main havaa huun kahaan vatan meraa — Ameeq Hanafi

"yuun huaa hai chaak malbus-e-yaqin siltaa nahin pheink denaa bhi hai mushkil dusraa miltaa nahin khvaab jo dekhe na the un ki sazaa to mil gai baarhaa dekhaa jinhein un kaa sila miltaa nahin chal rahi hai saans ki aandhi uDaa jaataa hai dil aas kaa pattaa hai aisaa Daal se hiltaa nahin meri himmat dekhiye is dasht mein letaa huun saans naqsh-e-paa-e-baad bhi jis dasht mein miltaa nahin"

"lambi raat se jab mili us ki zulf-e-daraaz khul kar saari gutthiyaan phir se ban gaiin raaz us ki ik aavaaz se sharmaayaa sangit saarangi kaa soz kyaa kyaa sitaar kaa saaz meraa qaail ho gayaa ye saaraa sansaar rang-e-naaz mein jab milaa meraa rang-e-niyaaz saazon kaa sangit kyaa paayal ki jhankaar kaun sune is shor mein dil teri aavaaz un aankhon mein Daal kar jab aankhein us raat main Duubaa to mil gae Duube hue jahaaz"

"ghubaar-o-gard ne samjhaa hai rahnumaa mujh ko talaash kartaa phiraa hai ye qaafila mujh ko tavil raah-e-safar par hain phuuT phuuT paDaa na kyuun samajhte mire pair aabla mujh ko shikast-e-dil ki sadaa huun bikhar bhi jaane de khutut-o-rang ki zanjir mat pinhaa mujh ko zamin par hai samundar falak pe abr-e-ghubaar utaarti hai kahaan dekhiye havaa mujh ko sukut tark-e-taalluq kaa ik garaan lamha banaa gayaa hai sadaaon kaa silsila mujh ko vo duur duur se ab kyuun mujhe jalaataa hai qarib aa ke bahut jo bujhaa gayaa mujh ko rachaa ke ek tilism-e-savaabit-o-sayyaar kashish mein apni bulaane lagaa khalaa mujh ko"

"'amiq' chheD ghazal gham ki intihaa kab hai ye maalve ki junun-khez chaudhvin shab hai mujhe shikaayat-e-talkhi-e-zahar-e-gham kab hai mire labon pe abhi kaif-e-shakkr-e-lab hai lakir khinchti chali jaa rahi hai ta-ba-jigar farogh-e-mai hai ki mashq-e-jaraahat-e-shab hai ye mahviyat hai ki roab-e-jamaal hai taari khilaaf-e-rasm-e-junun dil bahut muaddab hai kabhi haram mein hai kaafir to dair mein momin na jaane kyaa dil-e-divaana teraa mazhab hai bahut muhaal thaa varna ki dil fareb mein aae kisi ke gham se gham-e-kaaenaat ki chhab hai chaman mein phuul khilaati phire bahaar to kyaa kisi ke band-e-qabaa TuTne lagein tab hai"

"arz-e-muddaaa karte kyuun nahin kiyaa ham ne khvaahishon ko hasrat mein khud badal diyaa ham ne nit nai umidon ke Taank Taank kar paivand zindagi ke daaman ko umr-bhar siyaa ham ne ranj-o-gham uThaae hain fikr-o-fan bhi paae hain zindagi ko jitnaa bhi ji sake jiyaa ham ne subh kaa nayaa suraj kuchh to raushni legaa shaam se jalaayaa hai aas kaa diyaa ham ne daagh-e-dil ki zardaari muft haath kab aai khaak ho ke paayaa hai raaz-e-kimiyaa ham ne"

"ru-e-sukhan janaab ki jaanib kabhi na thaa aavaaz ko udhar bhi uDaa le gai havaa jangal ke ek goshe mein thaa meraa naqsh-e-paa chal chal ke us hujum ne bilkul miTaa diyaa lau de uThaa thaa meri lapaT se har ik hijaab daaman hi bach gayaa thaa ise kyon bachaa liyaa ghar mein ghanaa andheraa hai baahar siyaah raat aise mein kis ne khvaab-e-sahar se jagaa diyaa andar nuqush-e-paa-o-sadaa jaavedaan hue baahar nuqush-e-paa-o-sadaa kuchh na bach sakaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ba-zom-e-aql ye kaisaa gunaah main ne kiyaa ik aainaa thaa usi ko siyaah main ne kiyaa ye shahr-e-kam-nazaraan ye dayaar-e-be-hunaraan kise ye apne hunar kaa gavaah main ne kiyaa harim-e-dil ko jalaane lagaa thaa ek khayaal so gul use bhi ba-yak sard aah main ne kiyaa vahi yaqin rahaa hai javaaz-e-ham-safari jo gaah us ne kiyaa aur gaah main ne kiyaa bas ek dil hi to hai vaaqif-e-rumuz-e-hayaat so shahr-e-jaan kaa use sarbaraah main ne kiyaa har ek ranj usi baab mein kiyaa hai raqam zaraa saa gham thaa jise be-panaah main ne kiyaa ye raah-e-ishq bahut sahl ho gai jab se hisaar-e-zaat ko paivand-e-raah main ne kiyaa ye umr ki hai basar kuchh ajab tavaazun se tiraa huaa na hi khud se nibaah main ne kiyaa khirad ne dil se kahaa tu junun-sifat hi sahi na puchh us ki ki jis ko tabaah main ne kiyaa"

"kaam liyaa jab lafzon hi se khud ko bas naakaam kiyaa baat asar-andaaz hui jab she'ron ko paighaam kiyaa ye kaise saari duniyaa mein aaj bahut mashhur ho tum vaise to saari duniyaa ne tum ko bahut gumnaam kiyaa yak-rangi se 'aajiz aa kar rangaa-rangi ki khaatir jo mujh ko raas aayaa thaa us nilam ko nilaam kiyaa aksar tanhaai mein mujh ko yaad aa jaataa hai vo sab haan aaghaaz se pahle hi jis ko main ne anjaam kiyaa khaamoshi pas fan hai khudaa kaa sikhaa ham ne bhi lekin har-su roz machaayaa tahalka yaa paidaa kohraam kiyaa vaqt ke saath aur aap ke haathon qadrein kitni badli hain ek ilzaam se kitnaa kam hai haasil jo in'aam kiyaa kahiye husn aur 'ishq ko de kar apne dil ke khuun kaa lams kis ne use gul-rang kiyaa phir kis ne use gulfaam kiyaa ab kaa fasaad aaraam se guzre is koshish mein us ne to qashqa khinchaa dair mein baiThaa kab kaa tark islaam kiyaa"

"log kahte hain ki qaatil ko masihaa kahiye kaise mumkin hai andheron ko ujaalaa kahiye chehre paDhnaa to sabhi siikh gae hain lekin kaisi tahzib hai apnon ko paraayaa kahiye jaane pahchaane hue chehre nazar aate hain vaqt qaatil hai yahaan kis ko masihaa kahiye aap jis peD ke saae mein khaDe hain is ko sehn-e-gulshan nahin jaltaa huaa sahraa kahiye sab ke chehron pe hain akhlaaq-o-muravvat ke naqaab kis ko apnaa yahaan aur kis ko paraayaa kahiye shab ke maathe pe koi saaya numudaar huaa us ko ab pyaar ke aangan kaa saveraa kahiye zahr-e-tanhaai-e-gham pi ke mohabbat mein 'khayaal' kis tarah maut ko jiine kaa sahaaraa kahiye"

"vo dost thaa to usi ko adu bhi honaa thaa lahu pahan ke mujhe surkh-ru bhi honaa thaa sunahri haath mein taaza lahu ki fasl na di ki apne haq ke liye jang-ju bhi honaa thaa bagula ban ke samundar mein khaak uDaanaa thi ki lahar lahar mujhe tund-khu bhi honaa thaa mire hi harf dikhaate the meri shakl mujhe ye ishtihaar mire ru-ba-ru bhi honaa thaa kashish thi phuul si is mein to laa-muhaala mujhe asir-e-rang giraftaar-e-bu bhi honaa thaa sazaa to milnaa thi mujh ko barahna lafzon ki zabaan ke saath labon ko rafu bhi honaa thaa safar kaa bojh uThaane se peshtar 'saajid' mizaaj-daan-e-rah-e-justuju bhi honaa thaa"

"ab tire lams ko yaad karne kaa ik silsila aur divaana-pan rah gayaa tu kahin kho gayaa aur pahlu mein teri shabaahat liye ik badan rah gayaa vo saraapaa tiraa vo tire khaal-o-khad meri yaadon mein sab muntashir ho gae lafz ki justuju mein laraztaa huaa nim-vaa saa faqat ik dahan rah gayaa harf ke harf se kyaa tazaadaat hain tu ne bhi kuchh kahaa main ne bhi kuchh kahaa tere pahlu mein duniyaa simaTti gai mere hisse mein harf-e-sukhan rah gayaa tere jaane se mujh par ye uqda khulaa rang-o-khushbu to bas teri miraas the ek hasrat saji rah gai gul-ba-gul ek maatam chaman-dar-chaman rah gayaa ek be-naam khvaahish ki paadaash mein teri palkein bhi baaham piro di gaiin ek vahshat ko sairaab karte hue mein bhi aankhon mein le kar thakan rah gayaa arsa-e-khvaab se vaqt maujud ke raaste mein ganvaa di gai guftugu ek israar ki bebasi rah gai ek inkaar kaa baankpan rah gayaa tu sitaaron ko apni jilau mein liye jaa rahaa thaa tujhe kyaa khabar kyaa huaa ik tamannaa dariche mein baiThi rahi ek bistar kahin be-shikan rah gayaa"