hue aaj buDhe javaani mein kyaa the — Mirza Mohammad Taqi Hawas

"main kahaa bolnaa shab ghair se thaa tum ko kyaa muskuraa kahne lagaa shauq miraa tum ko kyaa jo kahaa main ki bure taur nikaale tum ne pher kar munh ko lagaa kahne bhalaa tum ko kyaa shikva us but ke jafaa kaa jo kiyaa main to kahaa tum to duniyaa mein ho ik ahl-e-vafaa tum ko kyaa dard-e-sar dushmanon ke un ke huaa raat so main juun hi ghabraa ke ye puchhaa to kahaa tum ko kyaa taan kar munh pe dupaTTa ba-dam-e-sard kahaa tum lage puchhne kyuun haal miraa tum ko kyaa har ghaDi tum jo malaamat mujhe karte ho 'havas' aap main daam-e-mohabbat mein phansaa tum ko kyaa"

"main na samjhaa bulbul be-baal-o-par ne kyaa kahaa gosh-e-gul mein qaasid-e-baad-e-sahar ne kyaa kahaa nazaa ke dam bhi zi-bas lailaa ko maane thaa hijaab chupke chupke roi aur us nauhagar ne kyaa kahaa tere vahshi se abas tujh ko khafaa karte hain log sab ye baatein jhuTh thiin us be-khabar ne kyaa kahaa sainkaDon ranginiyaan paidaa kiin us ne vaqt-e-qasd khun-e-majnun se zabaan-e-neshtar ne kyaa kahaa naama-bar ko gaaliyaan diin us ne sun kar meraa naam munh ko taktaa rah gayaa aur naama-bar ne kyaa kahaa ho gayaa us ko pahan kar aur bhi maghrur vo kaan mein us shokh ke silk-e-guhar ne kyaa kahaa joDnaa un kaa nihaayat ai 'havas' dushvaar thaa dil ke TukDe dekh mere shishagar ne kyaa kahaa"

"shauq-e-kharaash-e-khaar mire dil mein rah gayaa paa-e-talaash pahli hi manzil mein rah gayaa main zamzama-saraa to chaman se gayaa vale afsaana ik giroh-e-anaadil mein rah gayaa zanjir-e-mauj paanv mein aa kar lipaT gai tufaaniyon kaa dhyaan hi saahil mein rah gayaa tasvir us ki kaise khinchi maani-e-khayaal hairaan jis ki shakl-o-shamaail mein rah gayaa kaam apnaa to tamaam kiyaa yaas ne 'havas' ji ishtiyaaq-e-khanjar-e-qaatil mein rah gayaa"

"kyaa mazaa ho jo kisi se tujhe ulfat ho jaae ji kuDhe fikr rahe meri si haalat ho jaae teraa bimaar dam-e-naza ye maange thaa duaa dekh luun phir use gar thoDi si mohlat ho jaae jaaiyo mat tu sabaa baagh se zindaan ki taraf mujh ko Dar hai na asiron pe qayaamat ho jaae ai dil ik din tu guzar kar taraf-e-ahl-e-qubur taa-ki dekhe se unhon ke tujhe ibrat ho jaae dekh tasvir ko majnun ki 'havas' rashk na kar chaahiye ishq mein teri bhi ye surat ho jaae"

"muzhda ye sabaa us but-e-be-baak ko pahunchaa ye dud-e-dil-e-sokhta aflaak ko pahunchaa paighaam zabaani to nasibon mein kahaan thaa naama bhi na teraa tire ghamnaak ko pahunchaa sad-chaak kiyaa pairhan-e-gul ko sabaa ne jab vo na tiri khubi-e-poshaak ko pahunchaa sahraa mein 'havas' khaar-e-mughilaan ki madad se baare miraa khuun har khas-o-khaashaak ko pahunchaa"

"be-vajh nahin gard pareshaan pas-e-mahmil aataa hai koi be-sar-o-saamaan pas-e-mahmil az-bas kashish-e-ishq se aagaah thi lailaa thi dekhti vo fitna-e-dauraan pas-e-mahmil kis sokhta ki khaak se uTThaa hai bagulaa ik shoala-e-javvaala hai pechaan pas-e-mahmil fikr-e-qadam-e-naaqa huaa qais ko paidaa dekhaa jo hain sahraa-e-mughilaan pas-e-mahmil ai naaqa-kash itni bhi na tu tez-ravi kar majnun zi-khud-o-rafta hai naalaan pas-e-mahmil shaayad main use dekhun 'havas' baa-lab-e-khandaan jaataa huun is ummid pe giryaan pas-e-mahmil"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"kaam liyaa jab lafzon hi se khud ko bas naakaam kiyaa baat asar-andaaz hui jab she'ron ko paighaam kiyaa ye kaise saari duniyaa mein aaj bahut mashhur ho tum vaise to saari duniyaa ne tum ko bahut gumnaam kiyaa yak-rangi se 'aajiz aa kar rangaa-rangi ki khaatir jo mujh ko raas aayaa thaa us nilam ko nilaam kiyaa aksar tanhaai mein mujh ko yaad aa jaataa hai vo sab haan aaghaaz se pahle hi jis ko main ne anjaam kiyaa khaamoshi pas fan hai khudaa kaa sikhaa ham ne bhi lekin har-su roz machaayaa tahalka yaa paidaa kohraam kiyaa vaqt ke saath aur aap ke haathon qadrein kitni badli hain ek ilzaam se kitnaa kam hai haasil jo in'aam kiyaa kahiye husn aur 'ishq ko de kar apne dil ke khuun kaa lams kis ne use gul-rang kiyaa phir kis ne use gulfaam kiyaa ab kaa fasaad aaraam se guzre is koshish mein us ne to qashqa khinchaa dair mein baiThaa kab kaa tark islaam kiyaa"

"log kahte hain ki qaatil ko masihaa kahiye kaise mumkin hai andheron ko ujaalaa kahiye chehre paDhnaa to sabhi siikh gae hain lekin kaisi tahzib hai apnon ko paraayaa kahiye jaane pahchaane hue chehre nazar aate hain vaqt qaatil hai yahaan kis ko masihaa kahiye aap jis peD ke saae mein khaDe hain is ko sehn-e-gulshan nahin jaltaa huaa sahraa kahiye sab ke chehron pe hain akhlaaq-o-muravvat ke naqaab kis ko apnaa yahaan aur kis ko paraayaa kahiye shab ke maathe pe koi saaya numudaar huaa us ko ab pyaar ke aangan kaa saveraa kahiye zahr-e-tanhaai-e-gham pi ke mohabbat mein 'khayaal' kis tarah maut ko jiine kaa sahaaraa kahiye"

"vo dost thaa to usi ko adu bhi honaa thaa lahu pahan ke mujhe surkh-ru bhi honaa thaa sunahri haath mein taaza lahu ki fasl na di ki apne haq ke liye jang-ju bhi honaa thaa bagula ban ke samundar mein khaak uDaanaa thi ki lahar lahar mujhe tund-khu bhi honaa thaa mire hi harf dikhaate the meri shakl mujhe ye ishtihaar mire ru-ba-ru bhi honaa thaa kashish thi phuul si is mein to laa-muhaala mujhe asir-e-rang giraftaar-e-bu bhi honaa thaa sazaa to milnaa thi mujh ko barahna lafzon ki zabaan ke saath labon ko rafu bhi honaa thaa safar kaa bojh uThaane se peshtar 'saajid' mizaaj-daan-e-rah-e-justuju bhi honaa thaa"

"ab tire lams ko yaad karne kaa ik silsila aur divaana-pan rah gayaa tu kahin kho gayaa aur pahlu mein teri shabaahat liye ik badan rah gayaa vo saraapaa tiraa vo tire khaal-o-khad meri yaadon mein sab muntashir ho gae lafz ki justuju mein laraztaa huaa nim-vaa saa faqat ik dahan rah gayaa harf ke harf se kyaa tazaadaat hain tu ne bhi kuchh kahaa main ne bhi kuchh kahaa tere pahlu mein duniyaa simaTti gai mere hisse mein harf-e-sukhan rah gayaa tere jaane se mujh par ye uqda khulaa rang-o-khushbu to bas teri miraas the ek hasrat saji rah gai gul-ba-gul ek maatam chaman-dar-chaman rah gayaa ek be-naam khvaahish ki paadaash mein teri palkein bhi baaham piro di gaiin ek vahshat ko sairaab karte hue mein bhi aankhon mein le kar thakan rah gayaa arsa-e-khvaab se vaqt maujud ke raaste mein ganvaa di gai guftugu ek israar ki bebasi rah gai ek inkaar kaa baankpan rah gayaa tu sitaaron ko apni jilau mein liye jaa rahaa thaa tujhe kyaa khabar kyaa huaa ik tamannaa dariche mein baiThi rahi ek bistar kahin be-shikan rah gayaa"