qand-e-dahan kuchh is se ziyaada — Faiz Ahmad Faiz

"subh ki aaj jo rangat hai vo pahle to na thi kyaa khabar aaj khiraamaan sar-e-gulzaar hai kaun shaam gulnaar hui jaati hai dekho to sahi ye jo niklaa hai liye mishal-e-rukhsaar hai kaun raat mahki hui aai hai kahin se puchho aaj bikhraae hue zulf-e-trah-daar hai kaun phir dar-e-dil pe koi dene lagaa hai dastak jaaniye phir dil-e-vahshi kaa talabgaar hai kaun"

"kis shahr na shohra huaa naadaani-e-dil kaa kis par na khulaa raaz pareshaani-e-dil kaa aao karein mahfil pe zar-e-zakhm numaayaan charchaa hai bahut be-sar-o-saamaani-e-dil kaa dekh aaein chalo ku-e-nigaaraan kaa kharaaba shaayad koi mahram mile viraani-e-dil kaa puchho to udhar tir-fagan kaun hai yaaro saunpaa thaa jise kaam nigahbaani-e-dil kaa dekho to kidhar aaj rukh-e-baad-e-sabaa hai kis rah se payaam aayaa hai zindaani-e-dil kaa utre the kabhi 'faiz' vo aaina-e-dil mein aalam hai vahi aaj bhi hairaani-e-dil kaa"

"hamin se apni navaa ham-kalaam hoti rahi ye tegh apne lahu mein niyaam hoti rahi muqaabil-e-saf-e-aadaa jise kiyaa aaghaaz vo jang apne hi dil mein tamaam hoti rahi koi masihaa na ifaa-e-ahd ko pahunchaa bahut talaash pas-e-qatl-e-aam hoti rahi ye barhaman kaa karam vo ataa-e-shaikh-e-haram kabhi hayaat kabhi mai haraam hoti rahi jo kuchh bhi ban na paDaa 'faiz' luT ke yaaron se to rahzanon se duaa-o-salaam hoti rahi"

"phir lauTaa hai khurshid-e-jahaan-taab safar se phir nur-e-sahar dast-o-garebaan hai sahar se phir aag bhaDakne lagi har saaz-e-tarab mein phir shoale lapakne lage har dida-e-tar se phir niklaa hai divaana koi phunk ke ghar ko kuchh kahti hai har raah har ik raahguzar se vo rang hai imsaal gulistaan ki fazaa kaa ojhal hui divaar-e-qafas hadd-e-nazar se saaghar to khanakte hain sharaab aae na aae baadal to garajte hain ghaTaa barse na barse paa-posh ki kyaa fikr hai dastaar sambhaalaa paayaab hai jo mauj guzar jaaegi sar se"

"kai baar is kaa daaman bhar diyaa husn-e-do-aalam se magar dil hai ki is ki khaana-viraani nahin jaati kai baar is ki khaatir zarre zarre kaa jigar cheraa magar ye chashm-e-hairaan jis ki hairaani nahin jaati nahin jaati mataa-e-laal-o-gauhar ki giraan-yaabi mataa-e-ghairat-o-imaan ki arzaani nahin jaati miri chashm-e-tan-aasaan ko basirat mil gai jab se bahut jaani hui surat bhi pahchaani nahin jaati sar-e-khusrau se naaz-e-kaj-kulaahi chhin bhi jaataa hai kulaah-e-khusravi se bu-e-sultaani nahin jaati ba-juz divaangi vaan aur chaara hi kaho kyaa hai jahaan aql o khirad ki ek bhi maani nahin jaati"

"jamegi kaise bisaat-e-yaaraan ki shisha o jaam bujh gae hain sajegi kaise shab-e-nigaaraan ki dil sar-e-shaam bujh gae hain vo tirgi hai rah-e-butaan mein charaagh-e-rukh hai na sham-e-vaada kiran koi aarzu ki laao ki sab dar-o-baam bujh gae hain bahut sambhaalaa vafaa kaa paimaan magar vo barsi hai ab ke barkhaa har ek iqraar miT gayaa hai tamaam paighaam bujh gae hain qarib aa ai mah-e-shab-e-gham nazar pe khultaa nahin kuchh is dam ki dil pe kis kis kaa naqsh baaqi hai kaun se naam bujh gae hain bahaar ab aa ke kyaa karegi ki jin se thaa jashn-e-rang-o-naghma vo gul sar-e-shaakh jal gae hain vo dil tah-e-daam bujh gae hain"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"Tuut kar ab sanvar gayaa huun main is tarah se bikhar gayaa huun main jo tire naam ki gali hai vo us gali se guzar gayaa huun main yaadein teri sameT laayaa huun aaj jab se udhar gayaa huun main khud mukarnaa sikhaa diyaa us ne phir kahaa ki mukar gayaa huun main kal talak jo na kar sakaa thaa main aaj vo kaam kar gayaa huun main yuun kahin main nahin Thahartaa par tere dar par Thahar gayaa huun main"

"bistar-e-karb pe jab niind jalaai main ne tab kisi khvaab ki buniyaad uThaai main ne zakhm aise the ki har shakhs ke aage rakkhe baat aisi thi ki khud se bhi chhupaai main ne hurmat-e-gham ke liye khud ko aziyyat bakhshi phir usi dard se taskin bhi paai main ne main ne zakhmon ko kuredaa unhein taaza rakkhaa tab kahin dasht mein ki naghma-saraai main ne apni khiDki se yunhi khud ko pukaaraa kal shab aur phir khud ko vo aavaaz sunaai main ne jaane vaale se rag-e-jaan kaa bhi rishta thaa 'samir' ye samajhne mein bahut der lagaai main ne"

"murattab aur bhi ik goshvaara ho rahaa hai to kyaa hai gar abhi ham ko khasaara ho rahaa hai hamaare paas to ham se ziyaada tu nahin thaa so tu kyaa ab to khud se bhi kinaara ho rahaa hai hamaare khvaab mein ahmiyat-e-shab thi ziyaada so ab vo khvaab aankhon mein sitaara ho rahaa hai tumhaari aarzu hone se pahle bhi to ham the guzaara ho rahaa thaa so guzaara ho rahaa hai hayaa-aalud aankhein hain na aanchal hai na chilman ye kis viraan duniyaa kaa nazaara ho rahaa hai abhi ham faisla karne ki ujlat mein nahin hain magar lagtaa hai jiine se khasaara ho rahaa hai khalaa se is zamin par sang-rezo ki ye baarish kisi jaanib se kyaa koi ishaara ho rahaa hai"