jang se aage ab jidaal pe hain — Anisur Rahman

"meri vahshat mujh se puchhegi to batlaaungaa main svaang jo tum ne sikhaae vo bhi dikhlaaungaa main kis ne divaana banaayaa naam batlaaungaa main dasht-o-dariyaa se bhi aage baat phailaaungaa main khvaab tum dikhlaaoge to khvaab dikhlaaungaa main donon jaanib khvaab ke parcham bhi lahraaungaa main naa-rasaai kaa koi shikva nahin shikva ye hai kyaa khayaal-e-khaam hi se dil ko bahlaaungaa main ai shab-e-furqat tumhein mujh se shikaayat to nahin gar chale jaaoge tum bhi kitnaa ghabraaungaa main ik sumum-e-gard-aasaa chal rahi hai chaar-su chaar-su baarish liye tum dekhnaa aaungaa main ik andheraa chaar jaanib baarishon ke darmiyaan baarishon ke darmiyaan shoala-saa lahraaungaa main paanv hain aamaada-e-sair-o-safar manzil-ba-dast kyaa tumhein lagtaa hai ab bhi lauT kar aaungaa main raaste masdud jab ho jaaeinge khatm-e-safar aakhiri patthar pe apnaa naam likhvaaungaa main raftagaan aaindagaan ke darmiyaan kyaa rabt hai 'mir' saahib se ye puchhungaa to batlaaungaa main"

"raat kaali nahin to kyaa hogi paaemaali nahin to kyaa hogi sher-goyon ki fitrat-e-saada laa-ubaali nahin to kyaa hogi us ki zambil aur miri zambil meri khaali nahin to kyaa hogi lahn ik aur vo bhi vaqt-e-subh vo bilaali nahin to kyaa hogi achchhe insaanon ki tabiat bhi gar sifaali nahin to kyaa hogi shaam ke saae hain zavaal-pazir shab zavaali nahin to kyaa hogi maah-ru maah-ru se milte hain lab pe laali nahin to kyaa hogi khvaaja-e-mir-'dard' ki har baat gar misaali nahin to kyaa hogi"

"hijr se baat ki visaal ke baa'd ab ke aanaa to maah-o-saal ke baa'd jaise aayaa thaa maazi haal ke baa'd kyaa junub aaegaa shumaal ke baa'd baat se baat chalti rahti hai khatm ho jaati hai misaal ke baa'd ik khamoshi hisaar ki maanind pahle aur aakhiri savaal ke baad ek sail-e-malaal har jaanib ik malaal aur ik malaal ke baa'd ik khamoshi ravaan-davaan har-su kyaa khamoshi hai qil-o-qaal ke baa'd us ki surat-gari mein roz-o-shab khvaab ham dekhte khayaal ke baa'd dast-o-baazu mein aasmaan-o-zamin aur kyaa faal nek-faal ke baa'd marg ik maandgi kaa vaqfa hai zindagi ye to ehtimaal ke baa'd"

"hamaari baat mein sun dam kaa ramz haigaa kyaa kisi bhi pech kisi kham kaa ramz haigaa kyaa vo daur aur thaa jab tum ne mujh se puchhaa thaa mohabbaton mein kahin gham kaa ramz haigaa kyaa ye aab-e-saada ye aab-e-ravaan ye aab-e-azal is aab-e-naab mein zamzam kaa ramz haigaa kyaa falak pe abr bhi anjum bhi abr-e-baaraan bhi magar zamin pe jhamaa-jham kaa ramz haigaa kyaa na koi tishna-labi hai na koi sairaabi to mere jaam tire jam kaa ramz haigaa kyaa usi ke dam se baqaa hai usi ke dam se fanaa fanaa-baqaa mein bataa dam kaa ramz haigaa kyaa 'anis' raqs mein tum ho ki raqs hai tum mein ki aakhirash ye damaadam kaa ramz haigaa kyaa"

"vahm se yaa gumaan se uThti hai yaa kahin darmiyaan se uThti hai vo tamanna ki jis pe jiite hain kyaa bataaein kahaan se uThti hai gham-kada hai ye 'mir' saahab kaa ek taabaani yaan se uThti hai kyaa samaavaat mein talaatum hai kyaa fughaan jism-o-jaan se uThti hai mauj jab tah-nashin hoti hai lahr aab-e-ravaan se uThti hai laa-makaani makaan se behtar hai ye zamin-o-zamaan se uThti hai dida-baazi bhi ishq-baazi hai dil ki ye baat jaan se uThti hai jab uThaae na uTh sake ye zamin phir zamin aasmaan se uThti hai ab to kunj-e-butaan se rukhsat hai aashiqi aastaan se uThti hai"

"likh diyaa faisla yak-qalam kuchh bhi sochaa nahin mohtaram chashm-e-nam ke taiin chashm-e-nam kis ki hamraaz hai chashm-e-nam gardish-e-dahr kaa zikr thaa ham bhi shaamil hue subh-dam ek mehraab hai pusht par saamne al-haram al-haram dil kaa sipaara viraan hai aur ham raqs mein dam-ba-dam hashr tum bhi uThaate rahe ham lunDhaate rahe jaam-o-jam ik safar ab bhi darpesh hai ab bhi darpesh hain pech-o-kham"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"shab ki taarik raahdaari hai aur miraa khauf iztiraari hai sabz khvaabon ki kam se kam qimat zindagi bhar ki ashk-baari hai ik musallat-shuda tamaddun ko ye na kahiye ki ikhtiyaari hai shash-jihaati mushaahida hai miyaan tajrabon ki sanad pe bhaari hai shukriya aap ki mohabbat kaa dil kaa maqsum sogvaari hai tajziye sun ke muskuraa denaa apni itni hi zimmedaari hai"

"ye hai mai-kada yahaan rind hain yahaan sab kaa saaqi imaam hai ye haram nahin hai ai shaikh ji yahaan paarsaai haraam hai jo zaraa si pi ke bahak gayaa use mai-kade se nikaal do yahaan tang-nazar kaa guzar nahin yahaan ahl-e-zarf kaa kaam hai koi mast hai koi tishna-lab to kisi ke haath mein jaam hai magar is pe koi kare bhi kyaa ye to mai-kade kaa nizaam hai ye janaab-e-shaikh kaa falsafa hai 'ajib saare jahaan se jo vahaan piyo to halaal hai jo yahaan piyo to haraam hai tujhe apne husn kaa vaasta mere shauq-e-did pa rahm khaa zaraa muskuraa ke naqaab uThaa ki nazar ko shauq-e-salaam hai na sunnaa to huur o qusur ki ye hikaayatein mujhe vaa'izaa koi baat kar dar-e-yaar ki dar-e-yaar hi se to kaam hai na to e'tikaaf se kuchh gharaz na savaab-o-zuhd se vaasta tiri diid aisi namaaz hai na sujud hai na qayaam hai ye durust ki 'aib hai mai-kashi ye ba-jaa ki baada haraam hai magar ab savaal ye aa paDaa ki tumhaare haath mein jaam hai jo uThi to subh-e-davaam thi jo jhuki to shaam hi shaam thi tiri chashm-e-mast mein saaqiyaa miri zindagi kaa nizaam hai miraa farz hai ki paDaa rahun tiri baargaah mein saaqiyaa koi tishna-lab hai ki sair hai yahi dekhnaa tiraa kaam hai isi kaaenaat mein ai 'jigar' koi inqalaab uThegaa phir ki buland ho ke bhi aadmi abhi khvaahishon kaa ghulaam hai"