shab-e-furqat ki tirgi tauba — Inderjit Nirdosh

"khuun ke ashk pi rahaa huun main tere vaade pe ji rahaa huun main mujh pe ilzaam-e-mai-kashi kaisaa teri aankhon se pi rahaa huun main apne haathon se dafn kar denaa teraa ham-dam kabhi rahaa huun main tujh ko rusvaa karun miri tauba apne honTon ko si rahaa huun main duur jaa kar tumhaare saae se ab kahin kaa nahin rahaa huun main mujh pe ilzaam-e-bevafaai kyon dekh 'nirdosh' hi rahaa huun main"

"tire khayaal se baDh kar khayaal kyaa hogaa tu jis ke dil mein hai us ko malaal kyaa hogaa bhulaa diyaa thaa jahaan bhar ko teri qurbat mein kabhi na sochaa ki furqat mein haal kyaa hogaa khudaa ke vasl se naaseh nahin gharaz ham ko visaal-e-yaar se baDh kar visaal kyaa hogaa nigaah-e-husn se ahd-e-vafaa jo zaahir hai to kahiye ishq ke lab par savaal kyaa hogaa balaa kaa husn hai huron pe shaikh ji lekin jamaal-e-yaar se baDh kar jamaal kyaa hogaa chhalak paDe hain kai jaam tere aane par tu be-naqaab ho saaqi to haal kyaa hogaa tasavvuraat-e-iram khuub hain magar 'nirdosh' dayaar-e-yaar se baDh kar kamaal kyaa hogaa"

"kabhi inkaar hotaa hai kabhi iqraar hotaa hai yahi hain ishq ki rasmein yahi to pyaar hotaa hai tere aane ki baatein dil ke bahlaane ki baatein hain baDi mushkil se qismat mein visaal-e-yaar hotaa hai ye naazuk chiiz hai dil aap is se khel na khelein dilon ke khel puure khelnaa dushvaar hotaa hai bahut mushkil hai manzil tak pahunch paanaa mohabbat mein ki raah-e-ishq par to har koi laachaar hotaa hai sar-e-mu be-rukhi se bhi na mere dil ko tum chheDo baDaa naazuk rabaab-e-dil kaa har ik taar hotaa hai kiye baiThe rahe sar kham ki us zaalim ki mahfil mein nigaahon ko uThaa saknaa bahut dushvaar hotaa hai karo armaan itne hi ki jo 'nirdosh' puure hon na puuri ho agar khvaahish to dil bezaar hotaa hai"

"vo mujhe zindagi bataataa hai phir bhalaa kyon nazar churaataa hai main usi ko uThaa rahaa thaa par vo mujhe hi faqat giraataa hai yaad us ko kiyaa yahaan main ne par mujhe vo vahaan bhulaataa hai raaz saare bataa diye main ne kyon magar raaz vo chhupaataa hai log masruf hain mohabbat mein aur vo dil miraa dukhaataa hai"

"zindagi bojhal hui aazaar se jism jhuktaa jaa rahaa hai baar se doston ne is qadar dhoke diye aur raghbat baDh gai aghyaar se zindagi kaa ik nayaa imkaan huaa ik daricha khul gayaa divaar se ab bayaan kaise karun rudaad-e-gham kaam mushkil hai dil-e-naa-chaar se hijr ki raaton mein bahtaa hi rahaa ek naala chashm-e-dariyaa-baar se misl-e-majnun regzaaron mein rahe sar paTakte ret ki divaar se ham asiraan-e-mohabbat hain yahaan uljhe hain ab gesu-e-khamdaar se 'qalb' teri ghazlein yuun shaadaan karein dard nikle hai tire ashaar se"

"is ishq-e-junun-khez mein kyaa kyaa nahin hotaa divaana hai jo qais se lailaa nahin hotaa kuchh hashr lahad par abhi barpaa nahin hotaa aae ho to Thahro koi zinda nahin hotaa kyuun kar ye kahun husn kaa nashsha nahin hotaa hotaa to bahut hai magar itnaa nahin hotaa kuchh kahiye to sharmaa ke jhukaa lete hain gardan bhule se bhi ab vaada-e-fardaa nahin hotaa milte hain vo dil surkh hui jaati hai chuTki naazuk hain bahut khun-e-tamannaa nahin hotaa deti hai mazaa mai kaa hamein talkhi-e-tauba jab haath mein paimaana-e-sahbaa nahin hotaa vo hashr ke din kushte ko Thukraa chuke sau-baar kuchh jaan si paD jaati hai zinda nahin hotaa boli ye tamannaa jo ruke vo dar-e-dil par ghar aap kaa hai aap se pardaa nahin hotaa tiron ko jagah dete hain jo siine mein apne un logon ke ai jaan kaleja nahin hotaa sahraa se qadam ghar ki taraf khaak uThaaun kaanTe se judaa paanv kaa chhaalaa nahin hotaa baiThe nazar aate hain vahi teri gali mein jin kaa kahin duniyaa mein Thikaanaa nahin hotaa furqat mein hai kyuun nazaa ki taklif gavaaraa mar jaaein 'riyaaz' aap se itnaa nahin hotaa"

"jis din se meraa khvaab suhaanaa badal gayaa us din se zindagi kaa fasaana badal gayaa sunne lagaa huun jab se nasihat baDon ki main jaari thaa jo labon pe taraana badal gayaa pahchaan kaa havaala bhi baaqi nahin rahaa chehre ke saath aaina-khaana badal gayaa uThti nahin hai aankh bhi ab aasmaan ki samt jab se gali kaa chaand puraanaa badal gayaa tahzib jin ke ghar ki 'alaamat thi kal talak afsos aaj un kaa gharaanaa badal gayaa 'azmat kaa taaj sar pe hai 'akhilesh' ke sajaa aisi havaa chali ki zamaana badal gayaa itni sharaafaton mein kami aa gai hai aaj pahle thaa jo libaas puraanaa badal gayaa ahl-e-vafaa ne jis ki thi taarikh ki raqam 'faaruq' 'ishq kaa vo fasaana badal gayaa"

"jab tak mizaaj-e-dost mein kuchh barhami rahi goyaa bujhi bujhi si miri zindagi rahi jis par nigaah-e-lutf-e-karam aap ki rahi hairat se har nigaah use dekhti rahi go main rahaa kashaakash-e-dauraan se ham-kanaar lekin mire labon pe hansi khelti rahi laayaa hai ishq ne mujhe aise maqaam par khud-aagahi rahi na khudaa-aagahi rahi josh-e-junun ne manzil-e-maqsud paa liyaa aql-e-salim dekhti hi dekhti rahi sab kuchh mujhe 'khayaal' ki duniyaa mein mil gayaa lekin tumhaare husn-e-nazar ki kami rahi"

"aaina toD de rihaa kar de bevafaa ik yahi vafaa kar de rishta-e-dard toD de dil se rang ko phuul se judaa kar de zindagi-bhar tujhi ko chaahaa hai qarz kuchh to miraa adaa kar de de rahaa hai zakaat-e-husn agar mire haq se zaraa baDhaa kar de muddatein ho gaiin tujhe dekhe ab to milne kaa silsila kar de phir koi gul khile sar-e-mizhgaan phir dar-e-khvaab koi vaa kar de ik sitaare ko bakhsh kar mire khvaab phir use meraa aaina kar de baiThtaa jaa rahaa hai jaan kaa ghubaar ab use mujh se maavaraa kar de ai faqir-e-dayaar-e-laili-jaan mire haq mein bhi kuchh duaa kar de"