jab bhi barsi azaab ki baarish — Amit Ahad

"khudaa ki kaun si hai raah behtar jaantaa hai maza hai nekiyon mein kyaa qalandar jaantaa hai bahut hamdard hain mere magar anjaan hain sab mire zakhmon ki haalat ko rafugar jaantaa hai kisi se main nahin kahtaa magar meri gharibi miri divaaron kaa ukhDaa plastar jaantaa hai kabhi mandir kabhi masjid pe hai is kaa baseraa dharam insaaniyat kaa bas kabutar jaantaa hai sanam teri judaai mein kaTaa hai vaqt mushkil gine din hijr mein kitne calendar jaantaa hai kahin bhar peT roTi to kahin se haath khaali kisi ki kaisi hai niyyat gadaagar jaantaa hai main pyaasaa rah ke bhi minnat nahin kartaa kisi ki bahut khuddaar huun main ye samundar jaantaa hai kisi bhi vaqt ye mazlum kar deinge baghaavat sitam ki ho chuki hai had sitamgar jaantaa hai rahein arthi se baahar haath us kaa qaul hai ye na kuchh bhi saath jaaegaa sikandar jaantaa hai tumhaari yaad mein raatein kaTi hain mushkilon se rahaa huun kitnaa main bechain bistar jaantaa hai na hogaa dusraa paidaa jahaan mein koi gaandhi bahut achchhi tarah se porbandar jaantaa hai yahaan hai bhiiD mein bhi kis qadar har shakhs tanhaa tumhaare shahr kaa har ek manzar jaantaa hai 'ahad' jiine ko to sab ji rahe hain is jahaan mein magar is ziist kaa matlab sukhanvar jaantaa hai"

"saath kis ko chaahiye ab dhuup kaa ThanD mein leinge maza sab dhuup kaa baT gae hain mazhabon mein sab yahaan koi batlaae to mazhab dhuup kaa mushkilon mein saath koi bhi nahin aaj samjhe ham to matlab dhuup kaa garm mausam se pareshaan sab hue jism ThanDaa kar de ai rab dhuup kaa chhaanv ghar se oDh kar niklaa karo kyaa pata mausam Dhale kab dhuup kaa paDh ke aaein phir nayaa koi sabaq khul gayaa hai dekho matlab dhuup kaa chhaanv tab haasil hui mujh ko 'ahad' tai kiyaa har din safar jab dhuup kaa"

"bhalaa-buraa vo khudaa karegaa gharib to bas duaa karegaa teri judaai ko yaad kar ke kai dafa dil bujhaa karegaa milaayaa hai jab khudaa ne ham ko to kaun ham ko judaa karegaa jiyeinge tere baghair bhi ham magar bahut dil dukhaa karegaa kabhi miloge ye soch kar dil hazaar sapne bunaa karegaa ye saansein tere baghair chup hain tire binaa dam ghuTaa karegaa 'ahad' vo khud ko fareb degaa jo vaqt ko an-sunaa karegaa"

"jo ishq mein guzaara lamha pasand aayaa aankhon mein bas gayaa jo chehra pasand aayaa yuun to safar kiyaa hai kitne hi raaston par lekin tire hi ghar kaa rasta pasand aayaa meri nigaah mein hai teri talaash baaqi meri divaangi ko sahraa pasand aayaa be-shak nibhaa na paae vaada kiyaa jo tum ne lekin sanam tumhaaraa vaada pasand aayaa uThti hai is liye bhi teri taraf nigaahein tere hasin rukh par chashma pasand aayaa ghusse mein lag rahi ho tum aur khub-surat dil ko bahut tumhaaraa nakhra pasand aayaa kuchh aur dekhne ki hasrat rahi na baaqi jab se sanam tumhaaraa chehra pasand aayaa ho jaaegi mukammal ab to ghazal yaqin hai tere hasin labon kaa misra pasand aayaa be-shak bahut shikaayat tujh ko hai is jahaan se phir bhi 'ahad' ye teraa lahja pasand aayaa"

"zindagi be-qaraar kaun kare khvaahishein be-shumaar kaun kare chhoD kar kaam ye mohabbat kaa khud ko be-rozgaar kaun kare jab vafaa hi nahin zamaane mein ishq sar par savaar kaun kare maut aai hai ziist ko lene maut se ab udhaar kaun kare haal jab puchhtaa nahin koi dard ko ishtihaar kaun kare tirgi mein adab ki duniyaa hai ab ye raushan dayaar kaun kare khaar hi khaar hain 'ahad' jis par raah vo ikhtiyaar kaun kare"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"