koi aahaT koi dastak koi jhankaar to ho — Ahsan Rizwi

"dhuaan uTh rahaa hai jo baahar miyaan sulagtaa hai kuchh apne andar miyaan main khud to bhaTakne kaa qaail nahin ghumaataa phire hai muqaddar miyaan gumaan baiThe baiThe ye aksar huaa gayaa hai abhi koi uTh kar miyaan ye maanaa ki divaar-o-dar hain vahi magar ab ye lagtaa nahin ghar miyaan mire rukh pe tahrir kyaa kuchh nahin kabhi koi dekhe to paDh kar miyaan kabhi khud ko dharti se bhi joDiye uDeinge kahaan tak falak par miyaan bas ik rasm thi jo nibhaate rahe hui kab khushi us se mil kar miyaan"

"aate jaate hue har shakhs ko takte kyon ho gunjlak hain sabhi tahrirein to paDhte kyon ho sirf sannaaTaa vahaan raah takaa kartaa hai be-sabab shaam se hi ghar ko palaTte kyon ho ye nahin gaanv ki har shakhs khulus-aagin ho shahr mein rah ke banaavaT se bidakte kyon ho"

"badan ko chang banaa ruuh ko rabaab banaa saraapaa apnaa bahut kaif-e-iztiraab banaa ik ishtihaar ki surat mein paDh ke aage nikal na apne vaaste har shakhs ko kitaab banaa mire savaalon ko sun le yahi bahut hogaa javaab de ke mujhe yuun na laa-javaab banaa fasurda rah ke hama-vaqt kyaa milegaa tujhe kabhi kabhaar to chehre ko tu gulaab banaa zamir par jo paDi barf hai pighal jaae darun-e-zehn koi aisaa aaftaab banaa kabhi to thoDi si halchal ho soe jazbon mein kabhi to Thahre samundar pe ik habaab banaa"

"main ki khuddaar thaa Thahraa na kisi chhaanv tale go ki raste mein mile the kai ashjaar ghane zehn vo shahr jahaan nit nayaa haijaan rahe dil vo basti ki jahaan khvaab ugein dard pale zindagaani ye tiri tez-ravi Thiik nahin koi chehra to zaraa der nigaahon mein rahe kab shab-o-roz ke hangaam ne mohlat bakhshi main ne dauraan-e-safar hi nae ashaar kahe"

"shikasta-dil thaa par aisaa nahin thaa main apne aap mein simTaa nahin thaa darakhton ke ghane saae mein rah kar chamakti dhuup ko bhulaa nahin thaa dar-o-divaar mere muntazir the magar main lauT kar aayaa nahin thaa bahut se log mujh se multafit the kisi ki samt main lapkaa nahin thaa dabe paanv vahi dar aayaa dil mein ki jis kaa duur tak khaTkaa nahin thaa jise ik umr kaa haasil samajhtaa mire jivan mein vo lamha nahin thaa"

"apne ajdaad ki khu bu aae kaash bachchon ko bhi urdu aae ham chaman mein hain to ye khvaahish hai apne hisse mein bhi khushbu aae yaad aai jo kisi ki to lagaa dast-e-ehsaas mein jugnu aae baat nikli to gai duur talak guftugu mein kai pahlu aae sab hain insaan to phir zehnon mein kyon ye tafriq-e-man-o-tu aae khushk aankhon mein baDi halchal hai baad muddat ke hain aansu aae"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"