mahakte miThe mastaane zamaane — Majeed Amjad

"baDhi jo had se to saare tilism toD gai vo khush-dili jo dilon ko dilon se joD gai abad ki raah pe be-khvaab dhaDkanon ki dhamak jo so gae unhein bujhte jagon mein chhoD gai ye zindagi ki lagan hai ki rat-jagon ki tarang jo jaagte the unhi ko ye dhun jhinjhoD gai vo ek Tiis jise teraa naam yaad rahaa kabhi kabhi to mire dil kaa saath chhoD gai rukaa rukaa tire lab par ajab sukhan thaa koi tiri nigah bhi jise naa-tamaam chhoD gai faraaz-e-dil se utarti hui nadi 'amjad' jahaan jahaan thaa hasin vaadiyon kaa moD gai"

"chehra udaas udaas thaa mailaa libaas thaa kyaa din the jab khayaal-e-tamannaa libaas thaa uryaan zamaana-gir sharar-gun jibillatein kuchh thaa to ek barg-e-dil un kaa libaas thaa us moD par abhi jise dekhaa hai kaun thaa sambhali hui nigaah thi saada libaas thaa yaadon ke dhundle des khili chaandni mein raat teraa sukut kis ki sadaa kaa libaas thaa aise bhi log hain jinhein parkhaa to un ki ruuh be-pairahan thi jism saraapaa libaas thaa sadiyon ke ghaaT par bhare melon ki bhiiD mein ai dard-e-shaadmaan tiraa kyaa kyaa libaas thaa dekhaa to dil ke saamne saayon ke jashn mein har aks-e-aarzu kaa anokhaa libaas thaa 'amjad' qabaa-e-shah thi ki cholaa faqir kaa har bhes mein zamir kaa pardaa libaas thaa"

"qaasid-e-mast-gaam mauj-e-sabaa koi ramz-e-khiraam mauj-e-sabaa vaadi-e-barf kaa koi sandes mere ashkon ke naam mauj-e-sabaa koi mauj-e-khayaal mein bahti manzilon kaa payaam mauj-e-sabaa so simaTti masaafaton kaa tilism teri karvaT kaa naam mauj-e-sabaa tere daaman ki khushbuon mein hain gham sau suhaane maqaam mauj-e-sabaa aati patjhaD ke saath lauTte vaqt ik bahaarein payaam mauj-e-sabaa ik naved-e-nigaah-e-paik-e-habib ik javaab-e-salaam mauj-e-sabaa"

"ho ke is chashm-e-mai-parast se mast kyaa ulajhtaa hai aaj mast se mast ek hi laghzish aur guzar bhi gae aql ke har buland-o-past se mast kaun nazron mein ab samaae ki ham hain tiri chashm-e-mast-mast se mast is gulistaan mein piine aae hain har gul-e-saa-nagi-ba-dast se mast sab hain aaghosh-e-hosh mein 'amjad' ek hi huun dam-e-alast se mast"

"qarib-e-dil kharosh-e-sad-jahaan ham jo tum sun lo tumhaari daastaan ham kisi ko chaahne ki chaah mein gum jiye ban kar nigaah-e-tishnagaan ham har ik Thokar ki zad mein laakh manzil hamein DhunDo nasib-e-gumrahaan ham hamein samjho nigaah-e-naaz vaalo labon par kaanptaa harf-e-bayaan ham bujhi samton ki is nagri mein 'amjad' ubharte aaftaabon ki kamaan ham"

"chaandni mein saaya-haa-e-kaakh-o-ku mein ghumiye phir kisi ko chaahne ki aarzu mein ghumiye shaayad ik bhuli tamannaa miTte miTte ji uThe aur bhi is jalva-zaar-e-rang-o-bu mein ghumiye ruuh ke darbasta sannaaTon ko le kar apne saath hamhamaati mahfilon ki haao-hu mein ghumiye kyaa khabar kis moD par mahjur yaadein aa milein ghumti raahon pe gard-e-aarzu mein ghumiye zindagi ki raahatein milti nahin milti nahin zindagi kaa zahr pi kar justuju mein ghumiye kunj-dauraan ko nae ik zaaviye se dekhiye jin khalaaon mein niraale chaand ghumein ghumiye"

"qafas tak bhi pahunch hai yaa faqat ik aashiyaan tak hai rasaai dekhni hai barq-e-sozaan ki kahaan tak hai mujhe lazzat-kash-e-bedaad paa kar haath kyon rokaa zaraa to aazmaate hausla dil kaa kahaan tak hai yaqin apni vafaa par hai taghaaful kaa nahin shikva tiri begaangi ham jaante hain imtihaan tak hai nasheman phunk kar zaalim havaa detaa hai daaman ki ghubaar-e-khaatir-e-sayyaad khaak-e-aashiyaan tak hai zaraa saa dil hai lekin jaan hai bazm-e-do-aalam ki ye saari garmi-e-hangaama qalb-e-naa-tavaan tak hai shikast-e-dil kaa baais aarzu-e-dil ko Thahraayaa gumaan-e-nek tujh se bad-gumaan dekhaa kahaan tak hai yahi ruh-e-tamanna hai yahi hai jaan-e-dil 'kaifi' qafas mein zindagi apni khayaal-e-aashiyaan tak hai"

"chup raho tum bhi tumhaari bhi zabaani aur hai mujh se hi meri suno meri kahaani aur hai ek ko din se khushi hai dusre ko raat se din kaa raaja aur hai raaton ki raani aur hai ik tire gham par bahaa hai ek jalve par tire ashk-e-dida aur hai diide kaa paani aur hai ye nahin vo aab-e-baaraan baarhaa jo mil sake kaam hi mein laa ki aab-e-zindagaani aur hai aankh se utraa to aankhein tum chaDhaaoge miyaan dekh lenaa ye khumaar-e-khush-gumaani aur hai zindagi ke baa'd teri maut ‘akhtar-aazmi' kah rahi hai zindagi ki ik kahaani aur hai"

"meri palkon ki dahliz par is tarah mere ashkon na tum jagmagaate raho kaifiyat dil ki zaahir kisi par na ho gham khushi ki jhalak mein chhupaate raho Dagmagaane na do hauslon ke qadam apni himmat kaa rakhnaa hai tum ko bharam bijliyaan aashiyaana jalaati rahein tum nayaa aashiyaana banaate raho kar dein viraan na ye amn ki bastiyaan bughz-o-nafrat ki ye sar-phiri aandhiyaan in ko rakhnaa hai tum ko jo auqaat mein tum charaagh-e-mohabbat jalaate raho kyaa khabar kyaa hain aisi bhi majburiyaan baDh gaiin khuni rishton mein bhi duriyaan dosto ye taqaazaa hai haalaat kaa duriyaan tum dilon ki miTaate raho sar kaTe yaa rahe is kaa gham na karo zulm ke saamne tum kahin na jhuko jo ghalat hai tum us ki mazammat karo aur aavaaz-e-haq bhi uThaate raho ji lo khud ke liye kuchh nahin faaeda zindagi kaa hai 'aalam' yahi qaa'eda maqsad-e-zindagi hogaa haasil tumhein dusron ke sadaa kaam aate raho"

"mujhe sire se pakaD kar udheD deti hai main ek jhuuT vo sachche subut jaisi hai main roz roz tabassum mein chhuptaa phirtaa huun udaasi hai ki mujhe roz DhunDh leti hai zarur kuchh to banaaegi zindagi mujh ko qadam qadam pe miraa imtihaan leti hai jo ek phuul khilaa hai sahar ki palkon par tumhaare jism ki khushbu usi ke jaisi hai vo raushni jo sitaaron kaa khaas zevar hai amiiq aankhon mein aksar dikhaai deti hai"

"junun ke shauq mein yuun mahv-e-aashiqi na rahe ki mere bas mein ye meri hi zindagi na rahe lahu bhi apni ragon kaa charaagh mein Daalo havaa jahaan bhi chalegi yuun sar-phiri na rahe kamaal fan mein na itnaa bhi de mire maalik ki mere ishq ke lahje mein aajizi na rahe ye soch kar hi to main jald lauT aaya huun tu intizaar kare aur jaagti na rahe"

"dhuup mein qatra-e-shabnam ko taras jaaoge shahr mein gaanv ke mausam ko taras jaaoge zakhm itne tumhein aavaara-mizaaji degi gardish-e-vaqt ke marham ko taras jaaoge din mein jugnu ki tabaahi pe manaa lo khushiyaan shab mein chamkegaa to maatam ko taras jaaoge zindagi se kabhi aaraam talab mat karnaa dosto mehnat-e-paiham ko taras jaaoge aadamiyyat ke libaade mein raho tum varna ek din nisbat-e-aadam ko taras jaaoge aaj aasaani se miltaa huun to mil lo varna dekhne ke liye 'aalam' ko taras jaaoge"