haq-paristaan-e-jahaan barsar-e-baatil Thahre — Anwar Ali Khan Soz

"pahle to lab pe harf-e-talab laa ke rah gae phir saadgi-e-shauq pe pachhtaa ke rah gae jaane nigaah-e-shauq ne kyaa un se kah diyaa vo aaj bazm-e-naaz mein sharmaa ke rah gae dekhi gai na hashr mein qaatil ki bebasi shikve miri zabaan tak aa aa ke rah gae honTon tak aa saki na du'aa tark-e-'ishq ki baa'd-e-namaaz haath hi phailaa ke rah gae parde harim-e-naaz ke uTh uTh ke gir gae jalve nigaah-e-shauq tak aa aa ke rah gae shokhi bhi thi karam bhi sharaarat bhi naaz bhi kyaa jaane kyaa nigaah se farmaa ke rah gae allah re dasht-e-shauq ki sabr-aazmaaiyaan do gaam saath 'aql-o-khirad jaa ke rah gae kyunkar payaam-e-shauq pahunchtaa ki naama-bar bas aastaan-e-yaar talak jaa ke rah gae dida-varaan-e-‘asr hain mahrum-e-husn-e-yaar yaa'ni fareb-e-husn-e-nazar khaa ke rah gae soz-e-navaa-e-‘soz’ kaa 'aalam na puchhiye dam-saaz matla'-haa-e-ghazal gaa ke rah gae"

"kuchh 'soz' ki haalat mat puchho sarmast-e-sharaab-e-'irfaan hai ifraat-e-junun ke 'aalam mein hai dast-e-junun aur daamaan hai donon se tujhe aagaah kiyaa ham farz se apne chhuT gae ab aage ai dil tu jaane ye saahil hai ye tufaan hai zindaan-e-khirad se aazaadi aasaan nahin aasaan nahin meri to bhalaa taaqat kyaa thi jo kuchh hai junun kaa ehsaan hai kyon aaj junun divaanon kaa afzun-tar hotaa jaataa hai shaayad ki ulaTne ko phir se ik baar naqaab-e-jaanaan hai"

"husn-parasti hazrat-e-naaseh aap ke bas ki baat nahin apnaa apnaa zarf-e-nazar hai 'ishq-o-havas ki baat nahin uf vo asiir rihaai jis ki bas mein nahin sayyaad ke bhi qaid-e-vafaa kaa zikr hai hamdam daam-o-qafas ki baat nahin qaafila-e-arbaab-e-junun mein chhoD ke manzil ham kyon aae vahshat dil ki majburi thi baang-e-jaras ki baat nahin rahm na kijiye sun to lijiye itnaa sitam bhi Thiik nahin ahl-e-vafaa kaa afsaana hai mor-o-magas ki baat nahin dil vaalon ki sargardaani gulshan mein bhaunron ki tarah khun-e-jigar kaa afsaana hai phuul ke ras ki baat nahin madhoshi ki jo bhi sazaa ho jaur-e-fuzun yaa hijr-e-davaam aap ke aage hosh mein rahnaa apne bas ki baat nahin ham pe sitam to Thiik hai yaa-rab un kaa dushman kyon hai jahaan laala-o-gul kaa haq hai chaman par khaar-o-khas ki baat nahin vaadi-e-aiman ban sakti hai sho'la-e-nai se bazm-e-tarab soz saraapaa ban jaataa hai soz-e-nafas ki baat nahin abr-e-karam kaa zikr na kijiye aatish-e-gham hai qismat-soz taa-dam-e-aakhir jalnaa hai do chaar baras ki baat nahin"

"faqat hamin ko nahin be-qaraar karte hain vo khud bhi jaagte hain intizaar karte hain kahin jo 'ishq mein miTne ki baat chalti hai hamaaraa zikr bhi vo baar baar karte hain kisi kaa husn nigaahon mein ab nahin jachtaa qasam khudaa ki faqat tum se pyaar karte hain unhein na tiir na talvaar ki zarurat hai vo dil pe apni nigaahon se vaar karte hain har ek baat se zaahir hai bevafaa ho magar har ek baat kaa ham e'tibaar karte hain tamaam din tire milne ki aas rahti hai tamaam raat tiraa intizaar karte hain sunaa hai yaad sataati hai jin ki 'soz' hamein vo yaad karte hain aur baar baar karte hain"

"kyaa baat kahi kyaa baat suni kuchh yaad nahin kuchh yaad bhi hai jab un se mile to kyaa guzri kuchh yaad nahin kuchh yaad bhi hai armaan hazaaron the dil mein maa'lum nahin nikle kyaa kyaa aur kaun si hasrat dil mein rahi kuchh yaad nahin kuchh yaad bhi hai kis kis pe huaa saaqi kaa karam kis kis ko milaa jiine kaa maza aur kis ke labon par aah rahi kuchh yaad nahin kuchh yaad bhi hai aankhon mein rahe kab tak aansu kab tak tasvir rahi un ki kis tarh se gham ki raat kaTi kuchh yaad nahin kuchh yaad bhi hai itnaa to pata hai dekhaa thaa ai soz kisi ne hans ke idhar kab raakh hue kab aag lagi kuchh yaad nahin kuchh yaad bhi hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"