tabassum ho ki aansu chashm-e-tar mein — Najm Aafandi

"miraa aaghosh-e-nazar yaad aaya jalva-e-dost ko ghar yaad aaya aankh hangaama-e-mahshar mein khuli fitna-e-raahguzar yaad aaya ghairat-e-ishq bhi haathon se gai dil agar baar-e-digar yaad aaya ab milaate nahin duniyaa se nazar koi gustaakh-nazar yaad aaya aap ke dar pe milaa sar apnaa sajda yaad aaya to sar yaad aaya hosh-e-hasti pe huaa josh-e-karam dil idhar dard udhar yaad aaya aaj baiThe hain vo shamshir-ba-kaf kis gunahgaar kaa sar yaad aaya 'najm' ye fikr hai nazr-e-'ghaalib' 'ghaalib'-e-khasta jigar yaad aayaa"

"hasti koi aisi bhi hai insaan ke sivaa aur mazhab kaa khudaa aur hai matlab kaa khudaa aur phir Thahar gayaa qaafila-e-dard sunaa hai shaayad koi raste mein miri tarah giraa aur ik jurra-e-aakhir ki kami rah gai aakhir jitni vo pilaate gae aankhon ne kahaa aur mimbar se bahut fasl hai maidaan-e-amal kaa taqrir ke mard aur hain mardaan-e-vighaa aur allaah gila kar ke main pachtaayaa huun kyaa kyaa jab khatm hui baat kahin us ne kahaa aur kyaa zer-e-lab dost hai izhaar-e-jasaarat haq ho ki vo naahaq ho zaraa lai to baDhaa aur daulat kaa to pahle hi gunahgaar thaa munim daulat ki mohabbat ne gunahgaar kiyaa aur ye vahm saa hotaa hai mujhe dekh ke un ko sirat kaa khudaa aur hai surat kaa khudaa aur"

"hasti koi aisi bhi hai insaan ke sivaa aur mazhab kaa khudaa aur hai matlab kaa khudaa aur har jaada-e-manzil mein hai sajde ki adaa aur maabad ki fazaa aur hai maqtal ki fazaa aur phir Thahr gayaa qaafila-e-dard sunaa hai shaayad koi raste mein miri tarah giraa aur ik jura-e-aakhir ki kami rah gai aakhir jitni vo pilaate gae aankhon ne kahaa aur mimbar se bahut fasl hai maidaan-e-amal kaa taqdir ke mard aur hain mardaan-e-vighaa aur allaah gila kar ke main pachhtaayaa huun kyaa kyaa jab khatm hui baat kahin us ne kahaa aur kitne bhi hon kushte maraz-e-hirs-o-havaa ke bimaar ki maut aur hai marg-e-shohadaa aur kyaa zer-e-lab ai dost hai izhaar-e-jasaarat haq ho ki vo naahaq ho zaraa lai to baDhaa aur ye vahm saa hotaa hai mujhe dekh ke in ko sirat kaa khudaa aur hai surat kaa khudaa aur daulat kaa to pahle hi gunahgaar thaa munim daulat ki mohabbat ne gunahgaar kiyaa aur ye daur jo ai 'najm' hai urdu kaa mukhaalif is daur mein urdu ki hui nashv-o-numaa aur"

"khvaab-e-khush kahne hi ko apnaa thaa apnaa kuchh na thaa harf-e-aazaadi sunaa thaa ham ne samjhaa kuchh na thaa kaun kahtaa hai ki duniyaa mein hamaaraa kuchh na thaa jab tak apne farz kaa ehsaas thaa kyaa kuchh na thaa haath khaali apni manzil se chalaa su-e-adam ai musaafir kuchh tire qabze mein thaa yaa kuchh na thaa baat kahne ki nahin lekin haqiqat hai yahi meri hasti se jo sab kuchh hai vo tanhaa kuchh na thaa un ki ik karvaT pe ho jaati hai duniyaa muztarib main taDaptaa thaa magar meraa taDapnaa kuchh na thaa pur-sukun thi mere dil ki tarah masjid ki fazaa kitne fitne aaj uThe hain kal ye jhagDaa kuchh na thaa daaman-e-daulat thaa jab tak daaman-e-aghyaar mein aap bhi the ham bhi the ye meraa teraa kuchh na thaa rahm ke qaabil hai us kaa aalam-e-bechaargi kah diyaa jis ne bahut kuchh aur sochaa kuchh na thaa ham ko kis kis ne na sikhlaae tariqe sabr ke apne uupar vaqt jab aaya tariqa kuchh na thaa e'tiraaf-e-maasiyat thi mai-kashi ke saath saath mai-kade mein naaz-e-tasbih-o-musalllaa kuchh na thaa sau iraade the amal ke hausle ko kyaa karein ab to kahne ke liye un kaa iraada kuchh na thaa fitrat-e-insaan pe jab tak ishq thaa partav-fagan jauhar-e-insaaniyat ko 'najm' khatra kuchh na thaa"

"musaafir huun magar kyaa zindagi par hukmraani hai Thahar jaaun to baaqi hai guzar jaaun to faani hai mohabbat meri rag rag mein sharaab-e-arghavaani hai kahaan kaa nashsha-e-mai meraa nashsha jaavedaani hai javaani aai jaan aai gham aaya maut aai hai abhi kyaa jaaiye kis kis se taaqat aazmaai hai ghalat paDti hain dard-o-gham ki bhaTkaai hui nazrein baraah-e-raast jab dekhe koi duniyaa suhaani hai main pachhtaataa huun kyaa kyaa apnaa gham kah kar zamaana se sunaataa huun jise kahtaa hai meri hi kahaani hai gumaan-e-bad ghalat raah-e-talab ke zarra zarra par qadam kyunkar uThein apne hi dil se bad-gumaani hai mohabbat mein na jiine kaa iraada hai na marne kaa ajal par faisla Thahraa to ab jiine ki Thaani hai mizaaj-e-dard se bigDaa huaa andaaz-e-pursish hai kahin aisaa na ho kah duun tumhaari mehrbaani hai"

"ziist ki had hai jahaan tak himmat-e-mardaana hai aadmi taarikh hai aur aadmi afsaana hai khum kahin bharpur hai khaali kahin paimaana hai tu kahaan soi hui ai jurat-e-rindaana hai saari duniyaa ik fareb-e-jalva-e-jaanaana hai ye haram hai duur se nazdik se but-khaana hai vaqt kaa meri tarah un ko bhi hai shikva magar mere shikva kaa zaraa andaaz bebaakaana hai ye kisi ne bhi na dekhaa aag parvaane mein thi ye zamaana dekhtaa hai aag mein parvaana hai kuchh havaa de dein agar bairun-e-dar ki koshishein ghar jalaane ke liye haazir charaagh-e-khaana hai tishnagi-e-shauq manzil tak salaamat le ke jaa hoshiyaar ai raah-rau har moD par mai-khaana hai pursish-e-ahvaal par juz-shukr kuchh kahte nahin boriye par bhi mizaaj-e-ahl-e-dil shaahaana hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"