dard-e-dil ki davaa na ho jaae — Jigar Jalandhari

"ho na kuchh baat magar shor machaae rakhnaa is tarah auron ko hamdard banaae rakhnaa tum agar chaahte ho sab tumhein hans hans ke milein apnaa gham apne hi siine mein chhupaae rakhnaa duur karnaa na kabhi jalvon ko mere dil se is chaman ko inhin phulon se sajaae rakhnaa is se pur-nur huaa meri tamannaa kaa diyaa rukh-e-raushan se yunhi parda uThaae rakhnaa ye hamaaraa hi kaleja hai ki tere gham ko dil ki maanind kaleje se lagaae rakhnaa ye adaa un ki masihaa bhi hai qaatil bhi hai saamne aa ke nigaahon ko jhukaae rakhnaa tum agar chaahte ho koi tamannaa na rahe haath har ek tamannaa se uThaae rakhnaa dar-e-mahbub pe har vaqt paDe rahnaa 'jigar' yaani us dar ko dar-e-kaaba banaae rakhnaa"

"kis kaa lab par mire fasaanaa hai hama-tan-gosh ik zamaana hai zindagi ek khvaab hai lekin is haqiqat ko kis ne jaanaa hai kis tarah gham ko chhoD duun yak-lakht is se rishta bahut puraanaa hai aur thoDi si kijiye taklif do qadam par gharib-khaana hai aap ko lauTne ki der hai bas umr-e-rafta ko lauT aanaa hai zindagi tujh se kyaa main pyaar karun chaal teri musaafiraana hai ru-ba-ru dil ke hai vo shokh-nazar barq ki zad mein aashiyaanaa hai hai tamannaa kisi se milne ki maut to ai 'jigar' bahaanaa hai"

"ik nihattaa aadmi tadbir se kyaa laDe taqdir ki shamshir se muskuraanaa zer-e-lab har vaqt hi koi sikhe aap ki tasvir se phuul se pesh aaiye narmi ke saath kaaTiye shamshir ko shamshir se dil mein teri yaad se hai raushni aankh raushan hai tiri tasvir se apne divaane ki betaabi kaa haal puchhiye TuuTi hui zanjir se"

"be-taabiyon mein ashkon mein naalon mein ghir gae yaa'ni ham apne chaahne vaalon mein ghir gae aayaa na khvaab mein bhi kabhi apnaa kuchh khayaal ham is qadar andheron ujaalon mein ghir gae sab ahl-e-zarf raah-e-'amal par hue ravaan kam-zarf idhar udhar ke khayaalon mein ghir gae un ke qadam na chuum sakin manzilein kabhi raahi jo apne paanv ke chhaalon mein ghir gae un ko khushi main un ki mohabbat mein qaid huun mujh ko khushi vo mere khayaalon mein ghir gae jin ko nasib ho na sakein dil ki mastiyaan vo bad-nasib mai ke piyaalon mein ghir gae ik pal bhi rah sake na akele ham ai 'jigar' nikle jo bhiiD se to khayaalon mein ghir gae"

"jab koi gham hi na ho ashk bahaaun kaise khud ko duniyaa ki adaakaari sikhaaun kaise teri har ek jhalak aur baDhaati hai talab aise mein pyaas nigaahon ki bujhaaun kaise khud-bakhud aankhon ke paimaane chhalak paDte hain shiddat-e-gham ko chhupaaun to chhupaaun kaise chaand-taaron se zaraa bhi tujhe taskin nahin zindagi ab main tiri maang sajaaun kaise jis ko aane ki tasavvur mein bhi fursat na mile haal-e-dil us ko sunaaun to sunaaun kaise bach ke duniyaa ki nigaahon se khataa kar to luun apni nazron se magar khud ko giraaun kaise aag ho to use paani se bujhaa bhi luun 'jigar' ye lagi dil ki hai main us ko bujhaaun kaise"

"zer-e-lab un kaa muskuraa denaa dil mein shahnaaiyaan bajaa denaa jaane vaale ye baat yaad rahe ham ko aasaan nahin bhulaa denaa kahin be-aasraa na kar de hamein is qadar teraa aasraa denaa ham ko rone ki to ijaazat do agar aataa nahin hansaa denaa ho ke naakaam naa-umid na hon tu mujhe itnaa hausla denaa laakh 'haatim' ho koi laakh karan kaun de saktaa hai tiraa denaa sau bahaaron ki hai bahaar 'jigar' un kaa rah rah ke muskuraa denaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"