tiraa gham jab se kam hone lagaa hai — Khurshidul Islam

"dil huaa viraan mataa-e-chashm-e-nam jaati rahi rafta rafta shorish-e-tab-e-alam jaati rahi tujh pe kyaa guzri ki paas-e-aashiqaan karne lagaa yaa'ni ham par vo tiri mashq-e-sitam jaati rahi ham ko duniyaa se shikaayat hai kuchh is andaaz ki thi kabhi duniyaa ko jaise qadr-e-gham jaati rahi mai-kada hai rind hain saaqi hai daur-e-jaam hai bazm-e-jam baaqi hai ab tak shaan-e-jam jaati rahi rah gayaa siine mein gham aasaar-e-gham zaahir nahin ghamgusaaron se bhi ab chashm-e-karam jaati rahi jis ko kahte hain mohabbat ho gai ab rasm-e-ghair jis ko kahte hain muravvat besh-o-kam jaati rahi"

"rabt kaisaa thaa dil-o-dida-o-jaan mein pahle thaa koi aur jahaan apne jahaan mein pahle dil dhaDaktaa hai to rone ki sadaa aati hai ek hangaama saa rahtaa thaa makaan mein pahle khaak si uDti hai siine mein yaqin ke har dam qaafile aa ke Thaharte the gumaan mein pahle yak-ba-yak dil se chhalak paDti thi ik mauj-e-tarab lazzat-e-jaan thi 'ajab shorish-e-jaan mein pahle ab taraddud hai taammul hai taassuf hai tamaam taab thi gham mein tamannaa thi fughaan mein pahle ab jo hai garmi-e-baazaar to ham is mein nahin ham bhi the garmi-e-baazaar jahaan mein pahle lahlahaataa hai jo qaamat mein qayaamat kaa chaman ye sajaavaT to na thi sarv-e-ravaan mein pahle saf-ba-saf bandish-e-aa'zaa kaa barahna cham-o-kham aisi yurish bhi na dekhi thi jahaan mein pahle ye kashish kab thi bhalaa kaaf-e-karam mein ki jo hai ye tapish kab thi bhalaa ru-e-butaan mein pahle"

"is se pahle ki gham-e-kaun-o-makaan ko samjho ho sake gar to mire gham ki zabaan ko samjho lafz-o-maani se alag hai mire ehsaas kaa rang ho sake tum se to andaaz-e-bayaan ko samjho husn hai vahm-e-mohabbat bhi gumaan hai lekin dil ye kahtaa hai ki har vahm-o-gumaan ko samjho tum samajhte hi nahin rang-e-shikasta ki zabaan kaun kahtaa hai ki tum meri fughaan ko samjho hai gham-e-sud-o-ziyaan fikr-o-nazar ki pasti aagahi ye hai ki aashob-e-jahaan ko samjho"

"jitne naghme the vajh-e-khalish ban gae jitne naale the sarf-e-havaa ho gae ham vahi hain jo kal the magar kyaa huaa ham vahin hain magar kyaa se kyaa ho gae jin ke daaman tahi aur khaali the dil jin ki jurat thi kam aur jaan muzmahil aastaanon pe sajde vo karte rahe rafta rafta hamaare khudaa ho gae is zamaane ke jo mir-o-sultaan the nau-e-aadam mein yaani jo insaan the dil se paai unhonne vo nashv-o-numaa tere kuche ke aakhir gadaa ho gae shor sinon mein uTh uTh ke dabte rahe dil-jigar duur gurdon mein khapte rahe haath kitne the yaan jo qalam ho gae saaz kyaa kyaa the jo be-sadaa ho gae yaar duniyaa ke saanche mein Dhalte rahe shama faanus the ham pighalte rahe apni tanhaa-ravi apnaa soz-e-darun ham bhi duniyaa mein ik maajraa ho gae ab na khatra hai dil mein na koi khalish ek baaqi rahaa hai to rang-e-tapish dil subuk aur saada hai is taur se qarz jitne the goyaa adaa ho gae gham sanvarte rahe ham sambhalte rahe shauq manzil ke sheve badalte rahe the jo nazdik ham se vo ab duur hain the jo naa-aashnaa aashnaa ho gae"

"har gham gham-e-taaza hai ye shaadaab hai siina aisaa bhi to is daur mein naayaab hai siina hangaam-e-khamidan bhi ye sar kham nahin hotaa yuun kahne ko ganjina-e-aadaab hai siina jaise ki na aai hai na aaegi koi aur har subh ko is taur se betaab hai siina baatin pe nazar kiije to ik bahr hai zakhkhaar zaahir pe nazar kiije to paayaab hai siina kab dasht-o-jabal koh-o-daman raah mein aaein ho soz jo siine mein to sailaab hai siina zaahir mein to jo kuchh hai vo asbaab-e-jahaan hai baatin mein yahi chashma-e-asbaab hai siina aankhein to barasti hain barasti hi raheingi kyuun Duub na jaaein ki tah-e-aab hai siina jis baab mein aasaar-e-ghazaalaan-e-ajam hain tauret kaa quraan kaa vo baab hai siina har-dam mire honTon se chhalakti hai gulaabi betaab si ik mauj-e-mai-e-naab hai siina basti mein ajab daulat-e-bedaar hain aankhein viraane mein ik daulat-e-naayaab hai siina bedaari mein soyaa huaa qatre mein talaatum aur khvaab mein jaagaa huaa sailaab hai siina hai ranj kaa aalam bhi koi aish kaa aalam har-lahza ajab aalam-e-sad-khvaab hai siina aalam hai agar raaz to ye shisha-e-jam hai aalam hai agar saaz to mizraab hai siina allaah ghani kahiye ki allaah ghani hai vo taab ataa ki hai jahaan-taab hai siina"

"kis shor-e-jahannum mein fazaa Duub chali hai dil dhaDke hai siine mein navaa Duub chali hai vo khuun ki maujein hain har ik su ki kamar tak farkhanda jamaalon ki qabaa Duub chali hai vo habs kaa 'aalam hai ki har saans hai ghaayal kyaa zikr huaa nabz-e-havaa Duub chali hai kyaa jaaniye kis goshe se umDi hai siyaahi kyaa kahiye ki kirnon ki ridaa Duub chali hai is shor mein kyaa koi sunegaa miri aavaaz jis shor mein maatam ki sadaa Duub chali hai"

"dil shaad nahin karte aabaad nahin karte mahsus ye hotaa hai vo yaad nahin karte naashaad zamaane ke dil shaad nahin karte kam-aql parindon ko aazaad nahin karte mohtaaj-e-karam aksar rahte hain gharibon ke jo log gharibon ki imdaad nahin karte kuchh log shikaayat ko haq apnaa samajhte hain kuchh log kabhi tum se fariyaad nahin karte ham apne iraadon mein rakhte hain tavaanaai ham daad ke taalib ko bedaad nahin karte jo aap ki niyyat kaa kuchh ilm hamein hotaa ham apni mohabbat ko barbaad nahin karte is daur-e-siyaasat mein 'mahmud' qayaamat hai ahbaab jo karte hain jallaad nahin karte"

"kyaa apne shahr mein koi aisaa makaan hai samjhun jise ki asl mein vo ik jahaan hai DhunDo haqiqat is mein na afsaana hi koi is kaa bayaan kuchh nahin us kaa bayaan hai apnaa shi'aar ab hai faqat amn-dushmani ye aur baat faakhta apnaa nishaan hai likhne ko ek harf na kahne ko ek lafz yuun to qalam hai haath mein munh mein zabaan hai vo lams jis ke baa'd zamaane guzar gae vo lams ab bhi taaza hai ab bhi javaan hai ho jaaegaa yaqin sabhon kaa hi kal jo aaj meraa yaqin aur sabhon kaa gumaan hai shatranj ki bisaat ki thi apni mez par shatranj ki bisaat ki saaraa jahaan hai"

"charaaghon se kuchh to churaayaa gayaa hai jo thi aag us ko bujhaayaa gayaa hai likhaa thaa jinhein sirf apne lahu se mire un khaton ko jalaayaa gayaa hai hazaaron daf'a us ne ki bevafaai mujhe bevafaa kyon bataayaa gayaa hai mujhe khud nikalnaa paDaa apne ghar se ye mat sochnaa ki bhagaayaa gayaa hai khabar ye mili hai ki mere hi ghar mein kisi ghair ko ab basaayaa gayaa hai mujhe hi sataa kar mujhe hi rulaa kar ye ilzaam mujh par lagaayaa gayaa hai tumhein kyaa bataaun mohabbat mein 'raavat' mujhe kis qadar aazmaayaa gayaa hai"

"bahr-e-rang-e-daastaan rahne diyaa ik tajassus darmiyaan rahne diyaa ab zamin ban kar bichhaa jaataa hai vo main ne jis ko aasmaan rahne diyaa raushni aur khvaab saare hech the apni aankhon mein dhuaan rahne diyaa vo jagah raushan nahin hogi kabhi is mohabbat ko jahaan rahne diyaa maan ne maathaa chuum kar rukhsat kiyaa maamtaa kaa saaebaan rahne diyaa kul milaa ke ye hai raaz-e-tishnagi ham ne dil ko sargiraan rahne diyaa khud hami paamaal Thahre shauq se khush-gumaan ko khush-gumaan rahne diyaa"

"tere tasavvuraat se aage nahin gayaa ye dil tavahhumaat se aage nahin gayaa jo biich raah chhoD gayaa shukr hai vo shakhs meri tavaqqu'aat se aage nahin gayaa shaayad use pasand thiin jhuTi numaaishein lekin main dil ki baat se aage nahin gayaa jazbaat-e-dil ko vo bhi na kuchh Dhang de sakaa main bhi takallufaat se aage nahin gayaa tohfa bhi us ke vaaste kangan liyaa 'zarim' vallah main us ke haath se aage nahin gayaa"

"ajab mushkil ki dil kaa haal aisaa ho gayaa hai sabhi ab puchhte hain mujh se ye kyaa ho gayaa hai main ye samjhaa ki gham kaa ab mudaavaa ho gayaa hai kuredaa zakhm to ye aur taaza ho gayaa hai kabhi fursat mile to khud se main baatein karungaa mujhe khud se mile bhi to zamaana ho gayaa hai magar ab sochtaa huun toD duun saare maraasim magar dil bhi tire gham se shanaasaa ho gayaa hai miri barbaad hasti kaa nazaara dekhne ko vo aae aur gham mein phir izaafa ho gayaa hai isi dariyaa mein ab khud ko Dubonaa chaahtaa huun ki is dil kaa talaatum mein kinaare ho gayaa hai chalo bhi 'qalb' ab tum dusraa dekho Thikaanaa ki is basti mein apnaa sab paraayaa ho gayaa hai"