miraa vajud shumaar-e-nafas mein aayaa naiin — Aqib Sabir

"hai itni dhuup ki tanhaaiyaan ujaalti hai nigaah aaTh-pahar aaina khangaalti hai main ghaur-o-fikr ki gahraaiyon mein hotaa huun tire khayaal ki naddi mujhe uchhaalti hai har ek lamha huun main khud-kushi pe aamaada kisi tarah mujhe masrufiyat sanbhaalti hai vahaan se pahle kahin justuju na mar jaae jahaan umiid koi raasta nikaalti hai suno ki dil mein adaa ho rahi hai aap se aap vo ek baat jo kahne mein dam nikaalti hai"

"agar ye raah pahle hi se Thahraai nahin hoti safar hotaa par aisi aabla-paai nahin hoti dikhaai kuchh nahin detaa sivaae tang-nazri ke basirat ki zamaanat sirf binaai nahin hoti tujhe to 'ilm hai qaasid par un se mukhtasar kahnaa ziyaada bolne vaalon mein gahraai nahin hoti koi insaan apne aap mein tanhaa nahin hotaa kisi ki dastaras mein itni tanhaai nahin hoti bahut se rabt ik-tarfa bhi hote hain ta’alluq mein baraabar 'ishq ke phande mein giraai nahin hoti akele mein mujhe sharmindagi mahsus hoti hai na jaane kitne jazbon se shanaasaai nahin hoti"

"tumhaare paas aane kaa ishaara ho gayaa hai har ik lamha tumhaaraa isti'aara ho gayaa hai ye main hi huun jo itne aainon mein aa gayaa huun ki zo'm-e-aashnaai paara-paara ho gayaa hai tumhaari chaah ik Thahraav le aai hai is mein ye dil dariyaa thaa pahle ab kinaara ho gayaa hai tiri shamshir tak kaanTon pe chal kar aa rahe the har ik neze pe ik gul aashkaara ho gayaa hai mire chaaron taraf bas raushni hi raushni hai ki ik sho'la miri aankhon kaa taara ho gayaa hai"

"nafas nafas zindagi ke ho kar ajal ki tashhir kar rahe hain ye kis jatan mein lage hain ham sab kise jahaangir kar rahe hain kahaan pata thaa tiri shafaq hi pas-e-ghubaar-e-zavaal hogi tujhi ko mismaar kar diyaa thaa tiri hi taamir kar rahe hain rah-e-shahaadat pe sar ke hamraah ik aaseb chal rahaa hai hamin na niklein yazid-e-dauraan ki khud ko shabbir kar rahe hain sadaaein deti hui khalaaein kahin zaminon tak aa na jaaein ye khvaab-kaari-e-pur-takalluf baraa-e-taabir kar rahe hain agarche pahle yaqin kam thaa par ab to tasdiq ho chuki hai na jaane radd-e-amal mein kyuun ham mazid taakhir kar rahe hain hamaare saare gunaah vaaiz maqaala-e-iftitaahiya hain abhi to ham naama-e-amal kaa muqaddama tahrir kar rahe hain"

"tishna-kaami mein ri'aayat nahin karne vaale ham amaanat mein khayaanat nahin karne vaale raushni ham pe 'inaayat nahin karne vaali ham charaaghon se shikaayat nahin karne vaale ham se ye kaar-e-musaafat nahin hone vaalaa zindagi teri qayaadat nahin karne vaale ham se ayyaam ki gardish nahin dekhi jaati khair ham is ki vazaahat nahin karne vaale hasb-e-maqdur hamein khaak uDaani hai so ham jism-e-khasta ki marammat nahin karne vaale phir vahi khvaab vahi zid nahin 'aaqib-saabir' ham usulon se baghaavat nahin karne vaale"

"sabza milaa hai yaad kaa maazi ke regzaar se baaqi hain aashnaaiyaan shaayad abhi bahaar se suntaa huun ek baazgasht aati hui qarib-tar lagti hui javaab si milti hui pukaar se tir-e-nazar bhi tez thaa ham bhi hadaf the hoshiyaar aae usi ke saamne bachte hue shikaar se jo bhi hai dil mein aap ke khul kar bataaiye hamein kahte hain aap Thiik hain rahte hain be-qaraar se chaaraa-garaan-e-shahr ko zarre mile jale hue aakhir mein ek raushni phuTi mire ghubaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"hai jo ik maa'raka faisal nahin hone detaa jin vo ho ke mujhe botal nahin hone detaa qatl ik roz hi kartaa huun isi goshe mein aur saabit ise maqtal nahin hone detaa zid hai us ki ki har ik shaakh ho phir sabz hi sabz garche paidaa koi konpal nahin hone detaa raushni apne khayaalon hi se karni hogi koi raushan kahin mash'al nahin hone detaa chun-ki miTTi ki bhi ek apni alag khushbu hai main kahin bhi ise sandal nahin hone detaa ik parinda ki jo sahtaa hai havaaon kaa dabaao aur parvaaz ko paidal nahin hone detaa Dar hai us ko nazar aae na kahin zehn kaa 'aks vo miraa aaina saiqal nahin hone detaa tiraa qaanun hai jangal kaa ghanimat hai ki tu mire is shahr ko jangal nahin hone detaa chalo baat us ki sunein ek 'ajab mantiq se jo kisi baat ko muhmal nahin hone detaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"