har chand rahguzar thi dushvaar qaafiye ki — Basir Sultan Kazmi

"har-chand mere haal se vo be-khabar nahin lekin vo be-kali jo idhar hai udhar nahin aavaaz-e-raftagaan mujhe laati hai is taraf ye raasta agarche miri rahguzar nahin chamki thi ek barq si phulon ke aas-paas phir kyaa huaa chaman mein mujhe kuchh khabar nahin kuchh aur ho na ho chalo apnaa hi dil jale itnaa bhi apni aah mein lekin asar nahin aati nahin hai in se shanaasaai ki mahak ye mere apne shahr ke divaar-o-dar nahin 'baasir' jagaa diyaa hai tumhein kis ne aadhi raat is dasht mein to naam-o-nishaan-e-sahar nahin"

"kitnaa kaam kareinge ab aaraam kareinge tere diye hue dukh tere naam kareinge ahl-e-dard hi aakhir khushiyaan aam kareinge naukri chhoD ke 'baasir' apnaa kaam kareinge"

"baadal hai aur phuul khile hain sabhi taraf kahtaa hai dil ki aaj nikal jaa kisi taraf tevar bahut kharaab the sunte hain kal tire achchhaa huaa ki ham ne na dekhaa tiri taraf jab bhi mile ham un se unhon ne yahi kahaa bas aaj aane vaale the ham aap ki taraf ai dil ye dhaDkanein tiri maamul ki nahin lagtaa hai aa rahaa hai vo fitna isi taraf khush thaa ki chaar nekiyaan hain jama us ke paas nikle gunaah bisiyon ulTaa miri taraf 'baasir' adu se ham to yunhi bad-gumaan rahe thaa un kaa iltifaat kisi aur hi taraf"

"rahtaa hai itnaa paaon ke til kaa asar savaar sar par hai ghar pahunchte hi aglaa safar savaar main chikhtaa rahaa ki nahin khat ye mere naam lekin havaa ke ghoDe pe thaa naama-bar savaar miltaa nahin hai dasht-navardi mein ab vo lutf rahne lagaa hai zehn pe ghar is qadar savaar kis chiiz ki na-jaane zarurat kahaan paDe kar luun na apne saath savaari mein ghar savaar raakib ko ek baar giraa de jo rakhsh-e-umr mumkin nahin vo is pe ho baar-e-digar savaar ye ishq kaa nasha to utartaa nahin kabhi 'baasir' yunhi rahegaa ye aasaab par savaar"

"qaraar paate hain aakhir ham apni apni jagah ziyaada rah nahin saktaa koi kisi ki jagah banaani paDti hai har shakhs ko jagah apni mile agarche ba-zaahir bani-banaai jagah hain apni apni jagah mutmain jahaan sab log tasavvuraat mein mere hai ek aisi jagah gilaa bhi tujh se bahut hai magar mohabbat bhi vo baat apni jagah hai ye baat apni jagah kiye hue hai faraamosh tu jise 'baasir' vahi hai asl mein teraa maqaam teri jagah"

"kitni hi be-zarar sahi teri kharaabiyaan 'baasir' kharaabiyaan to hain phir bhi kharaabiyaan haalat jagah badalne se badli nahin miri hoti hain har jagah ki kuchh apni kharaabiyaan tu chaahtaa hai apni nai khubiyon ki daad mujh ko aziiz teri puraani kharaabiyaan junhi taalluqaat kisi se hue kharaab saare jahaan ki us mein mileingi kharaabiyaan sarkaar kaa hai apnaa hi meaar-e-intikhaab yaaro kahaan ki khubiyaan kaisi kharaabiyaan aadam khataa kaa putlaa hai gar maan lein ye baat nikleingi is kharaabi se kitni kharaabiyaan un hastiyon ki raah pe dekheinge chal ke ham jin mein na thiin kisi bhi tarah ki kharaabiyaan boeinge apne baagh mein sab khubiyon ke biij jaD se ukhaaD pheinkeinge saari kharaabiyaan 'baasir' kei shakhsiyat bhi ajab hai ki is mein hain kuchh khubiyaan kharaab kuchh achchhi kharaabiyaan"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"