main bahaaron ke ruup mein gum thaa — Sahba Akhtar

"ba-rang-e-sher gire aur baar baar gire hamaare zehn pe kirnon ke aabshaar gire ghamon ki raah mein saabit-qadam hain divaane bisaat-e-aish pe kitne nashaat-e-kaar gire chaman khulaa to nai nikhaton ke aanchal par shaguft-e-gul se tire aks be-shumaar gire zamin chaand kaa TukDaa hai jis ki zulmat par kai ujaale har ik shab sitaara-vaar gire hamein bhi fursat-e-yak-khvaab us fazaa mein jahaan kiran kiran lab-o-rukhsaar ki phuvaar gire ubhar rahaa hai jo mashriq ke har kharaabe se kise khabar ki kahaan jaa ke ye ghubaar gire"

"muhit misl-e-aasmaan zamin-e-fikr-o-fan pe huun sukut kaa sabab hai ye maqaam-e-laa-sukhan pe huun fazaa-e-laa-sabaat mein saraa-e-be-jihaat mein musaafiraana khanda-rez vaqt ki thakan pe huun mire nasib ki sahar ghurub ho gai kahaan nazar jamaae der se tiri kiran kiran pe huun sajaaun vo chaman jinhein khizaan kabhi na chhu sake tiri tarah jo hukmaraan shaguft har chaman pe huun aziz-tar hai tesha-e-hunar ghubaar-e-dard se tariq-e-qais par nahin tariq-e-koh-kan pe huun hujum-e-sad-khayaal se najaat mil sake agar to haasidaana mo'tariz kisi ki anjuman pe huun visaal hi visaal hai firaaq ab muhaal hai main tere har libaas ki tarah tire badan pe huun kisi ke shajra-e-sukhan se nisbat-e-sukhan nahin main aap apnaa muddai siyaadat-e-sukhan pe huun"

"savaal-e-subh-e-chaman zulmat-e-khizaan se uThaa ye nafaa kam to nahin hai jo is ziyaan se uThaa safina-raani-e-mahtaab dekhtaa koi ki ik talaatum-e-zau ju-e-kahkashaan se uThaa ghubaar-e-maah ki maqsum thaa khalaaon kaa bikhar gayaa to tire sang-e-aastaan se uThaa gham-e-zamaana tire naaz kyaa uThaaungaa ki naaz-e-dost bhi kam mujh se sargiraan se uThaa mire habib bahut kam-sabaat hai duniyaa mire habib bas ab haath imtihaan se uThaa bayaan-e-laghzish-e-aadam na kar ki vo fitna miri zamin se nahin tere aasmaan se uThaa kahaan chale ho liye naqd-e-jaan-o-dil 'sahbaa' ki kaarobaar-e-vafaa shahr-e-dil-baraan se uThaa"

"zer hone na diyaa himmat-e-aali ne mujhe sar-kashida hi rakhaa sarv-khayaali ne mujhe itne chehre to na the arzang-e-maani ko nasib jitne chehre diye aaina-khayaali ne mujhe main ne mansub kiyaa khun-e-jigar se varna sher bakhshe tire rukhsaar ki laali ne mujhe dil ne razzaaq-e-do-aalam ko pukaaraa kyaa kyaa rah mein rokaa jo kisi dast-e-savaali ne mujhe ye qalam-ru-e-sukhan hai to chalo yuun hi sahi mulk tafviz kiyaa jo mire vaali ne mujhe"

"guunj mire gambhir khayaalon ki mujh se Takraati hai aankhein band karun yaa kholun bijli kaunde jaati hai tanhaai ke dasht se guzro to mumkin hai tum bhi suno sannaaTe ki chikh jo mere kaanon ko pathraati hai kal ik nim-shagufta jism ke qurb se mujh par TuuT paDi aadhi raat ko adh-khili kaliyon se jo khush-bu aati hai suune gharon mein rahne vaale kundani chehre kahte hain saari saari raat akele-pan ki aag jalaati hai 'sahbaa' saahab dariyaa ho to dariyaa jaisi baat karo tez havaa se lahar to ik jauhaD mein bhi aa jaati hai"

"fard-e-isyaan ko vo siyaahi de jis ki vo zulf bhi gavaahi de be-amaan nim-jaan huun meri jaan mujh ko aaghosh-e-jaan-panaahi de apni zulfon ke saae mein mujh ko ek shab ki sitaara-jaahi de dil ke ujDe nagar ko kar aabaad is Dagar ko bhi koi raahi de main ne taamir qasr-e-shauq kiyaa tu ise muzhda-e-tabaahi de bakhshne vaale gul-rukhon ko jamaal mujh ko saamaan-e-khush-nigaahi de main asir-e-gumaan-e-zulmat huun etamaad-e-sahar-e-nigaahi de mujrim-e-ishq huun mujhe 'sahbaa' jo sazaa de vo be-gunaahi de"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"