duaa hamaari kabhi baa-asar nahin hoti — Danish Farahi

"sitam ke baa'd bhi baaqi karam ki aas to hai vafaa shi'aar nahin vo vafaa shanaas to hai vo dil ki baat zabaan se na kuchh kahein shaayad hamaare haal pe chehra magar udaas to hai ye dil-fareb banaaras ki subh kaa manzar avadh ki shaam-e-dil-aaraa hamaare paas to hai bharam rahegaa tire mai-kade kaa bhi saaqi balaa se khaali sahi haath mein gilaas to hai chale hi jaaein nigaahon se duur aap magar hasin yaadon ki daulat hamaare paas to hai kare bhale hi na rahmat ki mujh pe tu baarish tire karam ki mire dil mein ek aas to hai ye sach hai us ne bujhaai na tishnagi lekin hamaari tishna-dahaani kaa us ko paas to hai durust hai ki farishta-sifat nahin 'daanish' khudaa gavaah basirat ki us ko pyaas to hai"

"muztar vo ho gae jo paDi un ke kaan mein taasir kis qadar thi miri daastaan mein kyaa DhunDhtaa hai dard-e-mohabbat ki tu davaa milti nahin davaa ye kisi ki dukaan mein aayaa hai aaj un ke labon par tumhaaraa naam chupke se kah gai hai sabaa mere kaan mein nazrein phirin tumhaari to jaan hi nikal gai jab multafit hue to hai jaan aai jaan mein 'daanish' kiyaa hai main ne jo soz-e-darun kaa zikr chhaale se paD gae hain hamaari zabaan mein"

"kuchh apne daur ki bhi kahaani likhaa karo patthar ko mom khuun ko paani likhaa karo jiddat ki rau mein log kahaan se kahaan gae tum se bane to baat puraani likhaa karo vo ahd hai ki shola-fishaan bijliyon ko bhi ghazlon mein rang-o-nur ki raani likhaa karo lafzon ko apne asl maaani se aar hai ab doston ko dushman-e-jaani likhaa karo hai be-hison ki bhiiD na hogaa koi asar akhbaar mein hazaar giraani likhaa karo likhne ke vaaste koi unvaan chaahiye fariyaad-o-aah-o-ashk-fishaani likhaa karo shohrat ke khvaastgaaro miraa mashvara hai ye 'ghaalib' kaa apne aap ko saani likhaa karo 'daanish' zah-e-nasib mile zakhm-e-laala-rang har zakhm-e-dil ko un ki nishaani likhaa karo"

"hashr ik guzraa hai viraane pe ghar hone tak jaane kyaa biiti hai daane pe shajar hone tak hijr ki shab ye mire soz-e-darun kaa aalam jal ke main khaak na ho jaaun sahar hone tak ahl-e-dil rahte hain taa-zist vafaa ke paaband shama har rang mein jalti hai sahar hone tak be-qaraari kaa ye aalam hai sar-e-shaam hi jab dekhein kyaa hotaa hai is dil kaa sahar hone tak dekheinge hashr jafaaon kaa ham un ki 'daanish' rah gae zinda jo aahon ke asar hone tak"

"kis qadar iztiraab hai yaaro zindagi ik azaab hai yaaro dil miraa saaf aaine ki tarah ek saada kitaab hai yaaro main huun naakaam ishq mein lekin kyaa koi kaamyaab hai yaaro jab se dekhaa hai is ne hans ke mujhe dil ki haalat kharaab hai yaaro gham-e-jaanaan to raahat-e-dil hai fikr-e-duniyaa azaab hai yaaro us ne shaayad kiyaa hai yaad mujhe dil mein kyuun iztiraab hai yaaro puchhte kyaa ho us kaa naqsh-o-nigaar aap apnaa javaab hai yaaro sun sakungaa na daastaan-e-ishq ab kahaan mujh mein taab hai yaaro kyaa karegaa koi kharaab use jo azal se kharaab hai yaaro kuchh bataao ki aaj 'daanish' par kyuun sitam be-hisaab hai yaaro"

"dil thaa be-kaif mohabbat ki khataa se pahle lutf aisaa nahin aayaa thaa sazaa se pahle haae andaaz-e-mohabbat bhi 'ajab thaa un kaa kar rahe the vo jafaa mujh pe vafaa se pahle kis qadar teri du'aaon mein asar thaa ai dost ho gayaa huun main sehat-yaab davaa se pahle kyaa bataaun tujhe hamdam ki thaa abtar kitnaa haal meraa tire daaman ki havaa se pahle baat ye meri zaraa ghaur se sun lo 'daanish' kaam karnaa na koi naam-e-khudaa se pahle"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"