dil miraa aaj mere paas nahin — Meer Hasan

"aankhon mein hain haqir jis-tis ke nazron se gir gae hain ham kis ke dil kaa hamdam ilaaj mat kar ab zakhm marham-pazir hain is ke kaun aataa hai aisaa hosh-rubaa sabr o taaqat yahaan se kyuun khiske dekhti hai ye kis ki aankhon ko kyuun khule hain ye chashm nargis ke bas kahin thak bhi aasiyaa-e-falak ho chuke surma ham to ab pis ke ji se rahte hain apne us pe nisaar dil se hote hain dost ham jis ke go nahin ab kabhi to ai pyaare ham bhi the yaar teri majlis ke tu to khush hai ki tere kuche mein ek taDpaa kare aur ik siske mar gae par bhi ye 'hasan' na munde muntazir chashm the tire kis ke"

"aankhon se khuun apne ye kahtaa nahin na jaae par saath us ke lipTaa huaa dil kahin na jaae itni to chaahiye tujhe paas-e-shikasta-dil jo aave tere yaan so vo andohgin na jaae sabr-o-qaraar-o-hosh-o-khirad sab ke sab ye jaaein par daagh-e-ishq siine se ai ham-nashin na jaae dair-o-haram mein jaa ke jo chaahe phir aa sake par aave jo gali mein tiri vo kahin na jaae ham girya-naak hain ye sadaa se hai aib-posh aankhon se duur apne kahin aastin na jaae hai paara-e-aqiq jigar dekhiyo kahin ai chashm tere haath se aisaa nagin na jaae nikle na jaan tan se 'hasan' ki to tab talak jab tak tu us ke sar pe dam-e-vaapsin na jaae"

"dariyaa mein Duub jaave ki yaa chaah mein paDe ai ishq par na koi tiri raah mein paDe mat puchh jaur-e-gham se dil-e-naa-tavaan kaa haal bijli to dekhi hogi kabhi kaah mein paDe ik dam bhi dekh saktaa nahin ham ko us ke paas khaak us falak ke dida-e-bad-khvaah mein paDe jo dosti ke naam se rakhtaa ho dushmani divaana ho jo us ki koi chaah mein paDe aa jaa kahin shitaab ki maanind-e-naqsh-e-paa takte hain raah teri sar-e-raah mein paDe jalve do-chand hovein shab-e-maah ke abhi us maah-ru kaa aks agar maah mein paDe sulge hai nim-sokhta jaise dhuein ke saath jalte hain yuun ham apni 'hasan' aah mein paDe"

"aaj dil be-qaraar hai kyaa hai dard hai intizaar hai kyaa hai jis se jaltaa hai dil jigar vo aah shoala hai yaa sharaar hai kyaa hai ye jo khaTke hai dil mein kaanTaa saa mizha hai nok-e-khaar hai kyaa hai chashm-e-bad-dur teri aankhon mein nashsha hai yaa khumaar hai kyaa hai mere hi naam se khudaa jaane nang hai us ko aar hai kyaa hai jis ne maaraa hai daam dil pe mire khat hai yaa zulf-e-yaar hai kyaa hai kyuun garebaan teraa aaj 'hasan' is tarah taar-taar hai kyaa hai"

"nigah se chashm se naaz-o-adaa se khudaa mahfuz rakkhe har balaa se kisi ki bevafaai se mujhe kyaa main apne kaam rakhtaa huun vafaa se bahut maangin duaaein haath uThaa kar na niklaa kaam kuchh aakhir duaa se mujhe Dar hai kahin rusvaa na ho tu jo main rusvaa huaa teri balaa se 'hasan' detaa hai tu kyuun ji buton par milaa deinge tujhe kyaa ye khudaa se"

"is Dar se main ne zulf ki us ki na baat ki jaati hai duur duur tak aavaaz raat ki dekhaa jab aankh khol ke misl-e-habaab tab maalum kaaenaat hui kaaenaat ki us bulbul-e-chaman ki hui aaqibat ba-khair saae mein jis ne aan ke gul ke vafaat ki main huun sifaat hi ke tahayyur mein ham-nashin kyaa baat mujh se puchhe hai tu us ki zaat ki dil apnaa us ko dijiye yaa ji ko khoiye is ke sivaa tarah nahin koi najaat ki bolaa agar to qand-e-mukarrar hue vo lab aur chup rahaa to ye bhi hai surat nabaat ki vaaqif ho kyuun na shola-e-aatish se dil ke vo rahti hai baaghbaan ko khabar phuul paat ki shah chaal ho rahaa huun sanam tere ishq mein tu ne dikhaa ke rukh miri baazi hi maat ki zulf-e-araq-fishaan tiri jaan-bakhsh kyuun na ho tarkib us ne paai hai aab-e-hayaat ki us sar se ghair sar nahin vaaqif koi gharaz lazzat bayaan mein aati nahin teri laat ki chuun zindagi-o-marg hain aapas mein zid 'hasan' chashm-o-lab us ki zid hai hayaat o mamaat ki"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"