sahar khvaab-e-hasin se baahar aa — Izhar Warsi

"us ne apnaa liyaa to Thahraa main vo samundar hai aur dariyaa main us ki vusat mein vusatein meri us ki gahraaiyon mein gahraa main sang barse ki phuul mat puchho TuTnaa thaa mujhe so TuuTaa main ham-nashin kyaa jo ham-khayaal nahin anjuman anjuman huun tanhaa main rabt-e-guft-o-shunid ho to khule log gunge hain yaa huun bahraa main ab na jazba na aarzu na umiid bin divaanon kaa ek sahraa main yaad rakhnaa hi naa-guzir hai kyuun kabhi tujh ko bhulaa bhi saktaa main"

"shikasta khvaabon kaa aankhon se raabta kar lein har ek shab kaa taqaazaa ki rat-jagaa kar lein lagaaein bhiiD gae zard-o-sabz lamhon ki aur us hujum mein phir khud ko laapata kar lein vagarna jiine na degaa gham-e-hayaat kaa zahr kisi ke bhule hue gham kaa phir nasha kar lein kuchh ehtijaaj bhi rakkhein sharik-e-zabt-e-sitam zabaan hai gung to chehra savaaliya kar lein vo zakhm dast-e-talab ho ki ho gul-e-shaadaab vo kuchh to degaa hamin 'arz-e-mudda'aa kar lein nazar hai teri tavajjoh ke har tarashshoh par paDe phuvaar to zakhmon ko phir haraa kar lein dikhaai dene lagaa rukh pe rang-e-baatin bhi bahut qarib hain ham thoDaa faasla kar lein"

"yaadon mein rang bhar rahaa huun zakhmon ko gulaab kar rahaa huun har saans ek an-suni si aahaT main jaane kis pe mar rahaa huun duniyaaein vajud paa rahi hain reza reza bikhar rahaa huun ik lamha-e-gum-shuda ki khaatir sadiyon kaa hisaab kar rahaa huun maqsud-e-safar hai kuchh to aisaa sho'lon se jo guzar rahaa huun hai ek junun-e-khud-shanaasi aksar apne hi sar rahaa huun tufaan guzar chukaa hai kab kaa ab dariyaa saa utar rahaa huun rishte mazbut ho rahe hain peshaaniyon par ubhar rahaa huun thaa fakhr bahut falak-rasi par khud apne par ab katar rahaa huun"

"aasmaanon saa khulaa-pan bhi mujhe chaahiye hai paanv thak jaaein to maskan bhi mujhe chaahiye hai dosto tum se umidein to bahut kuchh thiin par ab ek maaqul saa dushman bhi mujhe chaahiye hai qabl-e-manzil kahin luT jaane ki hasrat hai bahut raahbar hi nahin rahzan bhi mujhe chaahiye hai masale kam nahin vaise hi sulajhne ke liye aur tiri zulf ki uljhan bhi mujhe chaahiye hai vaqt ke saath badalti nahin tahrir-e-nihaad titliyaan dekhun to bachpan bhi mujhe chaahiye hai ab to is shart pe chaahun main tire husn ki aanch aag lag jaae to saavan bhi mujhe chaahiye hai"

"lamha lamha dastak de kar taDpaataa hai jaane kaun raat gae man-darvaaze par aa jaataa hai jaane kaun apni saanson ki khushbu ko ghol ke meri saanson mein meraa suunaa jivan-aangan mahkaataa hai jaane kaun ik anjaane haath ko aksar shaane par mahsus karun mujh se duur hi rah kar mujh ko apnaataa hai jaane kaun aankhein to parbat ke pichhe chhupte chaand ko dekhein bas us manzar ki oT mein lekin sharmaataa hai jaane kaun dhuup mein dasht-e-tanhaai ki mere jalte honTon ko lams apne gul-barg lab kaa de jaataa hai jaane kaun apne paraae chhuT gae sab aas-khilaune TuuT gae phir bhi ziddi man-baalak ko bahlaataa hai jaane kaun yaksaan tevar yaksaan chehre sab hi dukh dene vaale lekin is basti mein bhi ik sukh-daataa hai jaane kaun"

"band kamre mein dam na ghuT jaae khiDkiyaan khol do havaa aae aa ke suraj saron pe baiTh gayaa chhup gae hain badan badan saae itnaa dam to kisi diye mein nahin kaun paagal havaa ko Thahraae kyaa karein le ke aisi baarish ko rang phulon kaa jis mein dhul jaae kabhi tujh ko bhi bhulnaa chaahun koi shaitaan hai jo bahkaae dasht-e-jaan par baras rahe hain rang ek aanchal fazaa mein lahraae qaid zindaan-e-khaamushi mein koi khud bhi taDpe mujhe bhi taDpaae"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"