is tarah mahv-e-jamaal-e-mo'atabar ho jaaiye — Abul Mujahid Zahid

"gayaa to husn na divaar mein na dar mein thaa vo ek shakhs jo mehmaan mere ghar mein thaa najaat dhuup se milti to kis tarah milti miraa safar to miyaan dasht-e-be-shajar mein thaa gham-e-zamaana ki naagan ne Das liyaa sab ko vahi bachaa jo tiri zulf ke asar mein thaa khuli jo aankh to afsun-e-khvaab TuuT gayaa abhi abhi koi chehra miri nazar mein thaa na aai ghar mein kabhi ik kiran bhi suraj ki agarche meraa makaan vaadi-e-sahar mein thaa milaa na ghar se nikal kar bhi chain ai 'zaahid' khuli fazaa mein vahi zahr thaa jo ghar mein thaa"

"qafas se chhuTne pe shaad the ham ki lazzat-e-zindagi milegi ye kyaa khabar thi bahaar-e-gulshan lahu mein Duubi hui milegi jin ahl-e-himmat ke raaston mein bichhaae jaate hain aaj kaanTe unhi ke khun-e-jigar se rangin chaman ki har ik kali milegi vo din bhi the jab andheri raaton mein bhi qadam raah-e-raast par the aur aaj jab raushni mili hai to ziist bhaTki hui milegi nai sahar ke hasin suraj tujhe gharibon se vaasta kyaa jahaan ujaalaa hai sim-o-zar kaa vahin tiri raushni milegi kabhi to nasl-o-vatan-parasti ki tirgi ko shikast hogi kabhi to shaam-e-alam miTegi kabhi to subh-e-khushi milegi vo ham nahin hain ki sirf apne hi ghar mein shamein jalaa ke baiThein vahaan vahaan raushni kareinge jahaan jahaan tirgi milegi talaash-e-manzil kaa azm-e-mohkam dalil-e-manzil-rasi hai 'zaahid' qadam to apne baDhaao aage khuli hui raah bhi milegi"

"gila kis se karein aghyaar-e-dil-aazaar kitne hain hamein maalum hai ahbaab bhi gham-khvaar kitne hain sakat baaqi nahin hai qum be-iznillaah kahne ki masihaa bhi hamaare daur ke bimaar kitne hain ye socho kaisi raahon se guzar kar main yahaan pahunchaa ye mat dekho mire daaman mein uljhe khaar kitne hain jo sote hain nahin kuchh zikr un kaa vo to sote hain magar jo jaagte hain un mein bhi bedaar kitne hain bahut hain muddai sach ki taraf-daari ke ai 'zaahid' magar jo jhuuT se hain bar-sar-e-paikaar kitne hain"

"tajdid-e-rivaayaat-e-kuhan karte raheinge sar maarka-e-daar-o-rasan karte raheinge vo daur-e-khizaan ho ki bahaaron kaa zamaana ham yaad tujhe jaan-e-chaman karte raheinge rangin tire zikr se ham she'r o sukhan ko ai jaan-e-sukhan markaz-e-fan karte raheinge is aabla-paai pe bhi ham teri talab mein tai jaada-e-aalaam-o-mehan karte raheinge duniyaa hamein divaana samajhti hai to samjhe ham 'aam gham-e-dil kaa chalan karte raheinge jalte hain jise sun ke andhere ke parastaar ham 'aam vahi tarz-e-sukhan karte raheinge gulshan mein na ham honge to phir sog hamaaraa gul-pairahan o ghuncha-dahan karte raheinge 'zaahid' be-taaqaazaa-e-vafaa tarah-e-yaqin par ham koshish-e-taamir-e-vatan karte raheinge"

"nai subh chaahte hain nai shaam chaahte hain jo ye roz o shab badal de vo nizaam chaahte hain vahi shaah chaahte hain jo ghulaam chaahte hain koi chaahtaa hi kab hai jo avaam chaahte hain isi baat par hain barham ye sitamgaraan-e-aalam ki jo chhin gayaa hai ham se vo maqaam chaahte hain kise harf-e-haq sunaaun ki yahaan to us ko sunnaa na khavaas chaahte hain na avaam chaahte hain ye nahin ki tu ne bhejaa hi nahin payaam koi magar ik vahi na aayaa jo payaam chaahte hain tiri raah dekhti hain miri tishna-kaam aankhein tire jalve mere ghar ke dar-o-baam chaahte hain vo kitaab-e-zindagi hi na hui murattab ab tak ki ham intisaab jis kaa tire naam chaahte hain na muraad hogi puuri kabhi un shikaariyon ki mujhe dekhnaa jo 'zaahid' tah-e-daam chaahte hain"

"har ehtimaam hai do din ki zindagi ke liye sukun-e-qalb nahin phir bhi aadmi ke liye tamaam umr khushi ki talaash mein guzri tamaam umr taraste rahe khushi ke liye na khaa fareb vafaa kaa ye bevafaa duniyaa kabhi kisi ke liye hai kabhi kisi ke liye ye daur-e-shams-o-qamar ye farogh-e-ilm-o-hunar zamin phir bhi tarasti hai raushni ke liye kabhi uThe the jo khurshid-e-zindagi ban kar taras rahe hain vo taaron ki raushni ke liye sitam-taraazi-e-daur-e-khirad khudaa ki panaah ki aadmi hi musibat hai aadmi ke liye rah-e-hayaat ki taarikiyon mein ai 'zaahid' charaagh-e-dil hai mire paas raushni ke liye"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"