-e-aql hain un ke liye zarur mudaavaa-e-ishq hai main kyaa huun ek zarra-e-sahraa-e-ishtiyaaq dil kyaa hai ek qatra-e-dariyaa-e-ishq hai shaah o gadaa kaa farq nahin ahd-e-husn mein ab jis ko dekhiye use daavaa-e-ishq hai zaahir hai be-qaraari-e-paiham se haal-e-dil bekaar ham ko daavaa-e-ikhfaa-e-ishq hai pinhaan hijaab-e-naaz mein hai surat-e-jamaal paidaa haruf-e-shauq se maanaa-e-ishq hai ai ahl-e-aql kyuun ho use fikr-e-naam-o-nang 'hasrat' kharaab-e-ishq hai rusvaa-e-ishq hai"

"husn-e-be-mehr ko parvaa-e-tamannaa kyaa ho jab ho aisaa to ilaaj-e-dil-e-shaidaa kyaa ho kasrat-e-husn ki ye shaan na dekhi na suni barq larzaan hai koi garm-e-tamaashaa kyaa ho be-misaali ke hain ye rang jo baa-vasf-e-hijaab be-naqaabi pe tiraa jalva-e-yaktaa kyaa ho dekhein ham bhi jo tire husn-e-dil-aaraa ki bahaar is mein nuqsaan tiraa ai gul-e-raa'naa kyaa ho ham gharaz-mand kahaan martaba-e-ishq kahaan ham ko samjhein vo havas-kaar to bejaa kyaa ho dil-farebi hai tiri baais-e-sad josh o kharosh haal ye ho to dil-e-zaar shakebaa kyaa ho raat din rahne lagi us sitam-ijaad ki yaad 'hasrat' ab dekhiye anjaam hamaaraa kyaa ho"

"phir bhi hai tum ko masihaai kaa daavaa dekho mujh ko dekho mire marne ki tamanna dekho ham na kahte the banaavaT hai ye saaraa ghussa hans ke lo phir vo unhon ne hamein dekhaa dekho ghar se har-vaqt nikal aate ho khole hue baal shaam dekho na miri jaan saveraa dekho mahfil-e-ghair mein be-parda tumhein dekh liyaa ab kabhi ham se khabar-daar na chhupnaa dekho khaana-e-jaan mein numudaar hai ik paikar-e-nur hasrato aao rukh-e-yaar kaa jalva dekho dil ko rangini-e-khvaahish ki khataa par aakhir milti hai us gul-e-raanaa se sazaa kyaa dekho saamne sab ke munaasib nahin ham par ye itaab sar se Dhal jaae na ghusse mein dupaTTa dekho mar-miTe ham to kabhi yaad bhi tum ne na kiyaa ab mohabbat kaa na karnaa kabhi daavaa dekho sar kahin baal kahin haath kahin paanv kahin un kaa sonaa bhi hai kis shaan kaa sonaa dekho ab vo shokhi se ye kahte hain sitamgar hain jo ham dil kisi aur se kuchh roz ko bahlaa dekho vaaizo munh mein tumhaare bhi bhar aae paani mai-e-rangin kaa jo saaghar se chhalaknaa dekho baat kyaa hai jo hue jaate ho tum yunhi khafaa mujh ko dekho na mire dil kaa dhDaknaa dekho jurm-e-nazzaara pe kaun itni khushaamad kartaa ab vo ruThe hain lo aur tamaashaa dekho masti-e-husn se apni bhi nahin tum ko khabar kyaa suno arz miri haal miraa kyaa dekho dosto tark-e-mohabbat ki nasihat hai fuzul aur na maano to dil-e-zaar ko samjhaa dekho havas-e-did miTi hai na miTegi 'hasrat' dekhne ke liye chaaho unhein jitnaa dekho"

"apnaa saa shauq auron mein laaein kahaan se ham ghabraa gae hain be-dili-e-hamrahaan se ham kuchh aisi duur bhi to nahin manzil-e-muraad lekin ye jab ki chhuT chalein kaarvaan se ham ai yaad-e-yaar dekh ki baa-vasf-e-ranj-e-hijr masrur hain tiri khalish-e-naa-tavaan se ham maalum sab hai puchhte ho phir bhi muddaaa ab tum se dil ki baat kahein kyaa zabaan se ham ai zohd-e-khushk teri hidaayat ke vaaste saughaat-e-ishq laae hain ku-e-butaan se ham betaabiyon se chhup na sakaa haal-e-aarzu aakhir bache na us nigah-e-bad-gumaan se ham piraana-sar bhi shauq ki himmat buland hai khvaahaan-e-kaam-e-jaan hain jo us naujavaan se ham maayus bhi to karte nahin tum za-raah-e-naaz tang aa gae hain kashmakash-e-imtihaan se ham khalvat banegi tere gham-e-jaan-navaaz ki leinge ye kaam apne dil-e-shaadmaan se ham hai intihaa-e-yaas bhi ik ibtidaa-e-shauq phir aa gae vahin pe chale the jahaan se ham 'hasrat' phir aur jaa ke karein kis ki bandagi achchhaa jo sar uThaaein bhi is aastaan se ham"

"har dil mein ik hujum-e-mohabbat hai aaj-kal us shokh ki kuchh aur hi hasrat hai aaj-kal ai sehr-e-husn-e-yaar main ab tujh se kyaa kahun dil kaa jo haal teri badaulat hai aaj-kal mastur kis hijaab mein hai vo jamaal-e-paak ahl-e-nazar ko jis se 'aqidat hai aaj-kal ik tarfa be-khudi kaa hai 'aalam ki 'ishq mein taklif aaj kal hai na raahat hai aaj-kal"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"ab tire lams ko yaad karne kaa ik silsila aur divaana-pan rah gayaa tu kahin kho gayaa aur pahlu mein teri shabaahat liye ik badan rah gayaa vo saraapaa tiraa vo tire khaal-o-khad meri yaadon mein sab muntashir ho gae lafz ki justuju mein laraztaa huaa nim-vaa saa faqat ik dahan rah gayaa harf ke harf se kyaa tazaadaat hain tu ne bhi kuchh kahaa main ne bhi kuchh kahaa tere pahlu mein duniyaa simaTti gai mere hisse mein harf-e-sukhan rah gayaa tere jaane se mujh par ye uqda khulaa rang-o-khushbu to bas teri miraas the ek hasrat saji rah gai gul-ba-gul ek maatam chaman-dar-chaman rah gayaa ek be-naam khvaahish ki paadaash mein teri palkein bhi baaham piro di gaiin ek vahshat ko sairaab karte hue mein bhi aankhon mein le kar thakan rah gayaa arsa-e-khvaab se vaqt maujud ke raaste mein ganvaa di gai guftugu ek israar ki bebasi rah gai ek inkaar kaa baankpan rah gayaa tu sitaaron ko apni jilau mein liye jaa rahaa thaa tujhe kyaa khabar kyaa huaa ik tamannaa dariche mein baiThi rahi ek bistar kahin be-shikan rah gayaa"

"saaqi tiraa jamaal bhi meri nazar mein hai main jaantaa huun nuur jo shams-o-qamar mein hai meraa lahu bahaa ke adu mutmain nahin ab meraa khaandaan bhi us ki nazar mein hai akhbaar dekhtaa hai vo hasrat ki aankh se qaari ki zindagi kisi achchhi khabar mein hai yunhi nahin hai shaam se aankhon mein iztiraab khushbu bataa rahi hai koi rahguzar mein hai maanjhi badal badal ke miri fikr thak gai lekin miraa safina abhi tak bhanvar mein hai chhuTkaaraa paa gae hain sabhi is khayaal se insaaniyat kaa dard faqat mere sar mein hai dariyaa ke do kinaare hain milte nahin kabhi 'muztar' azal se bair yahaan khair-o-shar mein hai"

"kyuun vasl mein bhi aankh milaai nahin jaati vo farq dilon kaa vo judaai nahin jaati kyaa dhuum bhi naalon se machaai nahin jaati soti hui taqdir jagaai nahin jaati kuchh shikva na karte na bigaDtaa vo shab-e-vasl ab ham se koi baat banaai nahin jaati dekho to zaraa khaak mein ham milte hain kyunkar ye nichi nigah ab bhi uThaai nahin jaati kahti hai shab-e-hijr bahut zinda rahoge maangaa karo tum maut abhi aai nahin jaati vo ham se mukaddar hain to ham un se mukaddar kah dete hain saaf apni safaai nahin jaati ham sulh bhi kar lein to chali jaati hai un mein baaham dil o dilbar ki laDaai nahin jaati khud dil mein chale aaoge jab qasd karoge ye raah bataane se bataai nahin jaati chhupti hai 'jalaal' aankhon mein kab hasrat-e-didaar sau parde agar hon to chhupaai nahin jaati"

"jaane vaalaa iztiraab-e-dil nahin ye taDap taskin ke qaabil nahin jaan de denaa to kuchh mushkil nahin jaan kaa khvaahaan magar ai dil nahin tujh se khush-chashm aur bhi dekhe magar ye nigah ye putliyaan ye til nahin rahte hain be-khud jo tere ishq mein vo bahut hoshyaar hain ghaafil nahin jo na siske vo tiraa kushta hai kab jo na taDpe vo tiraa bismil nahin hijr mein dam kaa nikalnaa hai muhaal aap aa niklein to kuchh mushkil nahin aaiye hasrat-bhare dil mein kabhi kyaa ye mahfil aap ki mahfil nahin ham to zaahid marte hain us khuld par jo bahishton mein tire shaamil nahin vo to vo tasvir bhi us ki 'jalaal' kahti hai tum baat ke qaabil nahin"

"abr uTThaa hai gire qatra-e-baaraan sir par guyyaan hushiyaar ki hai aish kaa saamaan sar par karte kyaa kyaa nahin vo ranj ke saamaan sar par rakhte laa laa hain buaa roz mughal jaan sar par ab na jaaeinge chhinaalon ki gali mein mirzaa qasmein khaate hain buaa rakhte hain quraan sar par hasrat-e-did hai jaan tan se na niklegi buaa kyon farishte hain liye maut kaa chaalaan sar par bigDe tevar hain ulajhte hain khafaa hote hain shaikh ji ke hai buaa aaj bhi shaitaan sar par saath ranDi ke chale mirzaa ji kis shaan ke saath dahnaa baghlon mein dabaae hue baayaan sar par chuTkiyaan saaf kahe deti hain dil ki ham se pir-o-murshid hai vahi aaj bhi shaitaan sar par ab farangi hain buaa takht pe ham baaj-guzaar kabhi rakhte the yahaan taaj musalmaan sar par"