dard dil mein muqim kis kaa hai — Ehsan Jafri

"apnon ne ujaaDaa hai chaman jaan gae hain pardon mein chhupaa kaun hai pahchaan gae hain tapti hui saDkon pe safar ham ne kiyaa hai ab barf jo dekhi hai to ausaan gae hain vishvaas ki girti hui divaar ke saae qadmon se kuchalte hue imaan gae hain maanaa ki diyaa us ne hamein rutba-e-aali jannat se nikaale bhi to insaan gae hain ghar apnaa samajh kar jo rahe farsh-e-zamin par rote hue duniyaa se vo mehmaan gae hain jo phuul ki khushbu ko chhupaane mein lage the naakaam mohabbat mein vo insaan gae hain un se to na thi koi hamein bughz-o-adaavat be-kaar si baaton ko buraa maan gae hain"

"tum achchhe masihaa ho davaa kyon nahin dete be-nur jo hai sham' bujhaa kyon nahin dete be-naam huun be-nang huun zaahir to hai tum par gar rabt nahin dil se bhulaa kyon nahin dete khushbu ki tarah phuul ki uThungaa chaman se tum phuul ko zulfon se giraa kyon nahin dete pahunchungaa kashaakash mein jahaan tum ne bulaayaa tum hashr ke maidaan se sadaa kyon nahin dete mahfil mein agar raunaq-e-mahfil hai koi aur ye baat bhi mahfil ko bataa kyon nahin dete ik buund si larzaan hai sar-e-chashm-e-tamannaa naayaab nahin aab giraa kyon nahin dete naa-karda gunaahon ki sazaa maut mili hai phir karda gunaahon ki sazaa kyon nahin dete zakhmon ko mire dil pe agar dekh liyaa hai daaman se vafaaon ki havaa kyon nahin dete dekhaa thaa kabhi ham ne mohabbat kaa janaaza baaqi hai agar kuchh to dikhaa kyon nahin dete har lamha hamaaraa hi fasaana hai zabaan par ham kuchh bhi nahin hain to bhulaa kyon nahin dete kar leinge har ik manzil-e-dushvaar ko sar ham ik jaam mohabbat kaa pilaa kyon nahin dete"

"zindagi ik aag hai vo aag jalnaa chaahiye be-hisi ik barf hai is ko pighalnaa chaahiye maut bhi hai zindagi aur maut se Darnaa fuzul maut se aankhein milaa kar muskuraanaa chaahiye valvale tufaan-o-aandhi barq-o-baaraan zalzale in nae saanchon mein ham ko aaj Dhalnaa chaahiye bhuuk bekaari ke shikve un se karnaa hai fuzul un ke aage taan kar siina nikalnaa chaahiye ne diyaa hai aur na deinge ye masaaib kaa javaab ab hamein taqdir apni khud badalnaa chaahiye ho gali kuche mein charchaa baat ye kaafi nahin dushmanon ke paanv ki dharti dahalnaa chaahiye"

"tere dar se uThe gham uThaate rahe bazm-e-khvaab-e-mohabbat sajaate rahe chalte chalte mile kitne dasht-e-junun giit ulfat ke ham to sunaate rahe khud to jehd-o-amal se gurezaan rahe naqsh-e-qismat magar vo bataate rahe yuun to taarik thi apni raah-e-safar khun-e-dil se diye ham jalaate rahe regzaaron mein husn-e-vafaa kaa sila yaar yaaron se nazrein churaate rahe"

"bataa manzil-e-shauq kyaa ho gayaa miri koshishon kaa sila kho gayaa havaadis ki aandhi hai zoron pe aaj miraa raahbar aaj kyon so gayaa na pand-o-nasihat na zauq-e-amal ye shaikh-o-barahman ko kyaa ho gayaa chaman se guzarti hai munh pher kar sabaa ki adaaon ko kyaa ho gayaa tiri dil-navaazi ki kyaa degaa daad palaT kar vo aayaa nahin jo gayaa"

"zindagi to qaid hai aur parda-e-mahfil mein hai aarzu husn-e-zamin ki gosha-e-ghaafil mein hai DhunDhtaa hai tu jise vo justuju meri bhi hai maqsad-e-ahl-e-nazar to ek hi manzil mein hai bandish-e-kaun-o-makaan parvaaz mein haail nahin haasil-e-jahd-o-amal to jazba-e-kaamil mein hai zulm ki taarikiyon ko jumbish-e-lab sail-e-nur bol ki hai vaqt teraa jo bhi tere dil mein hai jaan-fishaani os ki aur miTTi ki talab kyaa bujhegi pyaas lekin kuchh nami to dil mein hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"