salaamat ishq afsaane bahut hain — Naim Hamid Ali

"kabhi sarsar hai kabhi baad-e-sabaa hai saaqi zindagi silsila-e-bim-o-rajaa hai saaqi na kudurat hai kisi se na gila hai saaqi main ne khud apne muqaddar ko likhaa hai saaqi apne maahaul mein shaamil huun main auron ki tarah mere jiine kaa magar taur judaa hai saaqi meraa chehra mire jazbaat kaa akkaas nahin meraa dil dekh jahaan hashr bapaa hai saaqi kuchh kahein ahl-e-khirad fikr nahin hai mujh ko mere aamaal khudaa dekh rahaa hai saaqi mufti-o-mohtasib-o-vaaiz-o-qaazi-o-faqih teri aankhon se kahin koi bachaa hai saaqi vaaqif-e-raaz hai mai-khaana-e-hasti kaa 'naim' us ke honTon pe magar qufl-e-vafaa hai saaqi"

"kabhi baatil ko haq aur haq ko ham baatil samajhte hain muraad-e-ahl-e-dil ko sirf ahl-e-dil samajhte hain dil-e-be-muddaaa hi muddaaa-e-zist hai apnaa isi be-haasili ko ziist kaa haasil samajhte hain ye teraa nuur vo teraa makaan dil kyaa nazar kyaa hai nazar ko ham nazar samjhe na dil ko dil samajhte hain kinaaron par jo uThte hain vo tufaan koi kyaa jaane hamein to kam-nazar aasuda-e-saahil samajhte hain yahi apnaa aqida hai koi kuchh bhi kahe ham to ghazal kahnaa bhi kaar-e-khair mein daakhil samajhte hain jilaa mahsus hoti hai 'naim' aaina-e-dil par kisi ki ham nigaah-e-lutf ko shaamil samajhte hain"

"tilism-e-shams-o-nujum-o-qamar se guzre hain dayaar-e-husn ki har rahguzar se guzre hain koi bhi qalb-o-nazar ko asiir kar na sakaa hazaar rang ke jalve nazar se guzre hain har imtihaan-e-azimat se tere divaane bahut vaqaar baDe karr-o-far se guzre hain Thahar gai hain vahin gardishein zamaane ki balaa-kashaan-e-mohabbat jidhar se guzre hain 'naim' jin se ibaarat hai zindagi kaa sukun vo haadsaat bhi meri nazar se guzre hain"

"karishma-saaz-o-saraapaa-bahaar hai ki nahin shabaab-o-husn-e-ghazal baa-vaqaar hai ki nahin khizaan kaa daur sahi ye bataao ahl-e-chaman yaqin-e-aamad-e-fasl-e-bahaar hai ki nahin bajaa ki mai-kada viraan hai masjidein aabaad rais-e-shahr bhi parhez-gaar hai ki nahin zabaan khatib ki mazmun rais-e-shahr kaa hai namaaziyon pe ye raaz aashkaar hai ki nahin nigaah chaahiye tahlil-o-tajziye ke liye khizaan kaa daur naved-e-bahaar hai ki nahin hamaaraa maazi-o-haazir bhi ik muamma hai bahaar thi ki nahin thi bahaar hai ki nahin ghazal to kahte hain sab ham magar ye dekhte hain vo karb-e-asr ki aaina-daar hai ki nahin hijaab maane-e-jalva sahi naved bhi hai khizaan naqaab-e-nigaar-e-bahaar hai ki nahin madaar bakhshish-o-pursish kaa hai niyat pe 'naim' umid-e-rahmat-e-parvardigaar hai ki nahin"

"agar shaane pe din ke raat kaa parcham nahin hotaa ye aalam kuchh bhi hotaa khushnumaa aalam nahin hotaa kisi surat Tapaktaa zakhm dil kaa kam nahin hotaa ye zakhm-e-dil hai ye minnat-kash-e-marham nahin hotaa masarrat se masarrat aur gham se gham nahin hotaa ajab hotaa hai aalam jab koi aalam nahin hotaa bharosa naakhudaa pe karne vaalaa Duub jaataa hai pukaare jo khudaa ko gharq-e-mauj-e-yam nahin hotaa shahaadat paai hai dil ne fidaa-e-gul-rukhaan ho kar shahidon kaa hamaare diin mein maatam nahin hotaa zahe-qismat ki aaghosh-e-haram hai aur ham varna gunaahon kaa sila to saaghar-e-zamzam nahin hotaa 'naim' apnaa liyaa hai ham ne gham saare zamaane kaa ki jab had se guzar jaataa hai gham phir gham nahin hotaa"

"na the ranj-o-alam aah-o-fughaan kal shab jahaan main thaa bahaarein thiin na thaa khauf-e-khizaan kal shab jahaan mein thaa jahaan-e-saabit-o-sayyaar thaa gard-e-safar meri mire zer-e-qadam thi kahkashaan kal shab jahaan main thaa pari-paikar nigaare sarv-qadde laala-rukhsaare hasin ik ik se baDh kar the vahaan kal shab jahaan main thaa moaddab saf-ba-saf karrubiyaan taa'zim dete the sarir-aaraa the shaah-e-do-jahaan kal shab jahaan main thaa ataa-e-ahl-e-dil hai is ko ahl-e-dil samajhte the main pahunchaa kis tarah kaise vahaan kal shab jahaan main thaa"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"muzhda ai zauq-e-asiri ki nazar aataa hai daam-e-khaali qafas-e-murgh-e-giraftaar ke paas jigar-e-tishna-e-aazaar tasalli na huaa ju-e-khun ham ne bahaai bun-e-har khaar ke paas mund gaiin kholte hi kholte aankhein hai hai khuub vaqt aae tum is 'aashiq-e-bimaar ke paas main bhi ruk ruk ke na martaa jo zabaan ke badle dashna ik tez saa hotaa mire gham-khvaar ke paas dahan-e-sher mein jaa baiThe lekin ai dil na khaDe ho jiye khubaan-e-dil-aazaar ke paas dekh kar tujh ko chaman bas-ki numu kartaa hai khud-ba-khud pahunche hai gul gosha-e-dastaar ke paas mar gayaa phoD ke sar 'ghaalib'-e-vahshi hai hai baiThnaa us kaa vo aa kar tiri divaar ke paas kab faqiron ko rasaai bu-e-mai-khvaar ke paas to bane bu dijiye maikhaane ki divaar ke paas"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kahe detaa huun go hai to nahin ye baat kahne ki tiri khvaahish nahin dil mein ziyaada der rahne ki bachaa kar dil guzartaa jaa rahaa huun har ta’alluq se kahaan us aable ko taab hai ab choT sahne ki rag-o-pai mein na hangaama kare to kyaa kare aakhir ijaazat jab nahin is ranj ko aankhon se bahne ki bas apni apni tarjihaat apni apni khvaahish hai tujhe shohrat kamaane ki mujhe ik she'r kahne ki jahaan kaa huun vahin ki raas aaegi fazaa mujh ko ye duniyaa bhi bhalaa koi jagah hai mere rahne ki jo kal 'irfaan' par guzri sunaa kuchh us ke baare mein khabar tum ne suni tufaan mein dariyaa ke bahne ki"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"