jaane kis aalam-e-ehsaas mein khoe hue hain — Arman Najmi

"dimaagh-o-dil pe ho kyaa asar andhere kaa ki dida-var bhi hai ab ham-safar andhere kaa dayaar-e-nur mein har samt khaak uDne lagi vajud hone lagaa mo'atabar andhere kaa ye raasta to charaaghon se jagmagaataa hai idhar se hone lagaa kyuun guzar andhere kaa ab is ke phulne-phalne mein din hi kitne hain jaDein jamaa to chukaa hai shajar andhere kaa yahaan to raushniyon kaa paDaav hotaa hai to kyaa yahin pe basegaa nagar andhere kaa sisakti shamon kaa ye aakhiri Thikaanaa hai shurua hogaa yahin se safar andhere kaa basiraton ke amiin hain hamin magar ham ne basaa liyaa hai rag-o-pai mein Dar andhere kaa manaao khair ujaalon ke baam-o-dar vaalo fazaa mein raqs-kunaan hai sharar andhere kaa vo apne saath to le kar charaagh chalte the shikaar kyuun hue ahl-e-nazar andhere kaa"

"pichhli rafaaqaton kaa na itnaa malaal kar apni shikastagi kaa bhi thoDaa khayaal kar Das le kahin tumhin ko na mauqaa nikaal kar rakkho na aastin mein koi saanp paal kar sharmindagi kaa zakhm na gahraa lage kahin kuchh is qadar daraaz na dast-e-savaal kar meri tarah na tu bhi ghuTan kaa shikaar ho khud apni khvaahishon ko na yuun paaemaal kar jo aap ki nigaah mein itnaa buland hai dekhaa hai us kaa zarf bhi main ne khangaal kar lamhon ki tund mauj se bachnaa muhaal hai rakhkhoge kaise yaad ki khushbu sambhaal kar 'armaan' bas ek lazzat-e-izhaar ke sivaa miltaa hai kyaa khayaal ko lafzon mein Dhaal kar"

"badlegaa rukh havaa kabhi to khul jaaegaa raasta kabhi to ghaflat pe khud apni chaunk uTThegaa sun kar vo miri sadaa kabhi to ho jaaegaa munkashif bhi khud par dekhegaa vo aaina kabhi to kab tak ye adaa-e-be-niyaazi TuTegaa ye silsila kabhi to kholegaa vo mujh pe baab-e-rahmat sun legaa miri du'aa kabhi to qaaem hai umiid par hi duniyaa hal hogaa ye masala kabhi to kar degaa zamin kaa bojh halkaa uTThegaa giraa huaa kabhi to baiThaa huun main us ke raaste par ho jaaegaa saamnaa kabhi to di hai dard-e-dil pe us ke dastak tai hogaa ye faasla kabhi to"

"kabhi to aa ke milo meraa haal to puchho ki mujh se chhuT ke bhi aaj kaise zinda ho javaaniyon ki ye rut kis tarah guzarti hai bas ek baar tum apni nazar se dekh to lo vo aarzuon kaa mausam to kab kaa biit chukaa main kab se jhel rahaa huun dukhon ke sahraa ko masarraton ki rutein to tumhaare saath gaiin main kaise duur karun ruuh ki udaasi ko guzar na jaao sar-e-raah ajnabi ki tarah tumhaaraa khvaab huun main tum to mujh ko pahchaano jo jaa chuke vo musaafir na aaeinge armaan bas ab to dafn karo nim-jaan umidon ko"

"nigaah-e-tishna se hairat kaa baab dekhte hain bisaat-e-aab pe raqs-e-saraab dekhte hain ukhaDte khemon pe kyaa qahr-e-shaam TuuTaa hai lahu mein Duubaa huaa aaftaab dekhte hain nahin hai qatre ki auqaat bhi jinhein haasil vo kam-nazar bhi samundar ke khvaab dekhte hain unhein to vaqt ki gardish asiir kar bhi chuki vo ab guzishta zamaane kaa khvaab dekhte hain hamein to mauj-e-ravaan bhi nazar nahin aati vo log aur hain jo zer-e-aab dekhte hain dayaar-e-shauq ki miTTi mein kyaa guhar hi nahin numu ki rut ko bhi be-aab-o-taab dekhte hain sazaa milegi hamein to ziyaa-ba-doshi ki charaagh-e-jaan pe havaa kaa itaab dekhte hain milaa nahin unhein sairaabi-e-vujud kaa lams ye dasht sadiyon se raah-e-sahaab dekhte hain"

"jo gum-gashta hai us ki zaat kyaa hai gharib-e-shahr ki auqaat kyaa hai saron par saaya-e-aafaat kyaa hai jo kaTti hi nahin vo raat kyaa hai na hone aur hone ki haqiqat savaal-e-nafi-o-isbaat kyaa hai jami hai gard ki tah bastiyon par havaa ke haath mein saughaat kyaa hai hiqaarat mein bujhe kuchh tir-o-nashtar mire kashkol mein khairaat kyaa hai bujhaa paaein na un ko oDh paaein guzishta mausamon ki baat kyaa hai kabhi dekhaa na us ko baar-aavar hamaari fasl-e-imkaanaat kyaa hai varaq par kyuun utarte hain sharaare lahu mein shoala-e-jazbaat kyaa hai ubharte Dubte rahte hain saae tamaashaa ek saa din raat kyaa hai"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"