dil-e-baadshaah ki khair ho — Amar Ruhani

"gahe sho'la gahe shabnam nami-daanam nami-daanam mizaaj-e-kaakul-e-barham nami-daanam nami-daanam nikhartaa hai barun jis se sanvartaa hai darun jis se subu hai yaa koi zamzam nami-daanam nami-daanam bulaati hai koi paael ki hai zanjir kaa naala ye jo aavaaz hai chham-chham nami-daanam nami-daanam ye siina ho gayaa hai is qadar makhmur tiron se kahaan ghaav kahaan marham nami-daanam nami-daanam mujhe laDnaa hai khud se aakhiri saanson ki mohlat tak rahegaa kab talak dam-kham nami-daanam nami-daanam khudi kaa raaz paa kar ho gayaa huun khud se naa-vaaqif che man hastam che man budam nami-daanam nami-daanam 'amar' ham tum zamin-o-aasmaan dariyaa ke do saahil mileinge hashr mein baaham nami-daanam nami-daanam"

"partav-e-'akkaas thaa vo main na thaa aainon ko raas thaa vo main na thaa meri parchhaain jise samjhe the log koi mere paas thaa vo main na thaa jo supurd-e-khaak kar aae ho tum haDDiyaan thiin maas thaa vo main na thaa kahkashaan par jis ke naqsh-e-paa mile vo miraa ehsaas thaa vo main na thaa kho gayaa huun apne qisse mein kahin zinat-e-qirtaas thaa vo main na thaa paa-barahna zindagi ki rah pe huun saahib-e-afraas thaa vo main na thaa"

"zabt ki Dor se bandhi hain faqat vo patangein hi kyon kaTi hain faqat 'ishq vo naar-e-jaavedaan jis mein jism ki lakDiyaan jali hain faqat zindagi ke muhib zindaan mein maut ki khiDkiyaan khuli hain faqat mubtalaa hain 'azaab mein aankhein tirgi mein hi dekhti hain faqat koi tajhiz hi nahin mumkin itni saansein hamein mili hain faqat jism-o-jaan ke nahif malbe mein chand yaadein tiri bachi hain faqat kyaa hai shaam-o-sahar kaa afsaana raushni tirgi mili hain faqat kaise taa'mir khaal-o-khad ho 'amar' chaak par gardishein dhari hain faqat"

"ahl-e-paimaan-o-qasam kaun hai ham jaante hain tere kaa'be kaa sanam kaun hai ham jaante hain ye khudaaon ki nahin jang hai insaanon ki maalik-e-dair-o-haram kaun hai ham jaante hain taaq mein rakkhe buton ne bhi ye sargoshi ki khaaliq-e-bud-o-adam kaun hai ham jaante hain ye mukaafaat-e-'amal hiila vasila bar-haq raaqim-e-lauh-o-qalam kaun hai ham jaante hain khud hi khul jaate hain alfaaz ke maa'ni jis par khugar-e-nutq-e-'ajam kaun hai ham jaante hain saaqiyaa kuchh bhi nahin rang bhare paani mein baada-khaane kaa bharam kaun hai ham jaante hain lazzat-e-tan hai giraan dil ki lataafat pe 'amar' chaara-e-dard-o-alam kaun hai ham jaante hain"

"naskh-o-nisyaan ban ke phail gai khaak insaan ban ke phail gai hasrat-e-shauq-e-did manzil par chashm-e-hairaan ban ke phail gai meri khaamoshi bazm-e-yaaraan mein ek e'laan ban ke phail gai khvaahishon ki kasak na jaane kab mujh mein sartaan ban ke phail gai ek zanjir chand harfon ki jaise zindaan ban ke phail gai had se guzri to tang-dasti miri saaz-o-saamaan ban ke phail gai shahr-e-hasti mein khu-e-gumnaami meri pahchaan ban ke phail gai har talab un ke aastaan pe 'amar' husn-e-imkaan ban ke phail gai"

"lahu se naqsh 'ibaarat na mere kaam aai in aansuon ki sifaarat na mere kaam aai miri lahad pe 'abas bojh kis ne Daal diyaa ye pattharon ki 'imaarat na mere kaam aai rahaa najis kaa najis hi ki mail thaa dil mein mire badan ki tahaarat na mere kaam aai vahaan pe chashm-e-basirat ne meraa saath diyaa jahaan pe chashm-e-basaarat na mere kaam aai main tishna-lab rahaa saaqi rahaa ki rind rahaa vo mai-kadon ki sadaarat na mere kaam aai ye hukm-e-yaar thaa fariyaad ho sar-e-mahfil so khaamushi ki jasaarat na mere kaam aai uThaa diyaa gayaa marne ke baa'd phir mujh ko sukut-e-dil ki sharaarat na mere kaam aai vo mutribaan-e-hayaat aise khush-gulu the 'amar' ajal ki koi bashaarat na mere kaam aai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"