phulon mein jhalak husn-e-rukh-e-yaar ki nikli — Mahtab Alam

"kyuun yaad ye sab qaht ke asbaab na aae jab ham ne duaa ki thi ki sailaab na aae ham ko to utarnaa hai samundar ki tahon mein haath aae ki ab gauhar-e-naayaab na aae tadbir ke mehvar pe rahaa mein yunhi raqsaan taabir ke markaz pe mire khvaab na aae baahar jo uThe shor to khiDki se na jhaanko aankhon pe tumhaari kahin tezaab na aae elaan kiyaa uDti hui khaak ne har samt manzar pe koi khitta-e-shaadaab na aae main ne jo kahaa tukhm-e-vafaa hain mire aansu kahne lage miTTi mein unhein daab na aae nikle hain sar-e-shaam liye mashal-e-fan ham nazdik koi kaaghzi mahtaab na aae"

"ghazal kaa meri khaaka dekhtaa hai jo us gul kaa saraapaa dekhtaa hai palaT kar jab masihaa dekhtaa hai mire zakhmon ko hanstaa dekhtaa hai tilismi hain nae insaan ki aankhein ki ghar mein rah ke duniyaa dekhtaa hai vahi kirdaar zinda hai jo apni kahaani ko adhuraa dekhtaa hai ye sun kar meri nindein uD gai hain koi meraa bhi sapnaa dekhtaa hai jo uDte hain uDein 'ghaalib' ke purze tamaashaai tamaashaa dekhtaa hai samundar buund lagtaa hai kisi ko koi zarre mein sahraa dekhtaa hai na jaane kis mein hai kitni basirat na jaane kaun kitnaa dekhtaa hai"

"dekhaa jo saaya shab mein ye samjhaa nigaah ne shaayad vo aaj aa gae vaada nibaahane viraan si is navaah mein aataa hi kaun thaa aabaad kar diyaa hai ise qatl-gaah ne un qaatilon pe kaun muqadma chalaaegaa jin ko liyaa panaah mein aalam-panaah ne har baat pe jo mujh se ye kahte hain chup raho kyaa apne husn ko bhi na deinge saraahne qaaem unhin faqiron ke dam se thi saltanat jin ko kiyaa hai mulk-badar sarbaraah ne achchhaa huaa sahar ne ulaT di naqaab-e-fikr bhaTkaa diyaa thaa raat mujhe vaah vaah ne kaaghaz agar siyaah karein to karein harif suraj ugaae hain miri fikr-o-nigaah ne"

"dar takhayyul ke muqaffal nahin hone detaa main tujhe aankh se ojhal nahin hone detaa niind aati hai to aankhon mein jagah detaa huun apni palkon ko main bojhal nahin hone detaa kis ko sairaab karegaa vo chhalaktaa baadal jo mari pyaas ko jal-thal nahin hone detaa chhin letaa hai musavvir ke sabhi hosh-o-havaas husn tasvir mukammal nahin hone detaa kis ko iflaas ne rakkhaa hai shagufta-khaatir ye to bachchon ko bhi chanchal nahin hone detaa koi kaandhe pe mire haath dhare hai 'mahtaab' ye takhayyul mujhe paagal nahin hone detaa"

"marhabaa tum bhi zarurat se mile kaun hai ab jo mohabbat se mile zindagi ne jo diye ham ko sabaq vo kahaan pand-o-nasihat se mile dil milaane se bhalaa kyaa haasil jab tabi'at na tabi'at se mile haae vo shahr-e-amaan jis mein ham roz ik taaza qayaamat se mile ye jo palkon pe saje hain moti sab hamein us dar-e-daulat se mile kaun hogaa vo ba-juz aaina shakl jis ki tiri surat se mile aaj pheinki gai ham par kuchh khaak aaj ham apni haqiqat se mile ham ne samjhaa hai unhein pyaar ke phuul zakhm jo sang-e-malaamat se mile the vo ujlat mein gae ye kah kar jis ko fursat ho vo fursat se mile"

"daagh-e-sina markaz-e-tanvir hai dil kaa chhaalaa chaand ki tasvir hai zindagi kyaa hai koi samjhaae to khvaab hai yaa khvaab ki taa'bir hai chain se zindaan mein baiThe ab junun paanv mein chakkar nahin zanjir hai phunk deingi nafratein ghar aap kaa naam darvaaze pe kyuun tahrir hai ghar kaa ik naqsha banaa leti hai roz ye jo dil mein hasrat-e-taa'mir hai ham amaan paate the jis ke saae mein vo shajar ab dhuup ki tasvir hai kis ke vaa'de par karein ham e'tibaar kis ke maathe pe vafaa tahrir hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"na koi dost ho meraa na ho adu meraa tum apne munh se agar kah do mujh ko tu meraa fasurdagi mein junun-e-havaa-e-gul yaani khizaan ke daur mein saudaa-e-rang-o-bu meraa jo tum nahin to bahaar-e-jinaan mein khaak nahin bahut vasia hai daamaan-e-aarzu meraa nibhegi ai dil-e-aavaara ab na tujh se miri bas aaj se na main teraa huun aur na tu meraa banaa rahe hain vo jalve ki apne tasvirein dikhaa dikhaa ke tamaashaa-e-rang-o-bu meraa kisi ki zulf-e-siyah kah rahi hai khul khul kar ghaTaa ne rang uDaayaa hai hu-ba-hu meraa mah-e-siyaam kaa aur intizaam kyaa karte janaab-e-shaikh uDaa le gae subu meraa jafaa kaa rang judaa hai vafaa kaa rang judaa malo na dast-e-hinaai mein tum lahu meraa taDap rahi hai jo abr-e-siyaah mein bijli firaaq mein yahi naqsha thaa hu-ba-hu meraa suhaani raat hai chhiTki hai chaandni 'muztar' miri nigaah mein phirtaa hai maah-ru meraa"

"kisi ki mehrbaani ho gai hai ayaan dil ki kahaani ho gai hai hare mausam ki pahli khvaahishein uf khushi gham ki divaani ho gai hai sabhi afraad ghar ke so gae hain bahut lambi kahaani ho gai hai rivaayat kaa hai ab bhi sahar qaaem har ik jiddat puraani ho gai hai pas-e-chehra milaa ik aur chehra 'aqidat paani paani ho gai hai"

"aakhiri hal thaa yahi pesh-e-nazar jaane diyaa ek gahri saans li phir khvaab mar jaane diyaa saarbaanaa de gavaahi mujh ko pyaari thi anaa rakh liyaa zaad-e-safar aur ham-safar jaane diyaa hazrat-e-naaseh ki khush-uftaadgi pe daad hai khud jidhar se aae the sab ko udhar jaane diyaa is harim-e-naaz mein yuun be-mahaabaa guftugu kuchh bharam rakkhaa to hotaa tum ko gar jaane diyaa tujh ko rokaa jaa rahaa thaa raushni thi jab talak shaam ke Dhalte samay suraj ko ghar jaane diyaa aankh sapne dekhti thi aansuon se kyon bhari chaahti to puchh leti main magar jaane diyaa dostaa qismat na ho to koshishein bekaar hain sabr kaa paimaana ham ne khud hi bhar jaane diyaa dil musir thaa baarhaa kuchh jaanchne ko ruk gae aakhirash us ne hamein baar-e-digar jaane diyaa"