majruh-e-aarzu kabhi meraa jigar na ho — Abdul Mannan Bedil Azimabadi

"maail us but kaa jidhar tir-e-nazar hotaa hai surat-e-qibla-numaa dil bhi udhar hotaa hai dard siine mein kahaan aur kidhar hotaa hai ye to ham kah nahin sakte hain magar hotaa hai mutmain aap rahein khauf ki kuchh baat nahin kahin aashiq ke bhi naalon mein asar hotaa hai dil huaa jaataa hai jaulaan-gah-e-yaas-o-hirmaan dekh kis tarah se viraan tiraa ghar hotaa hai meri tadbir pe hans deti hai taqdir miri naala jis vaqt ki juyaa-e-asar hotaa hai tujh ko Dar kyaa hai miraa qissa-e-gham sun to sahi kahin aashiq ke bayaan mein bhi asar hotaa hai jaaguzin hotaa hai ik dil mein koi parda-nashin yaani ab rashk-e-do-sad kaaba ye ghar hotaa hai rahm kyon aae unhein sun ke hamaaraa naama kab siyah-bakhton ke rone mein asar hotaa hai vaaizo kaaba ki taarif se saabit ye huaa ki sanam-khaana hi allaah kaa ghar hotaa hai barg-haa-e-gul-e-tar kaise bikhar jaate hain girya-e-bulbul-e-naalaan mein asar hotaa hai zaahid-e-gosha-nashin kab use pahchaan sakaa vahi aarif hai jise zauq-e-nazar hotaa hai shab ko sab logon se poshida janaab-e-'bedil' aap kaa jaanaa ye har roz kidhar hotaa hai"

"meraa lab-e-khamosh agar iltijaa kare shaayad tiri nigaah-e-karam e'tinaa kare allaah zor-e-be-asari kaa bhalaa kare yaksaan hai koi naala kare yaa duaa kare dil e'timaad-e-vaada-e-sabr-aazmaa kare kaam apnaa teri shokhi-e-taaqat-rubaa kare us kaa shabaab josh pe aae khudaa kare dil zindagi se haath uThaa kar duaa kare gar ho sake to itnaa shahid-e-jafaa kare tegh-e-nigaah-e-yaar ke haq mein duaa kare parvaana daur-e-gard-e-bisaat-e-umid ho dar-parda shama-e-bazm-e-mohabbat jalaa kare izaa-kushi kaa daur bahaar-e-hayaat hai dil apnaa gul-faroshi-e-daagh-e-jafaa kare kuchh ikhtiyaar bhi hai jo majburiyaan hain kuchh is kashmakash mein kahiye to insaan kyaa kare pahunche ye arsh par bhi to parvaa na ho unhein kahiye to naala meraa rasaa ho ke kyaa kare aah-e-falak-rasaa se to kuchh bhi na ho sakaa shaayad ki kuchh bulandi-e-dast-e-duaa kare majburi-e-atam mein hai zor ikhtiyaar kaa jo kaam mujh se ho na sake vo khudaa kare quraan mein likhaa hai jo laa-taqnatu sarih zauq-e-nigaah kahiye to kyunkar khataa kare kyon chheDein shokhiyaan dil-e-shorish-pasand ko kyon baiThe baiThe koi qayaamat bapaa kare phir daam mein phansungaa ki main said-e-shauq huun sayyaad mashq ke liye mujh ko rihaa kare lab aashnaa-e-aarzu-e-dil kabhi na ho aur maajraa-e-ishq kaa qissa huaa kare 'bedil' jo mast ho khabar-e-fasl-e-gul se vo daavaa-e-paarsaai-e-be-sarfa kyaa kare"

"kyon kahaa paas tire aaina-e-dil na rahe kyaa ye khvaahish hai koi teraa muqaabil na rahe taalib-e-dard ko matlub hai saamaan-e-tapish nashtar-e-gham rahe pahlu mein agar dil na rahe un ki ye zid hai niraali ki mire siine mein dil-e-vaarafta rahe aarzu-e-dil na rahe haath bismil ne baDhaayaa hai lipaT jaane ko ki kafan ban ke rahe daaman-e-qaatil na rahe rahrav-e-raah-e-mohabbat ko hidaayat ye hai jaada-paimaai rahe hasrat-e-manzil na rahe khaana-e-dil mein utarne kaa ye matlab Thahraa mehmaan ban ke rahe khanjar-e-qaatil na rahe qatl-e-ushshaaq se qaatil kaa ye matlab to nahin ghaayat-e-ishq-o-vafaa uqda-e-mushkil na rahe de ke jaan is liye letaa huun sukun-e-khaatir daaimi ban ke rahe daulat-e-aajil na rahe kyon khafaa hote ho divaanon ki khvaahish ye hai naghma-e-ishq bane shor-e-salaasil na rahe nazr-e-gham is liye ki jaan-e-hazin 'bedil' ne us ki gardan pe kahin minnat-e-qaatil na rahe"

"saaqi phir aaya saaghar-e-sahbaa liye hue yaa meri zindagi kaa sahaaraa liye hue aankhon mein hain vo chashma-e-sahbaa liye hue yaa aab-e-zindagi ke hain dariyaa liye hue baiThaa huun intizaar mein ik hila-ju ke phir rag-rag mein iztiraab ki duniyaa liye hue tajdid-e-vaada phir hui tamhid-e-iztiraab phir khirman-e-umid hai shoala liye hue nazr-e-nigaah-e-nargis-e-mastaana ho gayaa aaya thaa shaikh khirqa-e-taqvaa liye hue meraa sukut matlab-e-be-lafz ho to ho main aauun aur arz-e-tamannaa liye hue is tarah us ki bazm se dil le chalaa huun main jis tarah koi jaae janaaza liye hue phir kar rahaa huun ghaur vajuhaat-e-ishq par us paikar-e-jamaal kaa naqsha liye hue zaalim kaa har sitam hai tavajjoh ki ik dalil us ki jafaa vafaa kaa hai naqsha liye hue phir jaa rahaa hai 'bedil'-e-afsurda dekhiye ghaarat-gar-e-sukun ki tamanna liye hue"

"doston ko yuun sataanaa chhoD de dushmanon kaa dil baDhaanaa chhoD de tum hi duniyaa bhi miri ho diin bhi kyaa hai gar saaraa zamaana chhoD de haal-e-dil kahnaa jo chaahaa ye kahaa be-sar-o-paa ye fasaana chhoD de bazm-e-dushman mein vo jaa kar luT gae rahzan aur aisaa khazaanaa chhoD de sharm kar ai dil taghaaful us kaa dekh ab bhi haal-e-dil sunaanaa chhoD de taab-e-nazzaara se khud mahrum hain aashiqon se munh chhupaanaa chhoD de us ko main parda-nashin samjhun agar meri nazron mein samaanaa chhoD de tund mai aur saaqiyaa vo shoala-khu aag paani mein lagaanaa chhoD de daagh-e-dil bulbul ko hai rashk-e-bahaar kyon khizaan mein chahchahaanaa chhoD de kyon jiye kyunkar jiye 'bedil' agar mahvashon se dil lagaanaa chhoD de"

"dekhne vaale ye bole chashm-haa-e-yaar ke ye to mastaane hain shaayad khaana-e-khammaar ke dil miraa shaayad hai shaidaaon mein tir-e-yaar ke zakhm-haa-e-dil mushaabah hain lab-e-sofaar ke paar utaaraa bahr-e-naa-paidaa-kanaar-e-ishq se sadqe jaaun kyon na teri tegh-e-langar-daar ke uTh sakaa hargiz kisi surat na teraa naa-tavaan dab gayaa jo niche tere saaya-e-divaar ke kyaa khabar us ko ki kab raat aai aur kab din gayaa roz-o-shab yaksaan hain aage chashm-e-shab-bedaar ke jaan-fazaai gham-rubaai dilkashi farhat-dahi hain khavaas-e-khaas ye khaak-e-dar-e-dildaar ke jo dikhaa de jalva ru-e-shaahid-e-maqsud kaa sadqe saaqi is sharaab-e-aaina-kirdaar ke ishq mein us but ke rahbaan-o-shuyukh-o-barhaman hain ye sab ke sab muqayyad rishta-e-zunnaar ke bole behtar hai husul-e-aarzu se aarzu vaah sadqe jaaiye is pahlu-e-inkaar ke gham uThaanaa zulm sahnaa sabr karnaa yaa ki shukr kaun hai husn-e-amal laaeq tiri sarkaar ke kyon na main samjhun ki mujh ko mil gai daad-e-sukhan vo bahut shaaeq hain ai 'bedil' mire ashaar ke"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"