jo 'adu meri jaan ke nikle — Naqi Naqvi

"main baagh thaa bahaar ne viraan kiyaa mujhe is 'ishq ne to kaafi pareshaan kiyaa mujhe main aisi nahr huun jahaan aate the tishna-lab phir apni pyaas ne hi bayaabaan kiyaa mujhe anmol itnaa huun ki kharidaa nahin gayaa phir khud dukaan-daar ne arzaan kiyaa mujhe main us mein khud ko dekhtaa huun misl-e-aaina us ne kuchh aise aankhon mein pinhaan kiyaa mujhe karni hai jang 'ishq ke maidaan mein use parde ke pichhe khud hai numaayaan kiyaa mujhe main us ko jaantaa huun ki vo hai fareb-deh lekin tumhaare sach ne bhi hairaan kiyaa mujhe"

"sab ko meri tarah niDhaal karo 'ishq mushkil hai aur muhaal karo 'ishq bachpan se sunte aae hain qaaem ab bughz ki misaal karo us ne puchhaa ta'aaruf-e-ulfat main ye bolaa nayaa savaal karo main tiri diid ko tarastaa huun khvaab mein hi sahi visaal karo main ik aasaan aadmi huun 'naqi' meraa jiinaa bahut vabaal karo"

"us kaa ik ik guzar nahin bhulaa aaj tak vo safar nahin bhulaa meraa khud par bhi ikhtiyaar nahin main tujhe chaah kar nahin bhulaa apnaa fan tu bhi kho nahin paayaa main bhi apnaa hunar nahin bhulaa ek pal mein bhulaa diyaa us ne main jise 'umr bhar nahin bhulaa meri jaanib na aanaa phir se ki main tere jaane kaa Dar nahin bhulaa mujh ko maan ki du'aaein yaad nahin lekin un kaa asar nahin bhulaa ye mohabbat nahin to kyaa hai 'naqi' duur rah kar agar nahin bhulaa"

"tiir bhi khud ko maar letaa huun main hi khud ko sanvaar letaa huun dusron kaa udhaar denaa hai dusron se udhaar letaa huun maut jab tak mujhe nahin aati zindagi hi guzaar letaa huun rizq-e-ulfat nahin khilaa mujh ko peT bhar ke Dakaar letaa huun jitnaa chaahtaa huun main sab se is liye sab se haar letaa huun us ko vaapas bhi phir nahin detaa jab kisi se main pyaar letaa huun roz ulfat ke aasmaan se 'naqi' ek taaraa utaar letaa huun"

"ruuTh jaane kaa hai ghurur mujhe jabki haasil nahin 'ubur mujhe ik ghazal aur jab likhi main ne ranj ne de diyaa surur mujhe 'ishq ke aaine pe maar ke sang kar diyaa us ne chur-chur mujhe jitnaa aataa rahaa mire nazdik mujh se kartaa rahaa vo duur mujhe aur phir tu ne kar liyaa apnaa ek din khud pe thaa ghurur mujhe tire khurshid se bhi baDh kar hai meri qindil kaa ye nuur mujhe main ne us ko bhulaa diyaa dil se ab vo yaad aaegaa zarur mujhe teri aankhon mein kho na jaaun 'naqi' is adaa se to tu na ghuur mujhe"

"sikhaa gayaa hai vo kyaa kyaa mujhe 'adaavat mein miraa vo ek 'adu dost thaa haqiqat mein tab us ne khul ke nibhaai thi dushmani apni main ho gayaa thaa giraftaar jab mohabbat mein thaa kis pe apni sakhaa kaa baDaa ghamanD mujhe main apnaa aap kise de gayaa sakhaavat mein yahaan pe itni bhi imaan-daari achchhi nahin zaraa saa jhuuT milaayaa karo sadaaqat mein"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"khurshid jhaanktaa hai ridaa-e-sahaab se yaa nuur chhan rahaa hai kisi ke naqaab se baahar jo aaj dekh liyaa hai hijaab se suraj laraz rahaa hai tumhaare shabaab se naaseh Daraa rahe the khudaa ke 'azaab se khud hi janaab baaz na aae sharaab se lamhe guzar chuke hain jo phulon ki sej par is daur-e-pur-khatar mein vo lagte hain khvaab se khud ko to pahle dekhiye phir kahiye bevafaa bas itni iltijaa hai hamaari janaab se har roz ik na ik nai zid hai zabaan par tang aa gayaa huun main dil-e-khaana-kharaab se ahl-e-vafaa mein meraa vahi naam paD gayaa tum ne mujhe navaaz diyaa jis khitaab se kin manzilon pe meraa nishaan-e-qadam nahin puchho miraa maqaam mah-o-aaftaab se jo husn kaa kahin bhi tahaffuz na kar sake phir kaun saa hai faaeda aisi naqaab se saaya bhi jis hasin kaa DhunDe na mil sakaa be-misl vo khudaa ke hue intikhaab se sun kar hamaare she'r vo kuchh muskuraa diye 'faaruq' aaj ham bhi rahe kaamyaab se"