kuchh aise ki hai adaa rasm-e-bandagi main ne — Aish Meeruthi

"ye gul bhi zinat-e-aaghosh-e-dariyaa-e-qazaa nikle jinhein ham baa-vafaa samjhe the vo bhi bevafaa nikle natija justuju-e-shauq kaa kyaa jaane kyaa nikle pas-e-parda ye mumkin hai vahi rangin-adaa nikle karishma hai ye saaraa ishq kaa hi varna kab mumkin lahu ke qatre qatre se anal-haq ki sadaa nikle mataa-e-zindagi aaraam-e-jaan sabr-o-qaraar-e-dil khudaa ki shaan hai ham un ko kyaa samjhe vo kyaa nikle hue majruh barg-e-gul inhin khaaron se gulshan ke chaman ke paasbaan hi baani-e-jaur-o-jafaa nikle maaaz-allaah ilzaam apni barbaadi kaa ghairon par Dubone vaale kashti ke jab apne naakhudaa nikle karun kis kaa gila kahte hue bhi sharm aati hai raqib afsos apne hi puraane aashnaa nikle hamaare baad vo aae ayaadat ko to kyaa aae kisi ke is tarah nikle agar armaan to kyaa nikle bahut mushkil hai 'aish' is daur mein nikle koi hasrat ye kyaa kam hai koi daaman agar apnaa bachaa nikle"

"har nafas aaina mauj-e-fanaa hotaa hai aah kartaa huun to dard aur sivaa hotaa hai khinchti jaati hai usi samt jabin-e-sajda jis taraf aap kaa naqsh-e-kaf-e-paa hotaa hai phuuT jaa aabla-e-paa ki baDhe teraa vaqaar khaar-e-sahraa tujhe angusht-numaa hotaa hai junbishein hone lagin parda-e-zangaari mein naala-e-aashiq-e-dil-gir balaa hotaa hai vo na aaeinge unhein zid hai tamanna se miri main kahun laakh to kyaa meraa kahaa hotaa hai hai jabin khaak pe aur 'arsh-e-mu'allaa pe dimaagh naqsha aankhon mein tire dar kaa khinchaa hotaa hai saail aayaa hai tire dar pe khudi ko kho kar dekhnaa hai mujhe kyaa aaj 'ataa hotaa hai har ravish un ki qayaamat hai qayaamat ai 'aish' jis taraf jaate hain ik hashr bapaa hotaa hai"

"ye inqalaab huaa jaane runumaa kaise badal gae tiri mahfil mein aashnaa kaise tumhaari bazm mein aakhir main luT gayaa kaise ye saaneha to huaa hai magar huaa kaise zaraa ye dekh ki mere sujud-e-paiham se miTaa to naqsh-e-kaf-e-paa magar miTaa kaise vafaa kaa ghair ki bhi imtihaan ho jaae hamaare hote hue us ne ye kahaa kaise uThaane vaale hamein bazm se zaraa ye dekh ki TuTtaa hai gharibon kaa aasraa kaise main koi qatra-e-shabnam thaa taabish-e-rukh se vajud-e-harf-e-ghalat ki tarah miTaa kaise hai 'aish' saath koi raahbar na hamraahi kaTegi dekhiye tanhaa rah-e-vafaa kaise"

"kahin aisaa na ho khudaa na kare mujh ko tujh se koi judaa na kare meri jannat tiri nigaah-e-karam mujh se phir jaae ye khudaa na kare bevafaai bhi ek nisbat hai kyaa gila us se gar vafaa na kare raanda-e-mahfil-e-sanam zaahid kyaa kare gar khudaa khudaa na kare us ki rahmat pe gar yaqin hai 'aish' hai khataa gar koi khataa na kare"

"hai jamaal-e-husn kaa partav sanam-khaana kahin but-kada kaaba kahin hai aur mai-khaana kahin sidhe raste se bhaTak jaae na farzaana kahin aa na jaae aql ki baaton mein divaana kahin ye bhi koi zindagi mein zindagi hai ham-nafas dil kahin hai ham kahin hain aur jaanaana kahin taabish-e-barq-e-sitam se yaa ilaahi jal na jaae andalib-e-zaar kaa gulshan mein kaashaana kahin phir na dohraae kahin taarikh anjaam-e-sitam ho na jaae sabr kaa labrez paimaana kahin un ke daaman se lipaT hi jaaegi bas khaak-e-dil zid pe aa jaae na apnaa josh-e-rindaana kahin kaisi ujDi hai ye mahfil 'aish' hangaam-e-sahar sham-e-kushta hai kahin aur khaak-e-parvaana kahin"

"barbaad-e-mohabbat ho kar bhi jiine kaa sahaaraa ho na sakaa ik dil pe bharosa thaa apne vo bhi to hamaaraa ho na sakaa jalvon ki faraavaani tauba dam bhar mein huiin khira nazrein vo saamne be-parda the magar ham se hi nazaara ho na sakaa aankhon ki zabaani shikva-e-gham karnaa thaa bahut un se lekin khud husn pashemaan ho jaataa ye ham se gavaaraa ho na sakaa maanaa ki bhari mahfil thi magar kaafi thi mujhe duzdida nazar taskin-e-dil-e-muztar ke liye itnaa saa ishaaraa ho na sakaa ghairon ki tarah munh takte rahe har ek kaa ham is mahfil mein aankhon mein chhalak aae aansu phir zabt kaa yaaraa ho na sakaa aai jo idhar mauj-e-tufaan kashti thi shikasta Duub gai afsos payaam-e-aafiyyat dariyaa mein kinaaraa ho na sakaa har bazm-e-nashaat ai 'aish' hui us shokh ke jalvon se raushan kaashaana-e-gham mein jalva-fagan lekin vo dil-aaraa ho na sakaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"shab ki taarik raahdaari hai aur miraa khauf iztiraari hai sabz khvaabon ki kam se kam qimat zindagi bhar ki ashk-baari hai ik musallat-shuda tamaddun ko ye na kahiye ki ikhtiyaari hai shash-jihaati mushaahida hai miyaan tajrabon ki sanad pe bhaari hai shukriya aap ki mohabbat kaa dil kaa maqsum sogvaari hai tajziye sun ke muskuraa denaa apni itni hi zimmedaari hai"

"ye hai mai-kada yahaan rind hain yahaan sab kaa saaqi imaam hai ye haram nahin hai ai shaikh ji yahaan paarsaai haraam hai jo zaraa si pi ke bahak gayaa use mai-kade se nikaal do yahaan tang-nazar kaa guzar nahin yahaan ahl-e-zarf kaa kaam hai koi mast hai koi tishna-lab to kisi ke haath mein jaam hai magar is pe koi kare bhi kyaa ye to mai-kade kaa nizaam hai ye janaab-e-shaikh kaa falsafa hai 'ajib saare jahaan se jo vahaan piyo to halaal hai jo yahaan piyo to haraam hai tujhe apne husn kaa vaasta mere shauq-e-did pa rahm khaa zaraa muskuraa ke naqaab uThaa ki nazar ko shauq-e-salaam hai na sunnaa to huur o qusur ki ye hikaayatein mujhe vaa'izaa koi baat kar dar-e-yaar ki dar-e-yaar hi se to kaam hai na to e'tikaaf se kuchh gharaz na savaab-o-zuhd se vaasta tiri diid aisi namaaz hai na sujud hai na qayaam hai ye durust ki 'aib hai mai-kashi ye ba-jaa ki baada haraam hai magar ab savaal ye aa paDaa ki tumhaare haath mein jaam hai jo uThi to subh-e-davaam thi jo jhuki to shaam hi shaam thi tiri chashm-e-mast mein saaqiyaa miri zindagi kaa nizaam hai miraa farz hai ki paDaa rahun tiri baargaah mein saaqiyaa koi tishna-lab hai ki sair hai yahi dekhnaa tiraa kaam hai isi kaaenaat mein ai 'jigar' koi inqalaab uThegaa phir ki buland ho ke bhi aadmi abhi khvaahishon kaa ghulaam hai"