mausam-e-gul mein yahi raae hai divaanon ki — Bismil Allahabadi

"jo na karnaa thaa kiyaa jo kuchh na honaa thaa huaa chaar din ki zindagi mein kyaa kahein kyaa kyaa huaa ye samajh kar ham nahin kahte kisi se raaz-e-dil is taraf niklaa zabaan se us taraf charchaa huaa bhar ke ThanDi saans liin bimaar ne jab karvaTein vo kaleja thaam kar kahne lage ye kyaa huaa suniye suniye aatish-e-gham se hue ham jal ke khaak kahiye kahiye ab kaleja aap kaa ThanDaa huaa mere chehre se ayaan hai dekh lo pahchaan lo ye na puchho dil kaa aalam dil kaa naqsha kyaa huaa"

"saaz-e-hasti kaa ajab josh nazar aataa hai ik zamaana hama-tan-gosh nazar aataa hai hasrat-e-jalva-e-didaar ho puuri kyunkar vo tasavvur mein bhi ru-posh nazar aataa hai dekhte jaao zaraa shahr-e-khamoshaan kaa samaan ki zamaana yahaan khaamosh nazar aataa hai aap ke nashtar-e-mizhgaan ko chubho letaa huun khun-e-dil mein jo kabhi josh nazar aataa hai aap hi sirf jafaa-kosh nazar aate hain saaraa aalam to vafaa-kosh nazar aataa hai mausam-e-gul na rahaa dil na rahaa ji na rahaa phir bhi vahshat kaa vahi josh nazar aataa hai shaana-e-yaar pe bikhri to nahin zulf-e-daraaz har koi khaanumaan bar-dosh nazar aataa hai jalva-e-qudrat-e-baari kaa muamma na khulaa ru-ba-ru rah ke bhi ru-posh nazar aataa hai phir zaraa khanjar-e-qaatil ko khabar de koi khun-e-'bismil' mein vahi josh nazar aataa hai"

"tum ko ye hai agar yaqin dil mein vo jalva-gar nahin DhunDhaa karo tamaam umr milne kaa umr-bhar nahin aae na aae be-khabar kyaa tujhe ye khabar nahin saans kaa e'tibaar kyaa shaam hai to sahar nahin dair ho kaaba ho ki dil kis mein vo jalva-gar nahin dekh sakun magar use itni miri nazar nahin kunj-e-qafas mein andalib muztar-o-bekas-o-gharib kahne ko baal-o-par to hain uDne ko baal-o-par nahin dil mein balaa kaa josh hai sar liye sarfarosh hai jiine kaa hosh hai kahaan marne kaa us ko Dar nahin toD rahaa hai aaj dam gham mein koi mariz-e-gham phir bhi hain aap be-khabar aap ko kuchh khabar nahin jaan gae ye mar ke ham mulk-e-adam thaa do-qadam khatm ho jald jo safar aisaa koi safar nahin parde mein aap baiTh kar rakhte hain har taraf nazar aur zabaan par ye hai shokh miri nazar nahin lab pe hai naara-e-alast jhuum rahaa hai koi mast chhaai hai aisi be-khudi apni use khabar nahin uf ye miraa nasib-e-bad jaa ke bani kahaan lahad sab ki hai rahguzar jahaan aap ki rahguzar nahin baat ye tum ne sach kahi 'bismil' be-hunar sahi ye bhi hai ik baDaa hunar is mein koi hunar nahin"

"jo kahein vo kar dikhaaein is ke ham 'aamil nahin do zabaanein kyon nahin kis vaaste do dil nahin pher lungaa main chhuri gardan par apne haath se marne vaale ke liye marnaa koi mushkil nahin kashti-e-dil gharq ho jaae na ai girdaab-e-gham har taraf dariyaa hi dariyaa hai kahin saahil nahin dil se nikle lab tak aae lab se pahunche 'arsh tak dil hi dil mein jo rahe ghuT kar vo aah-e-dil nahin rokti hai is iraade se mujhe meri umiid main samajhtaa thaa ki mar jaanaa koi mushkil nahin har nafas kahtaa hai thak thak kar ye mujh se har nafas rahrav-e-gum-karda-manzil ki koi manzil nahin kyaa karun ai khanjar-e-gham kyaa karun ai tir-e-‘ishq hain to do pahlu magar donon mein ek ik dil nahin aas tum ne toD di apne mariz-e-‘ishq ki us ke munh par kyon kahaa jiine ke ye qaabil nahin log kahte hain ki vo qaatil baDaa be-dard hai us ko bhi bismil na main kar duun to phir 'bismil' nahin"

"ye kaisi aag abhi ai sham' tere dil mein baaqi hai koi parvaana jal marne ko kyaa mahfil mein baaqi hai hazaaron uTh gae duniyaa se apni jaan de de kar magar ik bhiiD phir bhi kucha-e-qaatil mein baaqi hai hue vo mutmain kyuun sirf mere dam nikalne par abhi to ek duniyaa-e-tamannaa dil mein baaqi hai huaa thaa gharq bahr-e-ishq is andaaz se koi ki naqsha Dubne kaa dida-e-saahil mein baaqi hai qazaa se koi ye kah de ki mushtaaq-e-shahaadat huun abhi ik marne vaalaa kucha-e-qaatil mein baaqi hai kahaan fursat hujum-e-ranj-o-gham se ham jo ye jaanchein ki nikli kyaa tamannaa kyaa tamannaa dil mein baaqi hai abhi se apnaa dil thaame hue kyuun log baiThe hain abhi to hashr uThne ko tiri mahfil mein baaqi hai vahaan the jam' jitne marne vaale mar gae vo sab qazaa le-de ke bas ab kucha-e-qaatil mein baaqi hai abhi se tu ne qaatil myaan mein talvaar kyuun rakh li abhi to jaan thoDi si tan-e-'bismil' mein baaqi hai"

"yaad aataa hai samaan mujh ko khud-aaraai kaa chaandni raat mein aalam tiri angDaai kaa aaina aaina-ruyon ko ye detaa hai sabaq kuchh samajh buujh ke daavaa karo yaktaai kaa aur bhi josh baDhaa ho gaiin maujein be-taab aks dariyaa mein paDaa jab tiri angDaai kaa mere dil mein miri aankhon mein hain teri shaklein zeb detaa nahin daavaa tujhe yaktaai kaa dil huaa zer-o-zabar aah bhi ham kar na sake rah gae dekh ke naqsha tiri angDaai kaa"

"phir khuun mein vahshat raqsaan hai tajdid sitam karne ke liye ik taaza zakhm ki khvaahish hai ik sadma kam karne ke liye ham din-bhar duniyaa-daari mein hans hans ke baatein karte hain phir saari raat pighalte hain ik ashk raqam karne ke liye vo vasl ki jis ne ham donon ko yaksar be-buniyaad kiyaa ab fursat hai aa mil baiThein us vasl kaa gham karne ke liye ik kaari zakhm ki chaahat ne kyaa kyaa na hamein gulzaar kiyaa ham kis kis se mansub hue ik hijr baham karne ke liye insaan ke jiine marne ke majburi ke mukhtaari ke ye saare khel zaruri hain taamir adam karne ke liye"

"chaand bhi khoyaa khoyaa saa hai taare bhi khvaabida hain aaj fazaa ke bojhal-pan se lahje bhi sanjida hain jaane kin kin logon se is dard ke kyaa kyaa rishte the hijr ki is aabaad saraa mein sab chehre naadida hain itne barson baad bhi donon kaise TuuT ke milte hain tu hai kitnaa saada-dil aur ham kitne pechida hain sun jaanaan ham tark-e-taalluq aur kisi din kar leinge aaj tujhe bhi ujlat si hai ham bhi kuchh ranjida hain kaanon mein ik sargoshi hai be-maani si sargoshi aankhon mein kuchh khvaab saje hain khvaab bhi umr-rasida hain ghar ki vo makhdush imaarat gir ke phir taamir hui ab aangan mein peD hain jitne saare shaakh burida hain is basti mein ek saDak hai jis se ham ko nafrat hai us ke niche pagDanDi hai jis ke ham girvida hain"

"raftagaan ki sadaa nahin main huun ye tiraa vaahima nahin main huun tere maazi ke saath dafn kahin meraa ik vaaqi'a nahin main huun kyaa milaa intihaa-pasandi se kyaa main tere sivaa nahin main huun ek muddat mein jaa ke mujh pe khulaa chaand hasrat-zada nahin main huun us ne mujh ko muhaal jaan liyaa main ye kahtaa rahaa nahin main huun main hi 'ujlat mein aa gayaa thaa idhar ye zamaana nayaa nahin main huun meri vahshat se Dar gae shaayad yaar baad-e-fanaa nahin main huun main tire saath rah gayaa huun kahin vaqt Thahraa huaa nahin main huun gaahe gaahe sukhan zaruri hai saamne aaina nahin main huun sarsari kyuun guzartaa hai mujh se ye miraa maajraa nahin main huun us ne puchhaa kahaan gayaa vo shakhs kyaa bataataa ki thaa nahin main huun ye kise dekhtaa hai mujh se udhar tere aage khalaa nahin main huun"

"dast-kash hon na mai-e-gul ke khush-aashaam abhi ki labaalab hain mah-o-mehr ke do-jaam abhi zehn mein saaqi hai mai-khaana hai hai jaam abhi hosh kahtaa huun ise hosh kaa kyaa kaam abhi mujh ko darkaar na hai kufr na islaam abhi sidhe sidhe hi chale aate hain paighaam abhi tu bhi baaqi tiri rahmat bhi hai baaqi saaqi rahne de hai mai-e-isyaan se baDaa kaam abhi khaal-o-gesu se hai ye silsila-e-raaz-o-niyaaz daana sad-daana ho ye daam ho sad-daam abhi ziist ke khvaab ki taabir abhi baaqi hai ibtidaa dekh chuke hai magar anjaam abhi rah-rav-e-ishq abhi duur hai mearaaj-e-habib rashk-e-manzil na huaa raah mein har gaam abhi zarra-zarra hai ik aatish-kada-e-nur kalim dekh agar tu na ho aatish-zada-e-baam abhi imtiyaaz-e-man-o-tu raaz-e-khafi hai lekin khaasgaan ke liye kahtaa huun sar-e-aam abhi aks ko zo'm hai be-misli-e-rang-o-bu kaa turfa ye hai ki muqaabil hai vo gulfaam abhi raaz-goi tiri 'aiman' hai gunaah-e-akbar maang le afv ki us kaa hai karam aam abhi"

"baad-e-shimaal chalne lagi ang ang mein lipTaa hai kaun mujh se ye patjhaD ke rang mein khvaahish ke kaarobaar se bachnaa muhaal hai utregaa tu bhi saath mire is surang mein main aandhiyon mein haath bhi pakDun tiraa to kyaa ik shaakh-e-be-siper huun havaaon ki jang mein 'raanjhaa' main 'ahd-e-nau kaa qabilon mein baT gayaa to 'hir' ban ke pi na saki zahr jhang mein garmaa sakin na chaahatein teraa kaThor jism har ek jal ke bujh gai tasvir sang mein aage 'musavvir' aag 'aqab mein hai ye sadaa pichhe na muD ke dekhnaa is dasht-e-sang mein"

"tifli piiri o naujavaani hech tiin din ki hai zindagaani hech umr-e-do-roza par ghamanD itnaa munimon ki hai lan-taraani hech raat thoDi hai aao pyaar karein subh ko hogi ye kahaani hech chaar din ki bahaar hai saari ye takabbur hai yaar-e-jaani hech dil ke haathon 'haqir' jhagDon mein meri guzri sadaa javaani hech"