husn-e-imkaan rang-e-rukh rang-e-badan zad par rahaa — Fareed Parbati

"har khvaab yaad rakhne kaa paidaa sabab karein jo aaj tak na kar sake vo kaam ab karein hone lagaa yahaan pe balaaon kaa phir nuzul ab kuchh na kar sakeinge chalo zikr-e-rab karein jugnu-misaal khud ko jalaaeinge raat bhar maa'mur is tariqe se vo tira-shab karein ham ne to us kaa saath nibhaayaa hai der tak ab us se duur jaane kaa kaar-e-ajab karein sab jiit par manaate hain aksar yahaan pe jashn ham kyon bapaa na haar pe jashn-e-tarab karein aasuda jism-o-jaan hon kabhi shahr-e-sang mein vaa is umiid par na yahaan chashm-o-lab karein lahron ke saath aane lagi ret pai-ba-pai kab tak daraaz ham yunhi dast-e-talab karein dhundlaa gayaa hai izz-o-sharaf kaa har ek naqsh ab kis umiid par yahaan fikr-e-nasab karein"

"ye ziist karne ki nikli sabil raaton-raat main khud se hone lagaa huun tavil raaton-raat vo meri ruuh ko phir bhi na kar sakaa aazaad jo Dhaa ke niklaa badan ki fasil raaton-raat diyaa hai jaagte taaron ne be-mahaar saa karb banaa gae hain mujhe khud-kafil raaton-raat main baar baar yahaan zad pe chaDhtaa rahtaa huun chaDhaai karte hain ashaab-e-fil raaton-raat saron ko tasht mein le kar sahar hai aane ki yahaan se bhaag ai ibnus-sabil raaton-raat main apne aap ko jal-baas karne vaalaa thaa mire makaan mein ugaa rud-e-nil raaton-raat tuyur naachte the jin ki shaakh shaakh pe kal barahna ho gae vo sab nakhil raaton-raat"

"kar rahe hain aap apni justuju main aur havaa ek-jaa ho jaaeinge shaayad kabhu main aur havaa aaegi fursat mayassar donon ko shaayad kabhi kar hi leinge der tak phir guftugu main aur havaa bhar gai hai dhund zehnon mein dayaar-e-ghair ki be-sabab phirte nahin hain ku-baku main aur havaa ek saa rahtaa kahaan hai meraa aur us kaa mizaaj hain mulaaem aur kabhi hain tund-khud main aur havaa kyaa bataaun kis tarah sinchi hai ham ne shaakh-shaakh pesh aksar kar gae apnaa lahu main aur havaa jaa-ba-jaa sargoshiyaan karne lagin parchhaaiyaan ghar se baahar jab kabhi nikle hain tu main aur havaa dil laraz uThtaa hai aksar is gumaan par be-tarah pesh ho jaaeinge ik din ru-ba-ru main aur havaa be-khabar apne se ho kar laaeinge apni khabar is tarah se tai kareinge dasht-e-hu main aur havaa baanT kar aapas mein kuche aur galiyaan shahr ki toD deinge nafraton kaa har subu main aur havaa sochtaa huun der se laa-haasili ki ret par karte hain har khvaab kyon nazr-e-numu main aur havaa infiraadi soch ham ko kar gai tanhaa 'farid' ho gae begaana-e-har-rang-o-bu main aur havaa"

"khvaab hain saare nae aankh puraani meri hai tazaadaat se bharpur kahaani meri tujh se main kahtaa na thaa andhi havaa se bachnaa sun ke bhi ek yahi baat na maani meri khaa gayaa karb-e-zamaana mire lahje kaa vaqaar aam thi varna yahaan shoala-bayaani meri ufuq-e-dil pe ye bujhtaa huaa rangon kaa hujum maangtaa rahtaa mujhi se hai nishaani meri din kaa har zakhm main raaton ko ginaa kartaa huun din hai be-kaif miraa raat suhaani meri miThe chashmon se jo guzroge yaqin hai mujh ko yaad aaegi bahut tishna-dahaani meri phailnaa hai miri fitrat mein ki huun mauja-e-gul raaegaan jaaegi kab khu-e-ravaani meri"

"kisi pe karnaa nahin e'tibaar meri tarah luTaa ke baiThoge sabr o qaraar meri tarah abhi to hoti hain sargoshiyaan pas-e-divaar abhi na karnaa sitaare shumaar meri tarah bagula ban ke uDaa khvaahishon ke sahraa mein Thahar gayaa to faqat thaa ghubaar meri tarah unhin ke saayon mein ab sar jhukaa ke chaltaa hai ugaa gayaa thaa jo sarv o khayaar meri tarah"

"shauq-e-khvaabida vo bedaar bhi kar detaa hai havas-e-zist se sarshaar bhi kar detaa hai husn-e-be-daagh ki bas ek jhalak dikhlaa kar vaaqif-e-lazzat-e-takraar bhi kar detaa hai pahle vo Daaltaa hai aag ke dariyaaon mein phir usi aag ko gulzaar bhi kar detaa hai raat bhar kartaa hai vo din ke nikalne ki duaa subh-dam raushni mismaar bhi kar detaa hai qissa-e-afv-o-guzaarish ke tasalsul ke liye be-khataaon ko khataa-kaar bhi kar detaa hai khud hi rakhtaa hai diye tez havaa ki zad par aur aandhi se khabar-daar bhi kar detaa hai kabhi sikhlaataa hai vo sulh-o-safaai ke hunar kabhi khud barsar-e-paikaar bhi kar detaa hai kabhi kartaa hai nichhaavar miri raahon mein phuul vaqt mil jaae to pur-khaar bhi kar detaa hai inkisaari ke sabhi raaz bataa kar mujh ko yak-ba-yak maail-e-pindaar bhi kar detaa hai pahle kartaa hai vo aamaada gunaahon pe 'farid' phir us ik baat kaa izhaar bhi kar detaa hai"

"taavil-e-ahd-e-fan hi to vahshat kaa hal nahin pesh-e-nazar junun hai yaaro ghazal nahin ab is ke baad ahd ki taarik raat hai ye ikhtitaam-e-shaam hai subh-e-azal nahin ai dost ishq mansab-e-fahm-o-shuur hai ye irtiqaa hai zehn kaa koi khalal nahin ik umr ratjagon ki aziyyat mein kaaT di ab mere khvaab niind kaa radd-e-amal nahin kyaa kyaa ataa-e-neamat-e-rabb-e-karim hai lekin 'samir' dard kaa nemul-badal nahin"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"bahut shaadaab ho lekin bayaabaani nahin jaati ki baam-e-auj chhune se bhi arzaani nahin jaati kai chehron ne aavaazon ne dil aabaad rakkhaa hai magar aankhon mein raqsaan hai jo viraani nahin jaati mujhe apni numu ke vaaste tum se bichhaDnaa hai tumhaare saath rahne se tan-aasaani nahin jaati main is dil ki sabhi sachchaaiyaan taslim kartaa huun magar ik baat aisi bhi hai jo maani nahin jaati hujum-e-shor-o-ghul mein kaun thaa kis ne pukaaraa thaa yahaan to apni bhi aavaaz pahchaani nahin jaati 'samir' is ishq mein insaan kyaa itnaa badaltaa hai main khud par ghaur kartaa huun to hairaani nahin jaati"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"kis ajab saaat-e-naayaab mein aayaa huaa huun tujh se milne main tire khvaab mein aayaa huaa huun phir vahi main huun, vahi hijr kaa dariyaa-e-amiq koi dam aks-e-sar-e-aab mein aayaa huaa huun kaise aaine ke maanind chamaktaa huaa main ishq ke shahr-e-abad-taab mein aayaa huaa huun meri har taan hai az-roz-e-azal taa-ba-abad ek sur ke liye mizraab mein aayaa huaa huun koi parchhaain kabhi jism se karti hai kalaam? be-sabab saaya-e-mahtaab mein aayaa huaa huun har guzarte hue lamhe mein Tapaktaa huaa mein dard huun, vaqt ke aasaab mein aayaa huaa huun kaisi gahraai se niklaa huun adam ki 'irfaan' kaise paayaab se taalaab mein aayaa huaa huun"

"hijaab vaalon se vo be-hijaab ho na sakaa vo saamne thaa magar be-naqaab ho na sakaa vajud-e-khaak kaa insaan khitaab ho na sakaa ye zarra ghair-e-karam aaftaab ho na sakaa karam vo tuur pe ik be-niyaaz-e-jalva par vo be-niyaazi thi jis kaa javaab ho na sakaa uThaa ke parda chhupaa kasrat-e-tajalli mein vo be-naqaab huaa be-naqaab ho na sakaa tamaam umr rahe dekhte hayaat ke khvaab hamaari aankhon mein ye khvaab khvaab ho na sakaa rahi fareb-e-tasavvur ye raftani duniyaa saraab jaise kabhi ju-e-aab ho na sakaa zamir zaahir-o-baatin se ho gayaa aagaah kharaab baada-e-irfaan kharaab ho na sakaa mire karim ne bakhshaa isi bahaane se mire gunaahon kaa jab kuchh hisaab ho na sakaa abhi kami hai tire zauq-e-ishq mein 'aiman' lahu huaa tiraa aansu sharaab ho na sakaa"