main sahraa mein samundar kyuun — Hamdoon Usmani

"main huun aur mashghala-e-jaama-dari hai yaahu kaif-dar-kaif 'ajab be-khabari hai yaa-hu har taraf sahar-e-nafi khauf-e-abad taari hai jaan levaa ye baligh-un-nazari hai yaahu hast-dar-hast hijaabaat ke sahraa Thahre kyaa ye tashrih-e-maqaam-e-bashri hai yaahu puuri quvvat se na kyuun dauDun abad ki jaanib ziist ik aalam-e-afraatafri hai yaahu ik sanvartaa huaa lamha to kahin mil jaataa dekh chehre pe mire dar-ba-dari hai yaahu in-o-aan jab mere purkaar ki gardish ke asiir phir ye kyuun kis liye daryuza-gari hai yaahu mere afkaar hain iblaagh-gazida to kyaa ek nae taur ki ye dida-vari hai yaahu"

"ik mujassam dard huun ik aah huun phir bhi zeb-o-zinat-e-afvaah huun main ne duniyaa ki pasand oDhi nahin kuchh bhi huun phir bhi to haq-aagaah huun sadd-e-lahm-o-ustukhvaan hote hue har nafas ab bhi tire hamraah huun karb vahshat gham masaail ke tufail aaj tak zinda ba-hamdillaah huun mere naqsh-e-paa se nikle raaste log phir bhi kahte hain gumraah huun parvarish paati hai jis se tirgi main vahi farzand-e-mehr-o-maah huun mai-kade ki rah se tujh ko paa liyaa log kahte hain ki main gumraah huun"

"nochti hain mujhe karb ki chyunTiyaan saaqiyaa saaqiyaa talkhiyaan talkhiyaan main kahaan aa gayaa har taraf hai yahaan bad-gumaan saaaton kaa bhayaanak dhuaan hain ye anfaas yaa hai papihe ki raT pheink aauun samaaat ko jaa kar kahaan ek lamha azal ek lamha abad sirf do saaaton ki hai ye daastaan main vo izaa-kash-e-fikr huun aaj tak jo uDaataa rahaa apni hi dhajjiyaan sab dalilein hain makkaar chehre paDho jin pe hone ki jhunjhlaahaTein hain ayaan mil gai mujh ko ThanDi nadaamat shikast kaash mil jaae ab manzil-e-raaegaan jism ki unchi divaar aa phaand kar kuchh to kaamil karein qissa-e-khun-chakaan jab bhi chaahaa koi nazm us par likhun khud-ba-khud thartharaane lagin ungliyaan ab hai ye haal tanhaai khud chikhe hai al-hafiz al-hafiz al-amaan al-amaan main samundar se apne taqaabul mein gum chand bachche the chunte rahe sipiyaan shaadi 'hamdun' hai qurbaton ki jazaa har qadam haadse har nafas imtihaan"

"saanson ko karb ziist gham-e-be-panaah ko kis kis ko mutmain main karun khvaah-makhvaah ko suraj ke paar dekh sako gar miri tarah tab jaa ke paaoge miri hadd-e-nigaah ko main is fareb-gah mein vo aadam-gazida huun DhunDe hai jo andheron mein jaa-e-panaah ko apnaa na main huaa to bhalaa kaun hai miraa apnaae kyuun koi kisi gum-karda-raah ko main haadson ki bhiiD mein tanhaa khaDaa huaa aavaaz de rahaa huun kisi khair-khvaah ko saaya bhi ham-qadam na miraa ho isi liye khaatir mein laayaa main na kisi intibaah ko"

"dar dar phire hain aap liye chashm-tar janaab batlaaiye kisi pe huaa kuchh asar janaab ab mundiye bhi aankh ki nazaara kar chuke kab kaamyaab-e-zist hue dida-var janaab ik sai-e-raaegaan hai shuaaon ko thaamnaa taarikiyaan hain un se kujaa mo'atabar janaab uThiye qimaar-khaana-e-hosh-o-havaas se kyaa ho rahe hain kijiye khud par nazar janaab chaliye bhi ab ki shaam hui mai-kadaa chalein kyaa kijiyegaa rakh ke kisi ki khabar janaab"

"is daur mein jiine kaa sabab kis se kahein kyaa ye sochnaa paDtaa hai ki kab kis se kahein kyaa targhib-e-khud-izaai to un honTon ne di thi kyuun phunk di duniyaa-e-tarab kis se kahein kyaa har koi to apne ko yahaan bech rahaa hai phailaaein kahaan dast-e-talab kis se kahein kyaa din shaklon ke sailaab mein bah jaataa hai lekin mere liye kyaa laati hai shab kis se kahein kyaa bas karb ki chaadar mire tan se na haTaanaa baaqi nahin kuchh kahne ko ab kis se kahein kyaa is bazm-e-alaaeq mein na saamea hai na baasir har samt hai ik shor-o-shaghab kis se kahein kyaa be-kaar taqaazaa-e-vafaa karnaa hai 'hamdun' ab ho bhi chuke jaan-ba-lab kis se kahein kyaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"