thaa vo yaaron mein apnaa yaar bahut — Basit Azeem

"ye kis ne aatish-e-ehsaas ko havaa di hai ki meri ruuh mein ik aag si lagaa di hai asir-e-lazzat-e-duniyaa huaa to aap huaa mujhe numud ki khvaahish ne ye sazaa di hai main aise lamhon ko kyaa naam duun ki jab main ne khud apne aap ko shiddat se badduaa di hai nadaamatein mire maazi se kar rahi hain savaal vo maah-o-saal ki daulat kahaan luTaa di hai ajiib tarah ki vo daastaan hai ham ne jise kahin se yaad rakhi hai kahin bhulaa di hai ai rah-ravaan-e-rah-e-shauq khauf hai kaisaa jo raaste mein thi divaar vo giraa di hai"

"har shakhs liye kaasa-e-ummid khaDaa hai mahsus ye hotaa hai koi qaht paDaa hai chehron pe ghubaar-e-gham-e-haalaat paDaa hai ham ahl-e-kharaabaat pe ye vaqt kaDaa hai ye sach hai tiraa qad to mire qad se baDaa hai lekin tu sar-e-vaadi-e-pindaar khaDaa hai ye vasl ke lamhe hain bahar-haal ghanimat 'isyaan ki talaafi ko baDaa vaqt paDaa hai us shakhs ko kis naam se mausum karun main saae ki tarah jo mire nazdik khaDaa hai ye kis ne samoi miri guftaar mein shokhi ye kaun pas-e-parda-e-alfaaz khaDaa hai alfaaz kaa marham nahin is zakhm kaa darmaan jo zakhm tire tarz-e-takallum se paDaa hai 'baasit' kabhi us mard-e-qalandar se bhi milte allaah-re vo shakhs ki jo khud se laDaa hai"

"kali kaa ruup chaman ko nikhaar hain ham log bahaar ham se hai jaan-e-bahaar hain ham log halaak-e-ranj hain gham kaa shikaar hain ham log zamaana biit gayaa be-qaraar hain ham log shikaar-e-gardish-e-lail-o-nahaar kyaa hote harif-e-gardish-e-lail-o-nahaar hain ham log koi kahe gham-e-jaanaan ko kaise apnaaein ki mubtalaa-e-gham-e-rozgaar hain ham log bisaat-e-dahr pe kuchh apnaa ikhtiyaar nahin khudaa gavaah ki be-ikhtiyaar hain ham log uDaae phirti hai har-su havaa-e-dahr hamein havaa ke saath misaal-e-ghubaar hain ham log fazaa-e-dasht mein jaise ghazaal aavaara ravaan ravaan yunhi divaana-vaar hain ham log agarche shahr bhi apnaa hai mulk bhi apnaa 'azim' phir bhi gharib-ud-dayaar hain ham log"

"'ishq hotaa hai jaan-levaa bhi ai mire yaar tu ne sochaa bhi tum ne chehra to apnaa dekh liyaa kyaa huaa aaina jo TuuTaa bhi dast-e-farzaangi mein patthar the main ne dekhaa hai ye tamaashaa bhi hai jo shikva-guzaar-e-saaya-e-zulf zulf ke saae mein vo Thahraa bhi ghar mein rahnaa bhi ab nahin aasaan aur hai band raah-e-sahraa bhi hai bahut mujh ko 'umr-bhar ke liye teri chaahat kaa ek lamha bhi apni hi raushni mein chaltaa huun saath chaltaa hai meraa saayaa bhi ham to sau baar tark-e-'ishq karein sar se nikle magar ye saudaa bhi dekh 'baasit-azim' jhuuT na bol kahin hotaa hai yaar aisaa bhi"

"kuchh is tarah se nizaam-exgul-o-bahaar chale ki eatibaar-e-mohabbat kaa kaarobaar chale nisaar dil ko to pahle hi kar chuke the ham bas ek jaan thi vo aaj tujh pe vaar chale huaa na aaj bhi haasil hamein tiraa didaar ham aaj bhi tire kuche se ashk-baar chale sukun yahaan bhi mayassar na ho sakaa dil ko tumhaari bazm mein aa kar bhi be-qaraar chale dil-o-nigaah hain ik mast-e-naaz ke bas mein dil-o-nigaah pe ab kis kaa ikhtiyaar chale raheinge ham shajar-e-saaya-daar ki surat riyaaz-e-dahr mein baad-e-khizaan hazaar chale khizaan-sifat tiri mahfil mein aae the lekin ham anjuman se tiri surat-e-bahaar chale chale 'azim' kuchh is tarah bazm se uTh kar ki jaise shahr-e-nigaaraan se shahryaar chale"

"tiraa khayaal faqat meraa aaina kyon hai tu hi bataa miri fitrat mein ye vafaa kyon hai khizaan-nasib bahaaron kaa silsila kyon hai hamaare saath hi aakhir ye haadisa kyon hai amir-e-shahr se har aadmi hai ham-aahang gharib-e-shahr magar itnaa be-navaa kyon hai har ek lamha dikhaaegaa dard ki tasvir gae zamaane ki jaanib tu dekhtaa kyon hai agarche jhuuT hi me'yaar-e-sidq Thahraa hai to phir ye sach ke khudaaon ko pujtaa kyon hai khud apne aap ko tu ne bikher rakkhaa thaa ab apne aap ko aakhir sameTaa kyon hai vo jin kaa zikr bhi tauhin-e-aadamiyyat thaa ab aise khaak-nashinon kaa tazkira kyon hai hamein pata hai ki kyaa ‘arz-e-mudda'aa hogaa hamaare saamne tamhid baandhtaa kyon hai agar nahin hai asar meri aah-o-zaari mein sukut-e-shab mire naalon se TuTtaa kyon hai jab us se koi ta'alluq nahin 'azim' to phir hamaari samt mohabbat se dekhtaa kyon hai"

"mahv-e-hairat huun miraa khaar ne rasta dekhaa ek kirdaar kaa kirdaar ne rasta dekhaa kaun kahtaa hai talabgaar ne rasta dekhaa ek be-daar kaa bedaar ne rasta dekhaa kam-nasibi ki mulaaqaat se mahrum rahe khush-nasibi ki mire yaar ne rasta dekhaa anginat aae ruke aur ravaana bhi hue kab kisi shakhs kaa sansaar ne rasta dekhaa apne vaalon ne musibat mein bhulaayaa lekin dosti ke liye aghyaar ne rasta dekhaa main ne sachchaai ko jis roz se apnaayaa hai meraa aksar rasan-o-daar ne rasta dekhaa tujh se 'mahmud' use pyaar bahut thaa shaayad marte dam tak tire bimaar ne rasta dekhaa"

"dushmani chalti rahi yaaron ke biich phuul bhi khilte rahe khaaron ke biich ho agar imaan-e-kaamil aaj bhi raqs ho saktaa hai angaaron ke biich dosti ki chhat banaanaa chaahiye ham ko bhi rahnaa hai divaaron ke biich aap ko to chaand kahte the sabhi aap kyon dhundlaa gae taaron ke biich khud-farebi ne sahaaraa de diyaa mil gayaa iqraar inkaaron ke biich khuub hai 'muztar' kaa rang-e-shaairi khuun ki surkhi hai ghazal-paaron ke biich"

"miri jaanib nigaah-e-naaz kar aahista aahista mire dil ke jazire mein utar aahista aahista mohabbat donon jaanib hai tafaavut sirf itnaa hai idhar hai tez-rau lekin udhar aahista aahista tiri beTi kaa qad tere baraabar ho gayaa shaayad tu apni khud-kushi par ghaur kar aahista aahista sahar aai na aae vo sitaaro jaao so jaao ki ab chalte hain ham bhi apne ghar aahista aahista jo kal tak meri barbaadi ki qasmein khaate phirte the vahi ab ho rahe hain dar-ba-dar aahista aahista na jaane rah-ravaan-e-raah kaa ab hashr kyaa hogaa bhaTakte jaa rahe hain raahbar aahista aahista khudaa ke vaaste samjhaa-bujhaa kar rok le koi vo dekho jaa rahe hain ruuTh kar aahista aahista adaavat dil mein rakhnaa muskuraa kar guftugu karnaa sabhi ko aa gayaa hai ye hunar aahista aahista nimaT luun doston ki dosti se pahle ai 'hamza' to lungaa dushmanon ki bhi khabar aahista aahista"

"gila hai apne muqaddar ki be-hisi se hamein aur is se baDh ke shikaayat hai zindagi se hamein kabhi nigaar-e-lab-e-shoala-vash kaa zikr chalaa kabhi hisaar-e-gham-e-jaan milaa kisi se hamein kabhi thaa qurb mein ik iztiraab kaa aalam kabhi qaraar milaa teri be-rukhi se hamein kabhi malaal huaa iltifaat-e-paiham se kabhi khushi thi bahut tark-e-dosti se hamein kabhi gumaan ki ye duniyaa hai ik fareb-e-nazar yaqin bhi hai khudaa ke vajud hi se hamein hayaat-e-jehd-e-musalsal mein kyon hai sargardaan zaraa pataa to chale ilm-o-aagahi se hamein agarche dil ko mili thi naved-e-subh-e-jamaal najaat mil na saki shab ki tirgi se hamein khaDe hain dasht-e-balaa-khez mein barahna-paa milaa hai izn-e-safar jazba-e-khudi se hamein 'sabaa' ye kaun si manzil hai dasht-e-imkaan mein na aashnaa se gharaz hai na ajnabi se hamein"

"ek dariyaa saa musalsal hai ravaan jaante hain ham zamaane se zamaane ko yahaan jaante hain raah-e-haq par hamein rakhnaa hain akele hi qadam saath degaa na hamaaraa ye jahaan jaante hain ham ne jo baat kahi vo bhi na samjhi tum ne dost to dost ki khaamosh zabaan jaante hain laakh aaraaishein mil jaaein magar un ke baghair ghar na ho paaegaa ham se ye makaan jaante hain daa'vaa karte hain khudaa ko bhi samajhne kaa magar ham yahaan Thiik se khud ko bhi kahaan jaante hain jism ke zakhm to sab bhar gae kab ke lekin ruuh par ab bhi jo hain ham vo nishaan jaante hain 'aarzu' kyon ho hamein ‘umr-daraazi ki jab zindagi ham tire sab sud-o-ziyaan jaante hain"

"rakht-e-safar kaa main ne iraada nahin kiyaa raushan charaagh-e-manzil-e-jaada nahin kiyaa tujh se bichhaD ke aur miraa dil udaas ho milne kaa is liye abhi vaada nahin kiyaa shiddat se thaa malaal shab-e-hijr kaa magar shaane pe tere sar ko nihaada nahin kiyaa dil mutmain hai baais-e-tajdid-e-dosti us ko khafaa bhi had se ziyaada nahin kiyaa sab kuchh ataa huaa tiri rahmat se is liye dast-e-talab ko aur kushaada nahin kiyaa shaayad ki meri ruuh ko baalidgi mile khud ko rahin-e-saaghar-o-baada nahin kiyaa shaayad miri jabin ko mile izn-e-bandagi dil ke varq ko is liye saada nahin kiyaa mujh ko na tamkanat kaa ho ehsaas-e-be-ziyaan qaamat ko apne aur sitaara nahin kiyaa apni talaash mein huun 'sabaa' is liye abhi su-e-haram safar kaa iraada nahin kiyaa"