kuchh saamne huaa hai to kuchh raaz mein huaa — Baqar Naqvi

"karo kuchh aur qayaamat kaa intizaar abhi miri zamin kaa ujDaa nahin singhaar abhi 'ataa kiye hain bahut bebasi ke dastaane umiid kitni lagaae hain shahryaar abhi zamin agarche nae qaht ki lapeT mein hai rukaa nahin hai magar dast-e-kirdgaar abhi chalo du'aa ke charaaghon ki lau baDhaate chalein mileinge aur bhi dasht-e-siyaahkaar abhi abhi se kaise shab-e-hijr ki sazaa de dein ki us ki god mein hai shaam ki bahaar abhi qabaa pe rang paDaa hai to itni vahshat kyaa libaas-e-jild bhi honaa hai taar-taar abhi gharib aankh ki putli ki himmaton ke nisaar huaa nahin hai andheron pe inhisaar abhi koi sune na sune tu sunaae jaa 'baaqar' tire sitaar mein baaqi hai ek taar abhi"

"khiDkiyon se bhi agar dhuup na aai hoti ham ne din hote hue sham' jalaai hoti apni aankhon ko agar ham bhi bachaa le jaate saans lete hue manzar se buraai hoti log mar’ub bahut hain tiri mehraabon se bel hi koi sutunon pe chaDhaai hoti meri aankhon ke darichon mein sabhi rang us ke dil ki divaar bhi kaash us ne sajaai hoti ham ko manzur na thi qaid-e-vafaadaari-e-shah varna pairon mein bhi zanjir-e-tilaai hoti saare tehvaar guzar jaate hain suune suune ye 'imaarat bhi kabhi tum ne sajaai hoti"

"subuk-sari mein bhi andesha-e-havaa rakhnaa sulag uThe ho to jalne kaa hausla rakhnaa nai fazaa mein nae par nikaalne honge falak ko zer-e-zamin ko gurez-paa rakhnaa tumhaare jism ke sandal ki aabru hai bahut hujum-e-shauq mein rah kar bhi faasla rakhnaa zamin phuul fazaa nuur aasmaan dhanak inhin mein rahnaa magar rang bhi judaa rakhnaa tumhaare shahr ke lab-basta shaairon mein se huun mire liye bhi koi harf-e-be-navaa rakhnaa ye zinatein bhi ajab hain ye saadgi bhi ajab riyaa ke saare hunar jism par sajaa rakhnaa na jaane kaun saa kis vaqt kaam aa jaae so ek jeb mein but ek mein khudaa rakhnaa"

"koi to thaa dhanak dhanak khvaab mein yaa khayaal mein rang 'ajib ghul gae kaifiyyat-e-malaal mein mohr thi mire nutq par tere labon ki naghmagi varna javaab the chhupe tere har ik savaal mein bol tu soch soch kar chal tu sambhal sambhal ke chal ki hai bahut gulo ki baat ham ne tiri misaal mein sard dinon ki tarah gum ho gai apni zindagi farq kahaan rahaa koi maah mein aur saal mein mere rivaaq-e-dil mein tu chaltaa thaa kitne naaz se aa gai kaise ab lachak teri sabaa si chaal mein mere firaaq mein tiri 'umr Thahar gai thi kyaa baal safed ho gae mere tire khayaal mein mausam-e-taaza ho kabhi meri taraf bhi ik nazar utre koi nayaa parind mere ghamon ke taal mein apne kinaara kar na ab 'baaqar'-e-khush-misaal se be-hunari sharik thi us ki tire kamaal mein"

"khet se bach kar guzre basti ko viraani de vo dariyaa kyaa dariyaa jo saagar ko paani de sher sunaa koi aisaa jis se lage badan mein aag niind uD jaae jis se aisi koi kahaani de suukh rahe hain baagh-baghiche nahrein ret huiin ai mausam ke maalik ik mausam baaraani de khud banvaae mahal do-mahle ham ko sunaae hadis khud to pahne abaa qabaa ham ko uryaani de toD gai dam aakhir pyaasi raat amaavas ki pyaare suraj ab to apne chaand ko paani de kaun sunegaa teraa qissa rone-dhone kaa lailaa majnun shaamil kar koi raajaa raani de ab tak tum ne 'baaqar' aise kaun se kaam kiye kis ummid pe maalik tum ko nai javaani de"

"juz andhere ke na kuchh shab ke khazaane se milaa kitnaa sukh tujh ko charaaghon ke bujhaane se milaa zar-nigaari na buzurgon ki pasand aai magar kitnaa zar un ki qabaaon ke jalaane se milaa dosti ke nahin qaabil to 'adaavat hi sahi silsila koi to shaahi ke gharaane se milaa kis ko pahchaaniye kis kis ke liye gham kiije ek ambaar darindon ke Thikaane se milaa sar uThaanaa to kabhi raas na aayaa 'baaqar' jo bhi e'zaaz milaa sar ko jhukaane se milaa"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"tirgi shama bani raahguzar mein aai saaat ik aisi bhi kal apne safar mein aai jis jagah chehra hi meyaar-e-vafaa Thahraa hai khaak hi khaak vahaan dast-e-hunar mein aai teri nazron mein thi duniyaa to yahi kyaa kam thaa hashr ye hai ki tu duniyaa ki nazar mein aai baar-haa yaaron ne saahil se kahaa thaa ham hain baar-haa naav magar apni bhanvar mein aai zindagi samjhun ise yaa ki ise maut kahun vo jo mehmaan ki surat mire ghar mein aai yuun bhi taarikh ki taarikh raqam hoti hai nikli taarikh mahal se to khanDar mein aai khvaab hi khvaab ki taabir huaa to jaanaa zindagi kyuun kisi aankhon ke asar mein aai shama jalte hi bujhi aur dhuaan aisaa uThaa lazzat-e-shaam yahaan khvaab-e-sahar mein aai zindagi kuchh hai 'ataa' sher-o-adab hai kuchh aur ye do-rangi ki vabaa kaisi hunar mein aai"

"khaamushi ke batn se ye guftani paidaa hui main ba-zaahir chup huaa aur shaaeri paidaa hui is tarah saabit huaa gham aur khushi kaa imtizaaj hanste hanste us ki aankhon mein nami paidaa hui jurm ki paadaash mein ham khaak par pheinke gae so yahaan par intiqaaman zindagi paidaa hui khauf ne hi maslahat ki raah bhi ijaad ki main andheron se Daraa aur raushni paidaa hui dil mein kab utri kisi ke be-maaani guftugu baat karne se to bas aavaaz hi paidaa hui"

"shab ki taarik raahdaari hai aur miraa khauf iztiraari hai sabz khvaabon ki kam se kam qimat zindagi bhar ki ashk-baari hai ik musallat-shuda tamaddun ko ye na kahiye ki ikhtiyaari hai shash-jihaati mushaahida hai miyaan tajrabon ki sanad pe bhaari hai shukriya aap ki mohabbat kaa dil kaa maqsum sogvaari hai tajziye sun ke muskuraa denaa apni itni hi zimmedaari hai"

"ye hai mai-kada yahaan rind hain yahaan sab kaa saaqi imaam hai ye haram nahin hai ai shaikh ji yahaan paarsaai haraam hai jo zaraa si pi ke bahak gayaa use mai-kade se nikaal do yahaan tang-nazar kaa guzar nahin yahaan ahl-e-zarf kaa kaam hai koi mast hai koi tishna-lab to kisi ke haath mein jaam hai magar is pe koi kare bhi kyaa ye to mai-kade kaa nizaam hai ye janaab-e-shaikh kaa falsafa hai 'ajib saare jahaan se jo vahaan piyo to halaal hai jo yahaan piyo to haraam hai tujhe apne husn kaa vaasta mere shauq-e-did pa rahm khaa zaraa muskuraa ke naqaab uThaa ki nazar ko shauq-e-salaam hai na sunnaa to huur o qusur ki ye hikaayatein mujhe vaa'izaa koi baat kar dar-e-yaar ki dar-e-yaar hi se to kaam hai na to e'tikaaf se kuchh gharaz na savaab-o-zuhd se vaasta tiri diid aisi namaaz hai na sujud hai na qayaam hai ye durust ki 'aib hai mai-kashi ye ba-jaa ki baada haraam hai magar ab savaal ye aa paDaa ki tumhaare haath mein jaam hai jo uThi to subh-e-davaam thi jo jhuki to shaam hi shaam thi tiri chashm-e-mast mein saaqiyaa miri zindagi kaa nizaam hai miraa farz hai ki paDaa rahun tiri baargaah mein saaqiyaa koi tishna-lab hai ki sair hai yahi dekhnaa tiraa kaam hai isi kaaenaat mein ai 'jigar' koi inqalaab uThegaa phir ki buland ho ke bhi aadmi abhi khvaahishon kaa ghulaam hai"